కొత్త పుస్తకాలు

ఎస్‌. ఆర్‌. పృథ్వీ
పేజీలు: 76
ప్రతులకు: 9989223245
వెల: రూ 80

ఈ వ్యాస సంపుటిలో 13 వ్యాసాలున్నాయి. ఏ వ్యాసానికి ఆ వ్యాసం ఒక ప్రత్యేకతను సంతరించుకుంది. తెలుగు సాహిత్యంలో ముఖ్యంగా కవిత్వంలో అమ్మ మీద ఎన్నో పరిశోధనలు జరిగాయి. పృథ్వీ కూడా తెలుగు కవిత్వంలో అమ్మ గురించి, తెలుగు కవిత్వంలో తండ్రిపై పరిశీలన చేసి వ్యాసాలు అందించారు.
- డాక్టర్‌ ఎస్‌. శరత్‌జ్యోత్స్నారాణి

నిధి
పేజీలు: 88
ప్రతులకు: 9701000306
వెల: రూ 70

పలికే సప్తస్వరాలలో తంత్రిని నేను/ నర్తించే పాదాల మువ్వలు నేను/ జాలు వారిన అక్షరాల ఘంటం నేను / బ్రతుకును రంగుల్లో చిత్రించే కుంచెను నేను / నేను రైతు నాగలినే కాదు / సాలీల మగ్గాన్ని - కుమ్మరి సారెను / గౌడుల కత్తిని - మాదిగల ఆరెను / మంగలి కత్తెరను - జాలరి పడవను / సమస్త వృత్తుల పనిముట్టును నేను''

- నిధి

సింహప్రసాద్‌
పేజీలు: 160
ప్రతులకు: పేజీలు: 160 ప్రతులకు: 9849061668
వెల: రూ 70

'వెండిగిన్నెలో పాలబువ్వ' నవలలో రచయిత కనిపించడు. పాత్రలే సంభాషణల ద్వారా కథను నడిపిస్తాయి. సింహప్రసాద్‌ రచయితగా సాగించిన ప్రయాణాన్నీ, సాధించిన పరిణతినీ నిరూపించే శిల్పం అది. సింహప్రసాద్‌ గాలిలో తేలుతూ రచన చేసే రకం కాదు. ఆయన సృష్టించే పాత్రలూ అంతే. నిబ్బరంగా నేల మీద నడిచేవే.

- వక్కంతం సూర్యనారాయణ రావు

షెహనాజ్‌ బేగం
పేజీలు: 111
ప్రతులకు: 9849229786
వెల: రూ 100

మనచుట్టూ కనిపిస్తున్న సంఘటనలకు స్పందిస్తూ రాసిన కథలు. కుటుంబ సంబంధాలు, ఆర్థిక అసమానతలపై చక్కగా రాశారు. ఈ కథలలో క్లుప్తతతో పాటు చెప్పదలచుకున్న విషయాలు సూటిగా పాఠకుల హృదయాలకు చేరతాయి. కథలన్నీ మన చుట్టూ అల్లుకున్న జీవితాలే.

- డా|| ఎ. ఎ. నాగేంద్ర

షెహనాజ్‌ బేగం
పేజీలు: 56
ప్రతులకు: 9849229786
వెల: రూ 100

షహనాజ్‌ బేగం కథలలో సాంప్రదాయాల్ని పాటిస్తూ కుటుంబ విలువలు పెంపొందించే సృజన కనిపిస్తుంది. కథలన్నీ మన చుట్టూ ఉన్న జీవితాలతో మాట్లాడుతున్నట్టు సహజంగా ఉంటాయి. సంఘర్షణలు, సంఘటనలు, మానవీయ స్పర్శ ఉన్న కథలు ఇవి. పాఠకుడ్ని ఏకబిగిన చదివించే రచనా విధానం ఈ కథలలో కనిపిస్తుంది.
- డా|| ఎ. ఎ. నాగేంద్ర

సంకలనం: అడపా రామకృష్ణ
పేజీలు: 42
ప్రతులకు: 9505269091
వెల: రూ 50

 ఆంధ్రప్రదేశ్‌ ప్రభుత్వం తెలుగు మాధ్యమాన్ని తొలగించడం ఎందరినో కలిచివేసింది. అంతర్జాతీయంగా అనేక అధ్యయనాలు, పరిశోధనలూ ప్రాథమిక విద్యను మాతృభాషలో బోధించడమే శాస్త్రీయమని ఘోషించాయి. అమలు చేస్తున్నది. ఈ నేపథ్యంలో అడపా రామకృష్ణ 'తెలుగు విలాపం' పేరుతో ఈ సంకలనం తీసుకొచ్చారు. ప్రముఖ రచయితలు, మేథావులు మాతృభాష మాధ్యమంగా ఉండాల్సిన అవసరాన్ని తమ మాటల్లో చెప్పారు. విలువైన ఈ మాటలు సంకలనం చేసిన అడపా రామకృష్ణ అభినందనీయుడు.

కేశవ్‌
పేజీలు: 216
ప్రతులకు: 8961626848
వెల: రూ 200

ఒక సమకాలీన సమాజాన్ని సమగ్రంగా అధ్యయనం చేసి ఆకళింపు చేసుకునే ప్రయత్నంలో భాగంగా చదువరులకు విభిన్న సామాజి కాంశాలకు సంబంధించిన జ్ఞానాన్ని ఈ గ్రంథం కలిగిస్తుంది. ఈ పుస్తక వ్యాసాల రచయిత కేశవ్‌ గారు రాసిన ప్రతీ వ్యాసం ఎన్నో విషయాలను అధ్యయనం చేసి రాసినట్టుగా పాఠకునికి అవగతం అవుతుంది.

- కట్టగాని రవీందర్‌

సంపాదకవర్గం
పేజీలు: 112
ప్రతులకు: 9397114495
వెల: రూ 50

మార్క్స్‌-ఎంగెల్స్‌లు అపురూపమైన జంట. మార్క్స్‌కి ఎంగెల్స్‌ నీడ కాదు. సహచరుడు, స్వయంప్రకాశం కలవాడు. ఈ ఇద్దరు హేమాహేమీల కలయిక వల్లనే మార్క్సిజం ఒక పరిపూర్ణ సిద్ధాంతంగా వెలుగు చూసింది. ఎంగెల్స్‌ ద్విశత జయంతి సంవత్సరంలో శాస్త్రీయ సోషలిజంపై అధ్యయనం చేసేవారికి, ప్రచారం సాగించేవారందరికీ ఉపయోగపడుతుందని ఆశిస్తున్నాం.

- సంపాదకవర్గం

సంపాదకులు: వల్లూరు శివప్రసాద్‌ కె. శరచ్ఛంద్ర జ్యోతిశ్రీ
పేజీలు: 400
ప్రతులకు: 9291530714
వెల: రూ 225

శారద కథలు సమాజంలోని విభిన్న వర్గాల ప్రజల ఆలోచనలకు, ప్రలోభాలకు, ప్రవర్తనకు, బలహీనతలకు దర్పణాలుగా నిలుస్తాయి. జీవిత వాస్తవికతను ప్రతిబింబిస్తాయి. తనవైన, ఆకాంక్షలను, ఆదర్శాలను వెల్లడించడానికి కొన్ని కథలకు ఫాంటసీ జోడించి శిల్పవైవిధ్యాన్ని ప్రదర్శించాడు. శాంతికాముకుడుగా, ప్రకృతి ఆరాధకుడిగా, మానవతామూర్తిగా కనిపిస్తాడు.

- వల్లూరి శివప్రసాద్‌

దగ్గుమాటి పద్మాకర్‌
పేజీలు: 160
ప్రతులకు: 9989265444
వెల: రూ 200

జీవితాన్ని పైపైన కాకుండా, లోతుగా అనుభవంలోకి తెచ్చుకుని, ఆ అనుభవాల్ని ధ్యానించి వాటిమీంచి తనదే ఐన ఒక ప్రాపంచిక దృక్పథాన్ని ఏర్పరుచుకునే కథకుడు మాత్రమే ఇంత నిదానంగానూ, ఇంత మితంగానూ రాయగలుగుతాడు. ఇటువంటి కథకుడు చెప్పే ప్రతీ ఒక్క కథా ఎంతో భావగర్భితంగానూ, మరెంతో విలువైందిగానూ ఉండటంలో ఆశ్చర్యం లేదు.

- వాడ్రేవు చినవీరభద్రుడు

కెవిఆర్‌
పేజీలు: 106
ప్రతులకు: 9849083137
వెల: రూ 100

తెలుగు సాహిత్యరంగంలో మార్క్సిస్టు విమర్శకులుగా, కవిగా కె.వి.ఆర్‌. ప్రసిద్ధులు. కేవలం రచయితగానే కాక విరసం కార్యదర్శిగా ప్రముఖ పాత్ర వహించారు. నిబద్ధ రచయితగా, కెవిఆర్‌ వ్యక్తిత్వం విశిష్టమైనది. కె.వి.ఆర్‌. సాహిత్యకృషి, వ్యక్తిత్వానికి అద్దం పట్టే విలువైన వ్యాసాల సంకలనం ఇది. దీనిలో పి. రామకృష్ణ, భూమన్‌, ఎన్‌. వేణుగోపాల్‌, నల్లూరి రుక్మిణి, తంగిరాల వెంకట సుబ్బారావు, ఎన్‌. వేణుగోపాల్‌ తదితర ప్రముఖుల వ్యాసాలున్నాయి.

వకుళాభరణం లలిత, రామకృష్ణ
పేజీలు: 120
ప్రతులకు: 9849083137
వెల: రూ 100

వారి వ్యక్తిత్వాన్ని గూర్చి అనేకానేక అభిప్రాయాలూ, విమర్శలూ ఉన్నాయి. కోపిష్టి, స్నేహపాత్రుడు కాదు, ఉద్వేగి, ఏకాంతుడు- ఇలా ఎన్నో! నిజమే, వీటిలో కొంత యధార్థం లేకపోలేదు. వీటిని మించి, కె.వి.ఆర్‌. మరో కోణంలో స్నేహశీలి, ఆప్తుడు, జీవితమిచ్చిన సుఖాలనూ, బాధలనూ, చక్కని అభిరుచులనూ కలగలిపిన నిఖార్చయిన మనిషి! ఆయన జీవితంలో ఈ పార్శ్వాన్ని చెప్పాలని మా ఉద్దేశ్యం.

- వకుళాభరణం లలిత, రామకృష్ణ

మూలరచన: రవీంధ్రనాథ్‌ టాగూర్‌ - అనువాదం: కె.వి.ఆర్‌.
పేజీలు: 104
ప్రతులకు: 9849083137
వెల: రూ 100

కె.వి.ఆర్‌. అనువదించిన కథా సంకలనం 'ఆటబొమ్మలు' 2020 మార్చిలో ప్రచురిస్తున్నాం. ఈ కథలను బెంగాలీ భాషలో విశ్వకవి రవీంద్రనాథ్‌ టాగూర్‌ రచించారు. ఈ కథలను 'పద్మపూజ' పేరుతో 1959లో విశాలాంధ్ర ప్రచురణాలయం, 1969లో 'కార్మికస్వర్గంలో కళాప్రియుడు' పేరుతో ఎం. శేషాచలం అండ్‌ కో ప్రచురించాయి.

- కె.వి.ఆర్‌. శారదాంబ స్మారక కమిటీ

డా|| జి.వి. పూర్ణచంద్‌
పేజీలు: 55
ప్రతులకు: 9440172642
వెల: రూ 50

డా|| జి.వి. పూర్ణచందు భాషా చైతన్యం కలిగిన రచయిత. తెలుగు భాషా మూలాలు తవ్వి పరిశోధకులకు కావలసిన ముడిసరుకు తట్టలకెత్తి తెచ్చి అందించిన పరిశోధకుడు. భాషోద్యమ ముఖ్యులలో ఒకడు. మహాత్ముడి 150వ జయంతి ఉత్సవాలు పురస్కరించుకొని డా|| పూర్ణచందు ఈ పుస్తకాన్ని వెలువరిస్తున్నాడు. పుస్తకంలో ఎక్కడా రచయిత కనిపించకుండా, అక్షరం అక్షరం గాంధీని మన కళ్లముందు నిలబెట్టడం ఈ పుస్తకంలో విశేషం.

- మండలి బుద్ధప్రసాద్‌

అమ్జద్‌
పేజీలు: 140
ప్రతులకు: 9849787284
వెల: రూ 100

ఈ కథలు అనాయాసంగా చదివిస్తాయి. మన చుట్టూ ఉండేవారి బతుకు తీరుతెన్నుల్ని తెలియజేస్తాయి. మానవ స్వభావాన్ని ఆకళింపు చేసుకోవడానికి తోడ్పడతాయి. మహిళల పట్ల సంస్కారంతో ఆలోచించే రీతిని ప్రోదిచేస్తాయి. పరిస్థితుల ప్రాబల్యానికి లోనయ్యి వెతల పాలయ్యే వారిని సహృదయతతో అర్థం చేసుకోవలిసిన అవసరాన్ని గుర్తు చేస్తాయి.

- గుడిపాటి

స్టీఫెన్‌ డేవిడ్‌ కురగంటి
పేజీలు: 128
ప్రతులకు: 9490880938
వెల: రూ 100

సుమారు నలభై ఐదు ఏళ్ళు ఢిల్లీ సుల్తాన్‌ల దగ్గర వివిధ హౌదాలను అనుభవించి ఎన్నో చారిత్రక కట్టడాలకు మార్గదర్శకులయ్యారు. ఢిల్లీ సుల్తాన్‌ కాలంనాటి పారశీక, అరబిక్‌ మూలగ్రంథాల ఆంగ్ల అనువాదం ఆధారంగా రాసిన ఈ గ్రంథం యుగంధర్‌పై తొలి ప్రామాణిక గ్రంథం.


- స్టీఫెన్‌ డేవిడ్‌ కురగంటి

బొనిగల రామారావు
పేజీలు: 80
ప్రతులకు: 9963899959
వెల: రూ 80

బద్దన్న సేనాని గురించి విశ్వనాథ సత్యనారాయణ గారు ముందుగానే వ్రాశారు. ఆ గ్రంథం బహుశా ఇరవై ఐదు సంవత్సరాల క్రితం నేను చదివాను. 'బద్దన్న సేనాని', 'పంచమ కులస్థుడని' విశ్వనాథ వారు పరిశోధించి వ్రాశారు. దానికి నేను కృతజ్ఞుడను. కానీ ఎందుకో ఆ గ్రంథం సంపూర్ణంగా లేదని నాకు అనిపించింది. సర్వసేనాధిపతి గురించి తక్కువగా వ్రాసినట్లు అనిపించి నేను గ్రంథము వ్రాయ సంకల్పించాను.


- బొనిగల రామారావు

సి. రోజమ్మ
పేజీలు: 52
ప్రతులకు: 9912256565
వెల: రూ 0

చంద్ర ప్రభాభాసితమైన శాంతమ్మ గారి రేఖామాత్ర సాహిత్య జీవితం, వారి రచనలపై ప్రసిద్ధ భాషాచార్యుల పరిశోధన సదృశ్యంగా చేసిన మూల్యాంకనాలు, ఆత్మీయాను రాగాన్ని గ్రుమ్మరిస్తూ సహ సాహితీవ్రతులు కాన్క చేసిన అభినందన కవితలు, ఆమె ప్రత్యేకతను గుర్తించి పత్రికల వాళ్ళు ముఖాముఖి నిర్వహించి ప్రచురించిన వ్యాసాలు, అనుభూతి స్మరణికలు అనదగిన సభల ఛాయాచిత్రాలు ఇందులో పొందుపరిచారు.

- డా|| ఆశావాది ప్రకాశరావు

డాక్టర్‌ రాధేయ
పేజీలు: 70
ప్రతులకు: 9492638547
వెల: రూ 30

ఈ సంకలనంలో 2010 - 19 మధ్య 10 ఏళ్ళలో పురస్కారాలు, బహుమతులు పొందిన 24 కవితలున్నాయి. ఈ కవితలన్నీ గట్టి గింజలే. 21వ శతాబ్ది రెండవ దశాబ్దపు భారతీయ సామాజిక వాస్తవికతకు ఈ కవితలు అద్దం పడుతున్నాయి. ఒక్కమాటలో ఈ కవితలన్నీ భారతీయ జీవిత పరాయీకరణకు కళాత్మక ప్రతిఫలనాలు.


- ఆచార్య రాచపాళెం చంద్రశేఖర రెడ్డి

చలపాక ప్రకాష్‌
పేజీలు: 64
ప్రతులకు: 9247475975
వెల: రూ 60

సమాజంలో అంతర్గతమైన ఆర్థిక, సాంఘిక, రాజకీయ విలువలకు సరైన రీతిలో స్పందిస్తాడు. తనదైన చెప్పే పద్ధతిలో చిన్న కథకు ప్రాణం పోస్తాడు. ఎదురైన సంఘటనకో, అనుభవానికో చిరు కథారూపం ఇస్తాడు. అలా వచ్చినవే ఈ కాలమ్‌ కథలు. ఇట్టే చదివేయొచ్చు. పెద్దగా సమయం పట్టదు.


- దాట్ల దేవదానం రాజు

ఆప్కారి సూర్యప్రకాశ్‌
పేజీలు: 96
ప్రతులకు: 9848506964
వెల: రూ 150

దాదాపు నలభై యేడేళ్ళ (1972) క్రితం రచించి, 1981లో ప్రథమ ముద్రణగా వెలువడిన ఈ ''కాగితం పువ్వు'' వచన కావ్యం నేటి రెండో ముద్రణతో ఈ కావ్య ప్రాధాన్యతనీ, యినుమడించిన ప్రాసంగికతనీ స్పష్ట పరచుతున్నదనడంలో అతిశయోక్తి లేదు. ఈ ''కాగితం పువ్వు' కావ్య ప్రాసంగికత నేటికిన్నీ నీటు లొలుకుతున్నదని నిస్సంశయంగా నిర్థారణకు రావొచ్చు నిస్సందేహంగా పేర్కొనవచ్చు.


- పి.సి. రాములు (థింసా)

ఆప్కారి సూర్యప్రకాశ్
పేజీలు: 112
ప్రతులకు: 9848506964
వెల: రూ 110

సూర్యప్రకాశ్‌ గారి తొలి కథల సంపుటి ఇది. కథ నడిపే విధానం రచయితకు తెలుసు. పాత్రల చేత పలికించే తీరులూ నేర్పుగా చూపించడం తెలుసు. కనుక, ఆయన ముందు ముందు ఇంకా ఇంకా కథలు రాస్తారు. వాటిలో, వస్తువరణంలోనూ శిల్ప కల్పనలోనూ విస్తృతి, గాఢత, వైవిధ్యం ఇంకా ఎక్కువ చూపిస్తారన్న నమ్మకం నాకు ఉంది.

- పోరంకి దక్షిణామూర్తి

సింహప్రసాద్‌
పేజీలు: 184
ప్రతులకు: 9849061668
వెల: రూ 80

ఈ సంపుటిలోని కథలన్నీ మంచినీ, మానవత్వాన్నీ పంచే కథలు, పెంచే కథలు, జీవితాలతో పెనవేసుకు పోయిన కథలు, ఆరోగ్య దాయకమైన విలువలతో కూడిన సమాజాన్ని ఆవిష్కరించమంటూ సూచించే కథలు. శ్రీ సింహప్రసాద్‌ గారి కథా నిర్మాణ చాతుర్యాన్ని మనకు తెలియజేయడానికి, సుమారు 400 కథలు రాసి, అందులో 76 కథలకు బహుమతులందుకొన్న కథల గణాంకాలే సాక్ష్యంగా నిలుస్తాయి.

 

- ద్విభాష్యం రాజేశ్వరరావు

డా|| రమణ యశస్వి
పేజీలు: 153
ప్రతులకు: 9618848470
వెల: రూ 100

అందరూ సుఖసంతోషాలతో ఆనందంగా ఉండాలని, జీవనోత్సవంలో జీవితోత్సవం చవిచూడాలని ఈ పుస్తకానికి 'భలే మంచిరోజు' అనే పేరు పెట్టారు. ఒక సంవత్సరం పాటు వచ్చే ప్రత్యేకమైన రోజులను తీసుకొని వాటిని ఐదు పాదాల న్యూమరిక్కులలో ఇమిడ్చి ఆయా రోజుల ప్రాముఖ్యాన్ని గురించి అవగాహన కలిగించే ప్రయత్నాన్ని అద్భుతంగా, విజయవంతంగా నిర్వహించారు.
                                             

- ఆచార్య కొలకలూరి ఇనాక్‌

బోల యాదయ్య
పేజీలు: 82
ప్రతులకు: 9912206427
వెల: రూ 50

బోల యాదయ్య రాసిన ఈ మట్టి మొగ్గలులో తన అనుభవాలున్నాయి. ఒలికిపోయిన గంజనీళ్ళున్నాయి. రెక్కలు తెగిన ఆశలున్నాయి. కన్నీళ్ళ గుర్తులున్నాయి.బాధల బరువులున్నాయి. అన్యాయాల ఆగడాలున్నాయి. పగిలిపోయిన గాజుముక్కలున్నాయి. ఇలా వైవిధ్యభరితమైన మొగ్గలన్నీ ఇందులో దర్శనమిస్తాయి.
- డా|| భీంపల్లి శ్రీకాంత్‌

డా|| భీంపల్లి శ్రీకాంత్‌
పేజీలు: 50
ప్రతులకు: ప్రతులకు:
వెల: రూ 30

వివిధ వస్తువులతో నానీలు రాయడంలో ఒకింత సౌలభ్యం కవికి దొరుకుతుంది. కానీ ఏకాంశ నానీలు రాయడం వస్తువులోని భిన్న కోణాలను పసిగట్టాల్సి ఉంటది. చమత్కారవంతంగా, సరసంగా, ధ్వని పూర్వకంగా చెప్పాల్సి ఉంటది. భీంపల్లి బతుకమ్మను వస్తువుగా తీసుకుని అది తెలంగాణ పల్లె జీవితానికి ఎన్ని రంగులద్దుతున్నదో మనకు ఈ నానీల్లో ఆవిష్కరిస్తున్నడు.
- కోట్ల వెంకటేశ్వర రెడ్డి

శిఖామణి
పేజీలు: 208
ప్రతులకు: 9848202526
వెల: రూ 150

శిఖామణి నిక్కమైన కవి కనుక అలా రికార్డు చేసిన చరిత్రాత్మక కవితలలో కవిత్వాంశ కూడా అద్వితీయమే. అందుకనే బాప్ప కవితనో, యానాం సరస్వతి కవితనో, పూలకుర్రాడు కవితనో ఉత్త వైయక్తిక వ్యక్తీకరణలుగా కొట్టిపారేయలేం. ప్రతి ఒక్కరూ ఎక్కడో ఒకచోట ఈ కవితలతో కనెక్ట్‌ అవుతారు. వాటిని సార్వజనీన వాక్యాలుగా హృదయగతం చేసుకొంటారు.
- బొల్లోజు బాబా

గౌరెడ్డి హరిశ్చంద్రారెడ్డి
పేజీలు: 80
ప్రతులకు: 9110595847
వెల: రూ 50

ఎన్నో ఊహలు, కల్పితాలతో వచ్చిన అనేక చారిత్రక నవలలకంటే ఇది భిన్నమైనది. ఆధునిక తరం తెలుసుకోవాల్సిన కథాంశం. పరిశోధిస్తే గొప్ప సత్యాలను ఈ సమాజానికి అందించవచ్చని రచయిత నిరూపించారు. ఈ క్రమంలో వాస్తవమైన చరిత్ర రాస్తేనే చరిత్రలో స్థానం ఉంటుందని ఈ రచన ద్వారా వర్తమాన రచయితలకు, వర్థమాన రచయితలకు స్ఫూర్తిదాయకమైన సందేశమిచ్చారు. ఇది ప్రతి పౌరుడు చదవాల్సిన పుస్తకం.

- కెంగార మోహన్‌

తెలుగు అనువాదం డాక్టర్‌ ఎస్‌. జతిన్‌ కుమార్‌
పేజీలు: 70
ప్రతులకు: 040-24652387
వెల: రూ 75

సమాజం అందరి సమభోగ్యం కావాలని ఎలుగెత్తటం నేరమా? మనుషులు చేసిన చట్టాలకు కట్టుబడి నోరు మూసుకోవలసిందేనా? ఇలా ఎన్నో ప్రశ్నలు - సమాధానాలకై ఈ స్వరాలు వినండి. మానవత్వాన్ని, మనోసౌకుమార్యాన్ని తట్టిలేపే తిరుగుబాటు స్వరాలివి. స్వేచ్ఛ, స్వాతంత్య్రం, సమన్యాయం కోరుకున్న స్వరాలివి.
- డాక్టర్‌ ఎస్‌. జతిన్‌ కుమార్‌

బి. గోవర్ధనరావు
పేజీలు: 107
ప్రతులకు: 9441968930
వెల: రూ 60

కవితాభివ్యక్తిలో సహజంగా కొంత హెచ్చుతగ్గులున్నా, ఇందులోని 38 కవితలలో వస్తు వైవిధ్యం బహుముఖంగా వుంది. అన్నీ చదివిన తర్వాత, ముఖ్యంగా ఏకబిగిన చదివితే, కవి హృదయాన్నేకాక కవిత్వంలోని నిజాయితీని కూడా పాఠకుడు ఆస్వాదించగలుగుతాడని నేనభిప్రాయపడుతున్నాను.
- దివికుమార్‌

మార్ని రామకృష్ణారావు
పేజీలు: 184
ప్రతులకు: 9949079040
వెల: రూ 100

ఒక సామాన్య వ్యక్తి నిజాయితీతో, నిబద్ధతతో తను నమ్మిన సత్యాన్ని ఆచరిస్తూ జీవితంలో ఎంత
ఉన్నతంగా ఎదగవచ్చో అనేదానికి మార్ని రామకృష్ణారావు గారి జీవితం ఒక గొప్ప ఉదాహరణ. ఆయన జీవితం నుండి ఈ తరం నేర్చుకోవలసింది ఎంతో ఉంది. నిరాడంబరమైన ఆదర్శ జీవనశైలికి ఈ స్వీయ జీవిత చరిత్ర నిలువెత్తు సాక్ష్యం. ఈ పుస్తకం తప్పనిసరిగా అందరూ చదవాలి.
- వొరప్రసాద్‌

యం.కె. సుగమ్‌బాబు
పేజీలు: 149
ప్రతులకు: 8096615202
వెల: రూ 100

మనిషి జీవితం అంతిమంగా ఏమి చెబుతోంది. పరిమితమైన జీవితం అపరిమితమైన పరిధిలో వ్యాకులపడటం, అశాంతిలోకి జారిపోవడం మాత్రమే కాదనుకుంటాను. ఒక తాత్విక అవగాహన మాత్రమే మనిషిని సేదతీరుస్తుందని, మనశ్శాంతిని ప్రసాదిస్తుందని, సరైన తోవలో నడిపిస్తుందని నమ్ముతాను. ఈ ఆలోచనే నాతో 'రెక్కలు' ప్రక్రియ రాయించింది. 'రెక్కలు' ప్రవహించే కాలానికి ప్రతీకలు.
- యం.కె. సుగమ్‌బాబు

తగుళ్ళ గోపాల్‌
పేజీలు: 164
ప్రతులకు: 9505056316
వెల: రూ 150

గోపాల్‌ కవిత్వానికి భూమికా, ప్రాతిపదికా, పెనుతుఫానై చెలరేగుతూ పాత ఆధిపత్య భావజాలాలను సమూలంగా తుడిచిపెట్టి కొత్త భాషనూ, కొత్త చరిత్రనూ రాస్తున్న ఈ సబాల్టర్న్‌ చైతన్యమే. గోపాల్‌ కవిత్వం ఇన్నాళ్లూ అణచివేతకు గురైన అనేకానేక అస్త్తిత్వాల ధిక్కార ప్రకటన. పురివిప్పిన అనేక సబాల్టర్న్‌ అస్తిత్వ చైతన్యాల గానం. సంఘర్షిస్తూ వికసిస్తున్న వేల పూల పరిమళం.
- నారాయణస్వామి వెంకటయోగి

డా|| ముద్దు వెంకటరమణారావు
పేజీలు: 264
ప్రతులకు: 9177794351
వెల: రూ 150

ఇంగ్లీషు కవిత్వం మాత్రం (ూశీవ్‌తీy) మొదట నుంచీ ఇప్పటి వరకు, ముఖ్యులైన కవుల రచనలను కనీసం ఒక్కొక్కటి అనువదించి, ప్రచురించాలని సంకల్పం కలిగింది. ఒక్కొక్కటి దేనికి అనువాదమో ఆ ఇంగ్లీషు పద్యాన్ని, కవిని aషసఅశీషశ్రీవసస్త్రవ చేస్తూ బ్రాకెట్లలో ఉదహరించాను. ×ఎఎశీత్‌ీaశ్రీ ూశీవఎర పుస్తకంలో వున్న రచనలను మాత్రం ఇంగ్లీషు మాతృక, తెలుగులో నా అనుసరణ, రెండూ ప్రచురించాను.

- రచయిత

అంపశయ్య నవీన్‌
పేజీలు: 317
ప్రతులకు: 040-24652387
వెల: రూ 300

ఇది నేను ప్రచురిస్తున్న నా ఐదవ వ్యాసాల సంకలనం. నేను ఈ వ్యాసాల్ని, పుస్తక సమీక్షల్ని, ముందుమాటల్ని, ఈ లోకం నుండి శాశ్వతంగా వెళ్ళిపోయిన సాహితీ మిత్రులను గూర్చి రాసిన నివాళుల్ని- ఆయా సందర్భాలలో రాశాను. ఈ వ్యాసాల్లోని ఒక వ్యాసాన్ని గూర్చి ప్రత్యేకంగా చెప్పాలి. దాన్నే ఈ సంకలనానికి శీర్షికగా పెట్టాను.

- అంపశయ్య నవీన్‌

డా|| సి. భవానీదేవి
పేజీలు: 257
ప్రతులకు: 040-27636172
వెల: రూ 0

నేను 'నది మాసపత్రిక' లో ఈ శీర్షికలో 54 మంది పెద్దల్ని వారి అమ్మ గురించి చెప్పమని పలకరించాను. ఢిల్లీకి రాజయినా ఒక అమ్మకి బిడ్డేనని నిజాన్ని రుజువు చేసిన వీళ్ళంతా వాళ్ళ అమ్మ గురించి మాట్లాడేటప్పుడు పసిపిల్లలైపోయారు. ఒక్కొక్కరు మాట్లాడుతుంటే వింటూ నేను కూడా బాల్యంలోకి ప్రయాణించి వాళ్ళ కుటుంబంలో ఒక సభ్యురాలిగా ఆ దృశ్యాలన్నీ చూశాను.
- డా|| సి. భవానీదేవి

నల్లూరి రుక్మిణి
పేజీలు: 159
ప్రతులకు: 9989133401
వెల: రూ 90

అనసూయమ్మే కాదు, అలాంటి వాళ్ళ జీవితాలన్నీ సంక్లిష్టంగానే వుంటాయి. అందువల్లే 'మేరువు'లోని సావిత్రమ్మ ఓ నమూనా. అంటే సావిత్రమ్మ కంటే కూడా ముందుకు వెళ్ళి ప్రాణాలను తృణప్రాయంగా ఎంచిన త్యాగధనులు ఈ యాభై ఏళ్ళలో అనేకమందిని నా కంటిముందే చూశాను. వాళ్ళందరి జీవితాలూ రికార్డు చేయదగినవి.
- రచయిత్రి

దేశరాజు
పేజీలు: 176
ప్రతులకు: 9948680009
వెల: రూ 135

ఉత్తరాంధ్ర పోరాటపటిమంతా, ఇన్నాళ్ళ సుదీర్ఘ వామపక్ష పోరాటాల సారాన్ని తనలో ఇంకించుకుని అక్కడి నుంచి సామాజిక పరిణామాల చరిత్రనంతా తన కవితలో రకరకాలుగా అనేక సందర్భాల్లో అనేక రకాలుగా అభినవ వ్యక్తీకరణలో పద్య నిర్మాణాలు చేసుకుంటూ పోతున్నాడు.
- శివారెడ్డి

ప్రధాన సంపాదకులు: పాలపిట్ట
పేజీలు: 352
ప్రతులకు: 9848787284
వెల: రూ 150

ఇవాళ్టి రచయితలు ఏయే అంశాల గురించి ఆలోచిస్తున్నారో, వారిని స్పందింపజేసే సంఘటనలు ఏమిటో ఈ కథలు చదివితే బోధపడుతుంది. ఒకటీ రెండు మినహాయించి అన్నీ కొత్త కథలే. మొదటిసారిగా పాఠకుల ముందుకు వచ్చిన కథలివి. మంచి కథల కోసం దప్పికగొన్న పాఠకుల దాహాన్ని తీర్చేందుకు చేసిన ఒక ప్రయత్నమిది. పాఠకులే ఈ కథల మేలిమిని గురించి చెప్పగలరని ఆశ.
- పాలపిట్ట బుక్స్‌

సంపాదకులు: డి. స్వప్న
పేజీలు: 298
ప్రతులకు: 040-24652387
వెల: రూ 200

ఈ స్వర్ణోత్సవ సంపుటిలో ఎంతో మంది గొప్ప రచయితలు, విమర్శకులు, సాహితీ మిత్రులు, అభిమాన పాఠకులు తమ స్పందనను ఎంతో ఆత్మీయంగా తెలియజేసారు. అంపశయ్య నవల ప్రత్యేకతలు, శిల్పం, శైలి, కథాగమనం - ఇలా అనేక విషయాలను విస్త ృతంగా విశ్లేషించారు. ఒక నవల వెలువడి 50 యేళ్ళు గడిచిన సందర్భంగా 60 మందికి పైగా లబ్దప్రతిష్టులైన రచయితలతో పాటు నారాయణ, సురేంద్ర లాంటి సామాన్య పాఠకులు కూడా ఈ నవల చదివినప్పటి తమ అనుభూతులను తెలియజేయడం అపూర్వమైన సన్నివేశం.

- డి. స్వప్న

పెనుగొండ లక్ష్మీనారాయణ
పేజీలు: 299
ప్రతులకు: 9291530714
వెల: రూ 200

గుంటూరు సీమ సాహిత్య చరిత్ర ఆ ప్రాంత గుర్తింపు చైతన్యంతో రచయిత వ్రాసాడని అనుకునే అవకాశం లేకపోలేదు. కానీ రచన మొత్తం చదివినప్పడు తెలుగు సాహిత్య చరిత్రలో గుంటూరు సీమ చరిత్ర ఒక విడదీయరాని భాగం అని తెలుగు సాహిత్య చరిత్ర నిర్మాణానికి దోహదం చేశాయని భారతదేశంలో జరుగుతున్న పరిణామాల నేపథ్యంలో వికసించాయని బోధపడుతుంది.
- ఆచార్య కేతు విశ్వనాథ రెడ్డి

డా|| భీంపల్లి శ్రీకాంత్‌
పేజీలు: 36
ప్రతులకు: 9032844017
వెల: రూ 30

భీంపల్లి శ్రీకాంత్‌ ఈ మధ్యకాలంలో 'మొగ్గలు' అనే నూతన ప్రక్రియను ఆరంభించారు. ఇదీ చాలామంది కవుల, యువకవులకు ప్రేరణదాయకమై వేలాది మొగ్గలను వివిధ ప్రాంతాల్లో కవులు రచించి ఆవిష్కరిస్తున్నారు. నిజం చెప్పాలంటే ప్రపంచంలో తెలుగు సాహిత్యంలో ఉన్నన్ని ప్రక్రియలు వేరే భాషా సాహిత్యాలలో లేవు. వీరి 'బతుకమ్మ మొగ్గలు' చదివి సాహితీ పరిమళాలను ఆఘ్రానిద్దాం.
- డా|| గన్నోజు శ్రీనివాసాచారి

డా|| భీంపల్లి శ్రీకాంత్‌ డా|| గుంటి గోపి, సృజామి
పేజీలు: 100
ప్రతులకు: 9032844017
వెల: రూ 40

వందమంది ఆత్మీయ కవిమిత్రులు తక్షణమే స్పందించి మొగ్గలు ప్రక్రియల్లో అద్భుతంగా బతుకమ్మను బతికించారు. ఒక్కొక్కరు ఒక్కో రీతిలో స్పందించి బతుకమ్మకు పూల హారతులిచ్చారు. ఏక వస్తువుపై మొగ్గలు రావడం ఇదే తొలిసారి కావడం విశేషం.
- డాక్టర్‌ భీంపల్లి శ్రీకాంత్‌

టి. అంబుజ
పేజీలు: 28
ప్రతులకు: 9493710142
వెల: రూ 30

శ్రీమతి టి. అంబుజ గారు 'రామకృష్ణ మాట ప్రగతిబాట' అన్న మకుటంతో తెలుగు పద్యకవితా ప్రపంచంలోకి తొలి అడుగు వేసింది. ఈ రామకృష్ణ శతకంలో కవయిత్రి సామాజిక వాస్తవికతను - ఆధునికతను - ఆటవెలదులలో పొదిగి సాహితీలోకానికి అందించింది. అలవోకగా పెదవులపై ఆడే మామూలు పదాలతోనే శతకాన్ని నడిపించింది.
- వల్లభాపురం జనార్దన

ఉప్పరి తిరుమలేష్‌
పేజీలు: 70
ప్రతులకు: 9618961384
వెల: రూ 0

సహజంగా ఒక తెలంగాణ కవి ఎంచుకునే వస్తువే ఈ సంకలనం నిండా విస్తరించింది. బోనాలు, కాళోజీ, అంబేద్కర్‌, జ్యోతీబాపూలే, యాదాద్రి శిల్పకళ, సావిత్రి బాయి, సినారె, మేడారం జాతరలపై రాసిన కవితలు ఈ ప్రాంతం కాని వారు రాయడం కష్టం. ఇతర కవితలలోని వస్తువు వైవిధ్యభూతమైనదే. శీర్షికలలో వాచ్యమూ, అభివ్యక్తిలో వాచ్యమూ ఇది తొలకరి కవితాసంపుటి అని చెప్పకనే చెబుతోంది.
- డా|| ఏనుగు నరసింహా రెడ్డి

నాగాబత్తుల గోపాలకృష్ణ
పేజీలు: 56
ప్రతులకు: 9440372046
వెల: రూ 30

నాగాబత్తుల గోపాలకృష్ణ అంబేద్కర్‌ను నరనరాల నింపుకున్న మనసున్న దళితుడు. ఏమి ఆశించకుండా తాను నమ్మిన అంబేద్కర్‌ సిద్ధాంతాన్ని ప్రచారం చేయడానికి పూనుకున్న దళిత దళపతి. దళితుల ఉద్యమాన్ని, అంబేద్కర్‌ ఆశయాలను, అంబేద్కర్‌ జీవితాన్ని పాటల్లా ఏర్చికూర్చి అందిస్తున్న వైనం గొప్ప సాహసం. తెలుగు గేయ సాహిత్యంలోనూ ప్రసిద్ధాలైన ఓలచ్చాగుమ్మాడి, చందమామయ్యో, ఎన్నియాలో, ఉయ్యా వంటి బాణీలను తీసుకొని గోపాలకృష్ణ ఈ పాటలను కట్టాడు.

- డా|| గూటం స్వామి

షేక్‌ కరీముల్లా
పేజీలు: 40
ప్రతులకు: 9441502990
వెల: రూ 40

వర్తమాన తెలుగు సాహిత్యం విస్తృతమైనది. అనేకానేక అస్తిత్వ ఉద్యమాలకు నిలయమిది. ఈ క్రమంలోనే భాషలోని సంక్లిష్టతను దూరం చేస్తూ జనసామాన్యానికి దగ్గరయ్యేలా కవిత్వం సంక్షిప్త రూపం దాల్చే దశ యిది. ఇటువంటి సందర్భంలో ముస్లిం కవులకు తమ సామాజిక సాంస్క ృతిక అస్తిత్వాన్ని నిలబెట్టుకుంటూ చైతన్యం కలిగించే ఒక నూతన వచన కవితా ప్రక్రియ అవసరం అన్పించింది. ఈ ఆలోచన కలిగిందే తడవుగా ''అబాబీలు'' అనే నూతన వచన కవితా ప్రక్రియ ఆవిష్కరించే ఉద్దేశ్యంతో ఈ ''బదర్‌''ను మీ ముందుకు తెస్తున్నాను.
- షేక్‌ కరీముల్లా

షేక్‌ కరీముల్లా
పేజీలు: 40
ప్రతులకు: 9441502990
వెల: రూ 40

వర్తమాన తెలుగు సాహిత్యం విస్తృతమైనది. అనేకానేక అస్తిత్వ ఉద్యమాలకు నిలయమిది. ఈ క్రమంలోనే భాషలోని సంక్లిష్టతను దూరం చేస్తూ జనసామాన్యానికి దగ్గరయ్యేలా కవిత్వం సంక్షిప్త రూపం దాల్చే దశ యిది. ఇటువంటి సందర్భంలో ముస్లిం కవులకు తమ సామాజిక సాంస్క ృతిక అస్తిత్వాన్ని నిలబెట్టుకుంటూ చైతన్యం కలిగించే ఒక నూతన వచన కవితా ప్రక్రియ అవసరం అన్పించింది. ఈ ఆలోచన కలిగిందే తడవుగా ''అబాబీలు'' అనే నూతన వచన కవితా ప్రక్రియ ఆవిష్కరించే ఉద్దేశ్యంతో ఈ ''బదర్‌''ను మీ ముందుకు తెస్తున్నాను.
- షేక్‌ కరీముల్లా

బుర్రా లక్ష్మీనారాయణ
పేజీలు: 160
ప్రతులకు: 9676699300
వెల: రూ 100

గాఢమైన అభివ్యక్తి, తాత్విక పరిమళం కలగలసిన కవితాలోకాన్ని సృజించారు బుర్రా లక్ష్మీనారాయణ. 'కలచాలనమ్‌' ద్వారా పరిచితులైన వారిలోని కవితాశక్తికి నిదర్శనం ఈ పుస్తకం. వచనమే కాదు కవిత్వమూ శక్తివంతంగా రాయగలరని చెప్పడానికి దాఖలాగా నిలిచిన పుస్తకమిది. అనేకానేక భావాల సమ్మిళితమైన ఒక వేదనానురక్తి ఈ సంపుటి నిండా పరుచుకొని వుంది. వ్యక్తిగతమూ, సామాజికమూ, ఆత్మాశ్రయమూ అనే గీతల్ని చెరిపేస్తూ లోలోపలి అలజడిని కవిత్వం చేయడానికి లక్ష్మీనారాయణ గారు ప్రయత్నించారు.
- పాలపిట్ట బుక్స్‌

బుర్రా లక్ష్మీనారాయణ
పేజీలు: 60
ప్రతులకు: 9676699300
వెల: రూ 50

 సెంద్రి మనసును సుతారంగా ఆవిష్కరించడమే కాకుండా... ఆమెకు మట్టి రంగు చీర, నెమలి కంటంచీర, కల్లు రంగు రైక, నింగి రంగు రైక.. వంటివి కవి తన సుకుమార భావాలతో కట్టబెడతాడు. సెంద్రి సుకుమారే కాదు, మాటకారి కూడా, అందుకే 'మనసు లేని మాట రాదు, మాటలేని మనసు లేదు' అంటుంది. అలాంటి సెంద్రి తలపులు ప్రతి పాఠకుడి గుండె తలుపులు తడతాయని నేను నమ్ముతున్నాను.

- కె.వి.యస్‌. వర్మ

ఆవుల వెంకటేసులు
పేజీలు: 140
ప్రతులకు: 9553421435
వెల: రూ 120

మానవ ప్రేమ ఆయన అక్షరాల పరమార్థం. సహజ పరివర్తన ఆయన పదాల కాంక్ష. నాగరికత పేరుతో చెలరేగే విచ్చలవిడి తనం, బాధ్యతలేని రాజకీయ వ్యవస్థ, కాలం చెల్లిన సామాజిక అవశేషాల విజృంభణ, స్వార్థపూరిత మానవ ప్రవర్తన వంటివి ఆయనకు శత్రువులు. చెప్పదలచుకున్న విషయాన్ని విలువలతో కూడిన భాషలో అభివ్యక్తం చేయడానికి వెంకటేశులు ఈ కావ్యమంతా ప్రయత్నించాడు.

- ఆచార్య రాచపాళెం చంద్రశేఖర రెడ్డి

రేగులపాటి కిషన్‌రావు
పేజీలు: 98
ప్రతులకు: 7396036922
వెల: రూ 100

రేగులపాటి కిషన్‌రావు సీనియర్‌ కథకులు. ఇప్పటికే సంస్కారం కథలు, ఈ తరం పెళ్ళికూతురు, అన్వేషణ, పరిమళించిన మానవత్వం వంటి కథా సంపుటాలు వెలువరించారు. నవచైతన్యం వారి తాజా కథా సంపుటి. ఈ సంపుటి 14 కథల సమాహారం. వివిధ పత్రికలలో ఇప్పటికే ప్రచురితమైన ఈ కథలు పాఠకుల ఆదరణకు నోచుకున్నాయి. ఇప్పుడు కథా సంపుటి రూపంలో పాఠకుల ముందుకు వస్తున్నాయి.

గడల శివప్రసాద్‌
పేజీలు: 62
ప్రతులకు: 9494229437
వెల: రూ 60

గడల తీసుకువస్తున్న మూడవ కవితా సంపుటి ఇది. 2014లో ''చెరుకు గడల నానీలు'' అనే పేరుతో తియ్యటి నానీలను తెలుగు పాఠకులకు అందించారు. 2016లో సమాజంలోని వివిధ అస్తవ్యస్త విధానాలపై ''చెరుకుగడల కొరడాల''ను ఝళిపించారు. ఇక ఇప్పుడు ఆ తరువాత సంభవించిన అనేకానేక సామాజిక అసమానతలపైన, రాజకీయ విధానాలపైన, నిరంతరం వెంటాడే అనేక జ్ఞాపకాలపైన స్పందిస్తూ ఈ ''చెరుకుగడల తూణీరాలు' సంధిస్తున్నారు.

- జోశ్యుల కృష్ణబాబు

సయ్యద్‌ నశీర్‌ అహమ్మద్‌
పేజీలు: 32
ప్రతులకు: 9440241727
వెల: రూ 25

ఈ విపత్కర పరిస్థితులలో ఈ దేశంలోని అన్ని సాంఘిక జన సముదాయాల మధ్యన ఉన్న స్నేహ సోదరభావం, జాతి సమైక్యత, సమగ్రతలను మరింత పటిష్టం చేసుకోవాల్సి ఉంది. ఆ కారణంగా మన పూర్వీకులు మాతృభూమి విముక్తి పోరాటంలో ఎలా కలిసి మెలిసి ఐక్యంగా బ్రిటీష్‌ వలసపాలకులతో పోరాడిన చరిత్రను ప్రజల ఎరుకలోకి తేవాల్సిన ఆవశ్యకత ఏర్పడింది. అందులో భాగంగా ఉత్తేజకరమైన ఆప్పటి చరిత్రను ఈ పుస్తకం మనముందుకు తెస్తున్నది.

- హాజి ఫారూఖ్‌ షుబ్లి

అద్దేపల్లి ప్రభు
పేజీలు: 88
ప్రతులకు: 9848930203
వెల: రూ 100

ఒక తొలిపొద్దు మైదానంలో/ నలిగిన గడ్డిలో నీ పాదముద్రని చూశాను / గరిక్కొసన పొటమరించిన బిందువు మీద / నీ ఉనికి గంధాన్ని ఊహిస్తాను /నలిగిన గడ్డీ అణిగిన నేలా నీ /జంగమ రహస్యాన్ని లీనం చేసుకుంటాయి / నీ స్పర్శకి ఎరుపు డౌలు పడ్డ పరిసరాలన్నీ / గరిక పచ్చ చాప కింద తడి ఊపిరి / దారి పోసుకుంటూ పాకుతుంటాయి / నాకే కోకిల జొన్న గింజ కన్నులోనైనా / నీ రాత్రులే కనిపిస్తాయి / అలసిన రాత్రి నొసటన నీవద్దిన పెదాల ఆనమాలై / తెల్లవారుతుంది.

- అద్దేపల్లి ప్రభు

అబ్బూరి ఛాయాదేవి ప్రత్యేక సంచిక
పేజీలు: 74
ప్రతులకు: 040-27660173
వెల: రూ 15

ప్రముఖ రచయిత్రి అబ్బూరి ఛాయాదేవి 2019 జూన్‌ 28న కన్నుమూశారు. భూమిక మాసపత్రిక సెప్టెంబర్‌-అక్టోబర్‌ 2019 సంచికను 'అబ్బూరి ఛాయాదేవి ప్రత్యేక సంచిక' గా వెలువరించింది. అబ్బూరి ఛాయాదేవి జీవితం, సాహిత్యకృషిపై ప్రసిద్ధులైన వారి వ్యాసాల సమాహారం ఈ సంచిక. లోతైన విశ్లేషణలు, ఆత్మీయ స్పందనలతో సంచిక దాచుకోదగ్గది.

జాతీయస్ఫూర్తి మాసపత్రిక ప్రత్యేక సంచిక
పేజీలు: 70
ప్రతులకు: 9866074023
వెల: రూ 30

విశాలాంధ్ర సంపాదకులు, ప్రసిద్ధ పాత్రికేయులు చక్రవర్తుల రాఘవాచారి 2019 అక్టోబర్‌ 28న కన్నుమూశారు.జాతీయస్ఫూర్తి మాసపత్రిక ఆయనపై నవంబర్‌ సంచికను ప్రత్యేక సంచికగా వెలువరించింది. రాఘవాచారి జీవితం, పాత్రికేయుడిగా వారి కృషికి అద్దం పట్టే విధంగా ఈ ప్రత్యేక సంచికను తీర్చిదిద్దారు. రాఘవాచారి స్ఫూర్తిదాయక జీవితం పాఠకులకు ఉత్తేజం కలిగిస్తుంది.

యాకూబ్‌
పేజీలు: 167
ప్రతులకు: 9849156588
వెల: రూ 100

సమకాలీన వాస్తవికతను తీగలు తీగలుగా అల్లుకొని సాగిపోతున్న చింత ఉంది ఈ పుస్తకం నిండా. ఇది కేవలం చింత మాత్రమే కాదు. చింతన కూడా. నేటి మన దుస్థితి తాలూకూ చింతనాత్మక స్పందనలీ కవితలు. నూతన ఉగ్ర జాతీయవాద సినేరియాలో ఒక లిబరల్‌ ప్రజాస్వామికవాది గుండెకోత ఈ కవితాసంపుటి.
- జి. లక్ష్మీనరసయ్య

కిల్లాడ సత్యనారాయణ
పేజీలు: 108
ప్రతులకు: 0866-2430302
వెల: రూ 80

మనిషిలోపల కూడా మహా సముద్రాలున్నాయని, కాబట్టి మనిషి తన సమస్యల పరిష్కారానికై బయటి ప్రపంచంలో కాకుండా, లోపలి ప్రపంచంలో అన్వేషణ కొనసాగించాలని- తద్వారా ఆ అగాధపు జలనిధిలోని అసలు సిసలు ఆణిముత్యాల్ని కనుగొనగలడని చెబుతున్న పుస్తకం ఇది. ఈ పుస్తక రచయిత కవి కూడా కావడం వల్ల ఇందులోని సముద్రాలపై వెన్నెల కూడా పడినట్లుంది.

- భగవంతం

బండి ఉష
పేజీలు: 192
ప్రతులకు: 9676377462
వెల: రూ 100

తెలుగువారి సామాజిక, ఆర్థిక, సాంస్క ృతిక జీవితంలోని అంతర్మథనాలనూ, సంఘర్షణలనూ, సంప్రదాయ ఉల్లంఘనలనూ, కాలం కల్పించే మార్పులనూ, పరిష్కారాలనూ సోదరి ఉష అక్షరీకరించిన తీరు అమోఘం. ఈ సంపుటిలో కథలు చదువుతూ ఉన్నప్పుడు మస్తిష్కంలో వాటి తాలూకూ దృశ్యాలు ఆవిష్క ృతం అయ్యేవి. సజీవ కథలకూ, ఉత్తమ రచనకూ గీటురాయి ఇదే.

- యు. రామకృష్ణ

డా|| ఏనుగు నరసింహారెడ్డి
పేజీలు: 143
ప్రతులకు: 040-27678430
వెల: రూ 100

వస్తువుని మాత్రమే కాదు, వస్తువుని సౌందర్యాత్మకంగా అభివ్యక్తం చేసారో లేదో చెప్పగల శైలీశిల్పాల నిపుణతని పరిశీలించి చూపడం నరసింహారెడ్డి సాహిత్యవిమర్శలోని మేలిమి గుణం. ఇదే విమర్శకుడిగా అతని ప్రయాణం పదునెక్కడానికి దోహదకారి. వస్తురూపాల సంవిధానం గురించి సంయమనంతో విశ్లేషించే దృష్టి వైశాల్యం విమర్శకునిగా ఏనుగు నరసింహారెడ్డి ప్రత్యేకతని నిలబెడుతుంది.
- గుడిపాటి

బొల్లోజు బాబా
పేజీలు: 120
ప్రతులకు: 9849320443
వెల: రూ 100

బాబాలో కవీ, విమర్శకుడూ ఇద్దరూ పుష్కలంగా వున్నారు. వాళ్ళ ప్రపంచాలు అంత భిన్నమైనవేమీ కాదు. అయితే, వాళ్ళిద్దరి మధ్యా సరిగా వంతెన కట్టే విశ్లేషణ ఏదో జరగాల్సిన సందర్భం దగ్గిర పడిందని ఈ కొత్త కవిత్వ సంపుటి చదువుతున్నప్పుడు అర్థమైంది. కవిగా తన దారి ఏమిటో వెతుక్కోవడానికి బాబా కవిత్వ విమర్శలోకి వచ్చాడనీ నాకు గట్టిగానే అనిపిస్తుంది.

- అఫ్సర్‌

బిక్కి కృష్ణ
పేజీలు: 148
ప్రతులకు: 9912738815
వెల: రూ 200

బిక్కి కృష్ణ ప్రశ్నలలో, విమర్శలలో అర్థవంతమైనవి, అవసరమైనవి కొన్ని వున్నాయి. ఆత్మవిమర్శ మనుషులకు అవసరం. అట్లాగే కవులకూ అవసరం. మనం తప్పనుకున్న గుణాలను మనలో లేకుండా చూసుకోవడం ద్వారా మాత్రమే మనం మెరుగైన సాహిత్య వ్యక్తులం కాగలుగుతాం.
- కె. శ్రీనివాస్‌

శ్రీశ్రీ సింగంపల్లి అశోక్‌ కుమార్‌
పేజీలు: 120
ప్రతులకు: 9440243433
వెల: రూ 100

ఇప్పుడు మరో రెండు పుస్తకాలు 'అశోక నివాళి' మూడు, నాలుగు భాగాలు. ఇవి నూరుగురు అంతర్జాతీయ అమరయోధులకు నివాళి. ఒక్కో భాగంలో యాభై మంది అమర యోధులు చొప్పున రెండు భాగాలు, రెండు పుస్తకాలు.
- సింగంపల్లి అశోక్‌ కుమార్‌

ఆర్‌.సి. కృష్ణస్వామి రాజు
పేజీలు: 112
ప్రతులకు: 9393662821
వెల: రూ 100

సాధారణంగా అందరూ 'బాల్యం ఎవరు రాసినా బావుంటుంది' అంటారు. కానీ అది అబద్ధమని అర్థమవుతుంది. ఎందుకంటే అది ఎంత బాల్యమైనా సరే రాయాల్సిన వాళ్లు రాసే పద్ధతిలో రాస్తేనే బావుంటుంది. లేకుంటే లేదు. ఇలా బాల్య కథలను, పల్లెటూరి కథలను తమదైన యాస, భాషలో రాసి మెప్పించిన తెలుగు రచయితల సరసన కృష్ణస్వామి రాజు కూడా ఈ కథలతో చేరబోతున్నాడు.

- వేంపల్లె షరీఫ్‌

ఏనుగు నరసింహా రెడ్డి
పేజీలు: 125
ప్రతులకు: 8978869183
వెల: రూ 130

ఈ రచయిత శాఖను లోపలి నుండీ బయట నుండీ తరచి చూసిన అధికారి. రచయితగా జనసామాన్యం సమస్యల పట్ల ఆర్తి గలవాడు. అందుకే రెవెన్యూశాఖమీద లోతైన అవగాహనతో, విశ్లేషణతో ఈ పుస్తకం రాశాడు. రెవెన్యూశాఖను సామాన్య ప్రజలకు ప్రియమైన శాఖగా ఎలా మార్చవచ్చో వాస్తవికంగా చెప్పాడు. ఆచరణ యోగ్యమైన సంస్కరణలు ప్రతిపాదించాడు.
- జూలూరు గౌరీశంకర్‌

జన్ను లక్ష్మి
పేజీలు: 200
ప్రతులకు: 9494480753
వెల: రూ 150

సూర్యుడి మొహమే/ చూడని నేను../ నీ మొహమెలా చూస్తాను?!/ సూర్యుడు లేవకముందే.../ నేను ఇల్లొదిలి వెళ్తాను/ నేను పనిచేసే చోట.../ సూర్యచంద్రులతో పనిలేదు!/ పగలే దీపాలు.../ వెలుగుతూ వుంటాయి! / సూర్యుడు వెళ్లింతర్వాత / నేను ఇంటికి చేరుకుంటాను/ పున్నమి జాబిలే../అందంగా వుంటుందని/ తెలియని నాకు / నువ్వందంగా వున్నావని / ఎలా తెలుస్తుంది?
- జన్ను లక్ష్మి

నూతలపాటి సాంబయ్య
పేజీలు: 104
ప్రతులకు: 9848034930
వెల: రూ 0

ఎనిమిది పదుల జీవన ప్రస్థానంలో ఉన్నవాడిని. 65 వసంతాలు రంగస్థల సేవలో గడిపినవాడిని. జీవితంలో ఎన్నో మిట్టపల్లాలను చవిచూసిన వాడిని. కళాసాహితీ రంగాలలో ఇంకా ఏదో చేయాలని తపిస్తున్న వాడిని. నా భావాలను, అనుభవాలను అక్షర రూపంలో చూసుకోవాలని ఆశపడుతున్నవాడిని. ఆశే జీవితమని, నిరాశ మరణంతో సమానమని తెలుసుకొన్న వాడిని.
- నూతలపాటి సాంబయ్య

రాచకొండ మల్లికార్జున రావు
పేజీలు: 62
ప్రతులకు: 9246273615
వెల: రూ 0

''పిల్లలు ఈ పుస్తకం పూర్తి చేసే సరికి మొత్తం తెలుగు అక్షరాలను ఒత్తులతో సహా వ్రాయడం, చదవడం నేర్చుకోగలుగుతారు. దానితో పాటు నిత్యం వాడుకలో ఉండే అనేక పదాలను కూడా తెలుసుకుంటారు. తెలుగులో మాట్లాడగలుగుతారు'' అన్న మల్లికార్జునరావు గారి మాటలతో నేను సంపూర్ణంగా ఏకీభవిస్తున్నాను.
- మండలి బుద్ధప్రసాద్‌

కొప్పోలు యాదయ్య
పేజీలు: 85
ప్రతులకు: 9494273703
వెల: రూ 30

నిజానికి కవులు ప్రజల పక్షం. యాదయ్య కూడా అంతే. ఎందుకంటే 'పడిలేచిన తెలంగాణ' రాసిన ఈ కవే శ్రమ విలువను కీర్తిస్తూ 'స్వేదం ధారగా పారినప్పుడే' రాసాడు. మేడేను స్మరిస్తూ 'బిగిసిన పిడికిళ్ళు' రాసాడు. 'శ్రమయేవ జయతే' రాసాడు. 'అప్రజాస్వామికం' అని కన్నడ రాజకీయం గురించీ రాసాడు. ఏది రాసినా ఊహలో, భావంలో అభివ్యక్తిలో స్పష్టత యాదయ్య లక్షణం.
- డా|| ఏనుగు నరసింహా రెడ్డి

ఉప్పరి తిరుమలేష్‌
పేజీలు: 36
ప్రతులకు: 9618961384
వెల: రూ 30

బతుకమ్మ చుట్టూ అల్లిన మొగ్గలు సాహితీ పరిమళాలను వెదజల్లుతున్నాయి. ప్రతి మొగ్గలో బతుకమ్మ హరివిల్లై విలసిల్లుతున్నది. తిరుమలేష్‌ కలంలో బతుకమ్మ మొగ్గలు విరగబూసి తెలంగాణ నేలన వికసిస్తున్నాయి. పాలమూరులో మొలకెత్తిన మొగ్గలు తెలంగాణ అంతటా వ్యాపిస్తున్నాయి. ఆ మొగ్గలకు ప్రాణం పోస్తున్న తిరుమలేష్‌ మొగ్గలలో రెండవ కవితా సంపుటి బతుకమ్మ మొగ్గలు.

- డా|| భీంపల్లి శ్రీకాంత్‌

డా|| భీంపల్లి శ్రీకాంత్‌
పేజీలు: 113
ప్రతులకు: 9032844017
వెల: రూ 30

అతని కవితాశైలి అతని చేతిని మీరి ప్రవహించే సెలయేటి సదృశ్యంగా వుంటుంది. అతడు అక్షరాల గురించి రాసినా, పుస్తక పఠనం మహత్తును చాటినా, ఉపాధ్యాయుడు, గురువుకూ మధ్య సున్నితమైన రేఖా భేదాన్ని వ్యాఖ్యానించినా, పాలమూరు వలస జీవితాలను బాధతో తడిమినా, జీవితాన్ని గురించి నిట్టూర్పుల్లాంటి కూర్పులను వెలువరించినా అవి శ్రీకాంత్‌ ముద్రతో వుంటాయి.
- డా|| ఎన్‌. గోపి

ప్రధాన సంపాదకులు: సింగిరెడ్డి నిరంజన్‌ రెడ్డి
పేజీలు: 272
ప్రతులకు: 9032844017
వెల: రూ 200

తెలంగాణ రాష్ట్రం ఆవిర్భవించాక మొట్టమొదటి సారిగా తెలంగాణ మహిళా కవితోత్సవం నిర్వహిస్తున్నాం. ఈ సందర్భాన్ని పురస్కరించుకుని తెలంగాణలోని వివిధ ప్రాంతాల నుంచి 200ల మందికి పైగా మహిళా కవయిత్రులు తమ కవితలను ఉత్సాహంగా రాసి పంపడం తెలంగాణ మహిళా కవితోత్సవానికి నిండు ఉత్తేజాన్ని నింపడమే కాదు తొలి విజయంగా భావిస్తున్నాము. ఇందులోని మేలిమి కవితలను తెలంగాణ మహిళ పేరుతో వెలువరిస్తున్నాం.
- డా|| భీంపల్లి శ్రీకాంత్‌

డా|| రావి రంగారావు
పేజీలు: 112
ప్రతులకు: 9247581825
వెల: రూ 100

కవి అనేవాడు చేయాల్సిందల్లా ఒక్కటే/

కవిగా కరిగిపోయి కరిగిపోయి/

కవితగా ప్రపంచం లోకి ప్రవహించటమే/ జనంలోకి ఇంకిపోయి ఇంకిపోయి/ మనుషులలో మానవత మొక్కగా మొలకెత్తటమే/ మనుసులలో పరిమళాలు చక్కగా ప్రసరించటమే

- డా|| రావి రంగారావు

శ్రీధర్‌ కొమ్మోజు
పేజీలు: 75
ప్రతులకు: 9989464467
వెల: రూ 75

ఈ శతకంలో నేటి సమాజంలోని అన్ని రుగ్మతలను ఎత్తి చూపారు శ్రీధర్‌ గారు. దేశభక్తితో పాటు పెద్దల పట్ల, స్త్రీల పట్ల గౌరవం, మాతృ భాషాభిమానం అందరికీ

ఉండాలని, కుటుంబాన్ని - సమాజాన్ని ప్రేమించడం మానవుని కనీస కర్తవ్యమని ప్రబోధించారు. శతకంలోని ప్రతి పద్యం ఒక కొత్త రుచిని అందిస్తున్నది.

- మండలి బుద్ధప్రసాద్‌

సంకలనం: సంగెవేని రవీంద్ర
పేజీలు: 208
ప్రతులకు: 022-2780167
వెల: రూ 200

మహారాష్ట్రలో ఉంటున్న తెలుగు కథకుల రచనలతో ఒక ప్రత్యేక సంచిక తీసుకురావాలనుకున్నాం. ఈ కథా సంచికలో 31 మంది రచయితల కథలున్నాయి. మహారాష్ట్రలో గతంలో వ్యక్తిగత కథా సంపుటాలు ఎన్నో వెలువడి ఉండొచ్చు. కానీ, ఇలా 31 మంది రచయితల కథల్ని ఒకే సంపుటిగా ప్రచురించడం మొదటిసారి జరుగుతోంది.

- బండి నారాయణరెడ్డి

- మాదిరెడ్డి కొండారెడ్డి

సంపాదకులు: పేరిశెట్టి శ్రీనివాసరావు
పేజీలు: 223
ప్రతులకు: 9989242343
వెల: రూ 350

తెలుగు భాషా వైతాళికులు: గురజాడ, గిడుగుల పైన 2016లో రాజమండ్రిలో ఏర్పాటు చేసిన గోష్టిలో సమర్పించిన యాభై పత్రాల సమాహారం మీ చేతుల్లోకి వచ్చింది. అక్షర సాహితీ సాంస్క ృతిక సేవాపీఠం వారి తరపున డా. పేరిశెట్టి శ్రీనివాసరావు సంకలనం చేసిన ఈ వ్యాసాలు మరొకసారి గురజాడ గురించీ, గిడుగు గురించీ ఆలోచింపచెయ్యడమే కాక, కొన్ని కోణాలను కూడా తెరుస్తున్నాయి.

- వాడ్రేవు చినవీరభద్రుడు

విహారి
పేజీలు: 186
ప్రతులకు: 040-24093432
వెల: రూ 150

ఇది 'అద్వితీయ'!. ఆచార్య కొలకలూరి ఇనాక్‌ గారి వ్యక్తిత్వ, సాహిత్య వ్యక్తిత్వ దర్పణంగా - సార్థక నామధేయ!. ఇది 'అద్వితీయ'! సాహిత్య పరామర్శ. విమర్శ కాదు. ఈ రెండూ పర్యాయపదాలు కావు. ఇది ఒక సాహితీవేత్త దీక్షాదక్షతల 'చలనం - గమనం - పయనం' ల అక్షర గీత. ఆ అక్షర కృషీవలుడు ఆచార్య ఇనాక్‌.

-  విహారి

ఆచార్య కొలకలూరి ఇనాక్‌
పేజీలు: 107
ప్రతులకు: 9440243433
వెల: రూ 75

నేనీ పరిశోధన, ఏ పట్టా కోసమో చేయలేదు. ఏ డిగ్రీకీ సమర్పించలేదు. ఎక్కడా ప్రచురించలేదు. ఒక సెమినారులో పత్ర సమర్పణ చేయటం తప్ప. 1979లో ముగించిన ఈ లఘు సిద్ధాంత గ్రంథం ఏనాటికైనా ప్రచురించాలని భద్రంగా ఉంచాను. ఈనాటికి కుదిరింది. ఇది నలభై ఏళ్ళనాటి కృషి. ఇప్పటికీ ఎవరికైనా, ఏ పరిశోధకుడికైనా, ఏ విమర్శకుడికైనా, ఏ మాత్రం ఉపయోగపడినా నా కృషి ధన్యమే.

- కొలకలూరి ఇనాక్‌

ఆచార్య కొలకలూరి ఇనాక్‌
పేజీలు: 46
ప్రతులకు: 9440243433
వెల: రూ 27

కంచికచర్లలో జరిగిన సంఘటన ఆధారంగా ఈ నాటిక రాశాను. కోర్టులో కేసు నడుస్తున్నందువల్ల అప్పుడు దాన్ని 'కేవలం కల్పితం' అన్నాను. అప్పుడు అది వాస్తవిక జీవిత చిత్రీకరణమే. ఇప్పుడు కొంత కల్పించాను. ఇది పునర్నిర్మాణం పొందింది.

- కొలకలూరి ఇనాక్‌

ఆచార్య కొలకలూరి ఇనాక్‌
పేజీలు: 123
ప్రతులకు: 9440243433
వెల: రూ 75

దీన్ని 1959 ఏప్రిల్‌ నెలలో రాశాను. అప్పటికి దానిపేరు 'కాలమేఘాలు'.  నేను నల్ల మేఘమై కన్నీరు కార్చటం, కాలం మేఘంలా బరువుగా కదిలిపోవటం నాకింకా గుర్తే! కన్నీరు ఆరిపోయింది. సంఘర్షణ మేఘాలు తొలిగిపోయాయి. అప్పుడు ఈ నవలను ప్రచురించలేకపోయాను. దీన్నీమధ్య చదివాను. ఆనందం కలిగింది. సవరించాను. నవల పేరు మార్చాను.

- కొలకలూరి ఇనాక్‌

ఆచార్య కొలకలూరి ఇనాక్‌
పేజీలు: 104
ప్రతులకు: 9440243433
వెల: రూ 120

నాకు తెలిసిన, చూచిన, అనుభవించిన జీవిత శకలాలే కథేతివృత్తాలు. నాలుగేళ్ళ నుంచి, పన్నేండేళ్ళ దాకా విస్తరించుకొన్న నా బాల్యంలోని కొన్ని సంఘటనలీ కథానికలు. వీటిని రాయటం వల్ల నా బాల్యస్మ ృతులు ప్రక్షాళితమయ్యాయి. మా అమ్మ, మా నాయన, మా అయ్యవారులు, మామయ్యలు, బంధువులు, ప్రజలు, ప్రకృతి, గాలి, నీరు, నేల, నింగి, క్షుదాగ్ని నాతోపాటు ఈ కథానికల్లో పాత్రలు. 

- కొలకలూరి ఇనాక్‌

భానుశ్రీ కొత్వాల్‌
పేజీలు: 90
ప్రతులకు: 9866863913
వెల: రూ 90

ఆమె కవితా ప్రపంచంలో పువ్వులు, పిల్లలు, భవిష్యత్తుపై ఆశ, ప్రకృతిపై ప్రేమ, సమస్త పీడిత జనసందోహాల పోరాటపటిమ గురించిన విశ్వాసం ఇవన్నీ చోటుచేసుకున్నాయి. వస్తులోపం దృష్టికోణలోపం, కవిత్వీకరణ లోపంలేని అచ్చమైన కవితలు కొలువుదీరాయి ఈ సంకలనంలో. భానుశ్రీ కవిత్వాన్నంతా చదివిన తర్వాత చాలా ఆశ, నమ్మకం కలుగుతున్నాయి. స్పందించే హృదయాలు, కన్నీరుకార్చేకళ్ళు, చేయందించే మానవులు ఉంటారనీ, ఈ కర్కశ సమాజంలో పీడితులకు ఊరటనిచ్చి, పోరాడమని పిలుపునిచ్చే గొంతులు ఉన్నాయని మరొకసారి తెలుస్తుంది.

- ఓల్గా

ఏటూరి నాగేంద్రరావు
పేజీలు: 40
ప్రతులకు: 8919851069
వెల: రూ 60

ఈ దీర్ఘ కవిత ఆద్యంతమూ ఒక అశ్రు జలపాతమై మన మీద దూకుతూనే వుంటుంది. నిర్దయురాలైన స్త్రీ వాకిట నిలబడిన ఒకానొక అన్‌వాంటెడ్‌ విజిటర్‌ వేదనాత్మక రసాత్మక క్రియ ఇది. ఇందులో వస్తువుతో ఎవరైనా విభేదిస్తారేమో కాని నాగేంద్ర అగ్నిలా మండే అశ్రుసిక్త అక్షరాలను వదిలించుకోలేరు. 

-  బి. ప్రసాదమూర్తి

కూతురు రాంరెడ్డి
పేజీలు: 112
ప్రతులకు: 9000415353
వెల: రూ 80

యోగాసనాల్లో కఠినమైనవి కొన్ని, సరళమైనవి కొన్ని - అబ్బో! ఇవి మనకు అసాధ్యం, మనవల్ల కాదు అన్నవి కొన్ని ఉంటాయి. మన శరీర ఆకృతి, మనకు దొరికే సమయాన్ని బట్టి 'ఒక గంటసేపు యోగా' చేస్తే చాలు. అందుకు అతి ముఖ్యమైనవి, అందరికీ సులభమైనవీ కొన్ని ఆసనాల గురించి, వాటి సూక్ష్మములను గురించి తెలియజేయడానికే నా యీ చిన్న ప్రయత్నం.

- కూతురు రాంరెడ్డి

పోతగాని సత్యనారాయణ
పేజీలు: 80
ప్రతులకు: 9441083763
వెల: రూ 30

ఇతని కవిత్వంలో హంగులు, ఆర్భాటాలు కనిపించవు. పాండిత్య ప్రకర్షను ప్రదర్శించాలనే ఉబలాటం ఉండదు. భాషాడంబరాలకు పోయి పాఠకుడిని బెదరగొట్టడం అస్సలు కనబడదు. ఇతని కవిత్వంలో మానవుని జీవిత పరివేదన ఉంది. అంతేకాదు, కవితావేశంతోపాటు దానిని సహృదయునికి సంక్రమింప జేయాలన్న తపన ఉంది.

- పోతగాని సత్యనారాయణ

 

శ్రీమతి ములుగు లక్ష్మీ మైథిలి
పేజీలు: 96
ప్రతులకు: 9440088482
వెల: రూ 100

లక్ష్మీమైథిలీ కవితల్లో ప్రకృతి సోయగాలున్నాయి. పర్వాల పారమార్థిక తలపోతలున్నాయి. దేశభక్తి భావనలున్నాయి. యువతకు ఉజ్జ్వల భవిష్యత్‌ సందేశకామనలున్నాయి. నేటి సమాజ అస్తవ్యస్తతలను అద్దంలో చూపెట్టి తూర్పారబడుతూనే, ఆశావహ భవిష్యత్‌ వైపు సందేశ హారిగా నిలుస్తారు.

- సుధామ

డా|| సి. భవానీదేవి
పేజీలు: 184
ప్రతులకు: 9866847000
వెల: రూ 75

హంపీ విజయనగరం యొక్క ఒకనాటి వైభవం, శిల్పసౌందర్యం, దేవాలయ నిర్మాణం, లలిత కళలు, యుద్ధవిద్యలు, రాజ్యంలో వుంటూనే కుట్రదారుల పన్నాగాలు ఇలాటివెన్నో తెలుసుకోవాలంటే ఈ కాలంలో ఒక కరదీపిక డా|| సి. భవాని గారు రచించిన 'బంగారు కల' చారిత్రక నవలే అధారం.

- డా|| ముక్తేవి భారతి

చింతకింది శ్రీనివాసరావు
పేజీలు: 181
ప్రతులకు: 8897147067
వెల: రూ 150

ఈ అరుగును ఆవుపేడతో అలికించుకునే మామూలు అరుగులా తీసి పారేయలేం. చుక్కల ముగ్గులెట్టించుకునే సాధారణ అరుగులా తీసిపారేయలేం. చుక్కల ముగ్గు లెట్టించుకునే సాధారణ అరుగులా కొట్టిపడేయలేం. ఇది మహోత్తరమైన అరుగు. మహోన్నతమైన అరుగు. పేక క్రీడకు పెన్నిధి. కంపీకి నిలయం. రన్‌మోరుకు రంగస్థలం. స్కోరుకు సొగసుకత్తె. సీక్వెన్స్‌కు సిరులపంట. జానాపట్లకు జాతీయవేదిక. నికరంగా మాట్లాడాలంటే అగ్రహారీకులందరి పేకాట్లకీ స్థితమతి. ఈ అరుగు సొద..ఈ ఊరి కథే... ఈ నవల.

- ప్రచురణ కర్తలు

ఎండపల్లి భారతి
పేజీలు: 120
ప్రతులకు: 040-23521849
వెల: రూ 100

భారతి కథలు అభివృద్ధి చెందుతున్న భారతదేశపు క్రీనీడలను చూపించిన కాగడాలు. పాతికకు పైనున్న ఈ కథల్లో ఆమె చిన్నతనపు రోజుల మొదలు, నోట్ల రద్దు, పల్లెలపై కూడా టీవీల ప్రభావం వరకూ ఒక పరిణామ క్రమం వున్నది. మారీమారని పల్లెబ్రతుకు వెతలున్నాయి. తన అమ్మనుడిలోనే కథ చెబుతూ చివర్లో కొన్ని జీవితసత్యాలను అలవోకగా మన మీదకి విసురుతుంది చాలా ఒడుపుగా. నగర మధ్యతరగతి భద్రజీవుల కథలు కావివి. కులం రీత్యా వర్గం రీత్యా సమాజపు అంచులలోనుంచీ ఇంకా నడిమధ్యకు రావడానికి పెనుగులాడుతున్న జనం వెతలు

-  పి. సత్యవతి

సయ్యద్‌ నశీర్‌ అహమ్మద్‌
పేజీలు: 484
ప్రతులకు: 9440241727
వెల: రూ 400

ఈ గ్రంథంలో నుండి తొంగి చూస్తున్న మన స్వాతంత్య్ర సమరయోధులు మేం సాధించిన స్వాతంత్య్రాన్ని ఈ తరం ఎలా కాపాడుతుందోనని వీక్షిస్తుంటారు. ఈ తరం ఆ చరితార్థులకు జవాబుదారీ కావాలి. భారత్‌ను సెక్యులర్‌ వ్యవస్థగా రాజ్యాంగాన్ని మనం ఆవిష్కరించు కున్నప్పటికీ సమాజం కుల, మత వర్గాల పునాదుల మీదే మనుగడ సాగించటం విచారకరం. ఈ పుస్తకం ఆసాంతం చదివాక ప్రతి చదువరీ ఒక్కసారి ప్రస్తుత పరిస్థితులను ఆత్మావలోకనం చేసుకోక తప్పదు.

- వేతాంతం సీతారామావధాని

వైహెచ్‌కె. మోహన్‌రావు
పేజీలు: 80
ప్రతులకు: 8985296123
వెల: రూ 100

ఏ నియమాలు లేకుండా స్వేచ్ఛగా భావ వ్యక్తీకరణకు అనుకూలమైన పదప్రయోగంతో ఈ కవిత్వం సాగుతుంది.  చక్కటి కవితా శీర్షికలు, సామాజిక స్పృహ, దేశభక్తి, మతసామరస్యం ప్రకృతి - వృక్ష పరిరక్షణ, మానవతా వాదం, తెలుగు భాషపై మమకారం... యిలా ఎంతో వైవిధ్యమున్న కవితా వస్తువులు చక్కట ఇవచన కవిత్వంతో ''విచ్చుకున్న'' కవితా సంపుటాన్ని చదివి తీరాలి.

- డా|| వెన్నిసెట్టి సింగారావు

చిత్తలూరి సత్యనారాయణ
పేజీలు: 87
ప్రతులకు: 8247432521
వెల: రూ 50

చిత్తలూరి కవితలలో - సూటిదనం ఎక్కువ - అలాగని సున్నితత్వం వుండదని కాదు. అంతర్ముఖుడు కావటం వల్ల అంతరాత్మ నుండొచ్చిన ప్రశ్నలే ఎక్కువగా కన్పిస్తాయి. ఈ కవిత్వాన్ని చదివితే తన సామాజిక నేపథ్యం... మనస్తత్వం అర్థమవుతుంది. కొన్ని కవితలు మళ్ళీ మళ్ళీ ఒకే అంశాన్ని చెప్పినట్లుగా అన్పించినా... ఆ భావం కాస్తా భాషా సొగసుతో కొత్తగానే కన్పిస్తాయి.

- అయినంపూడి శ్రీలక్ష్మి

సయ్యద్‌ నశీర్‌ అహమ్మద్‌
పేజీలు: 24
ప్రతులకు: 9440241727
వెల: రూ 25

మహత్ముడు ఆంగ్లేయుడి ఇంటికి వచ్చాక ఆ ఇంటి వంటమనిషి 'బతఖ్‌ మియా అన్సారి' హత్యాయత్నం కుట్రను గాంధిజికి తెలిపి ఆయన ప్రాణాలను కాపాడతారు. ఈ విషయాన్ని 1950లో డాక్టర్‌ బాబూ రాజేంద్రప్రసాద్‌ బహిరంగ సమావేశంలో వెల్లడించారు. అప్పుడుగాని 'బతఖ్‌ మియా అన్సారి' సాహసం, తెగువ తెలియరాలేదు. ఆ మహత్తర సంఘటన గురించి ఆయన కుటుంబీకులతో సంప్రదించి మరిన్ని వివరాలతో ఈ పుస్తకాన్ని నాలుగు భాషల్లో ప్రచురించాను.

- సయ్యద్‌ నశీర్‌ అహమ్మద్‌

మంజు యనమదల
పేజీలు: 141
ప్రతులకు: 9490769585
వెల: రూ 120

జీవితం పట్ల విమర్శనాత్మక దృష్టి వుండటమే కాకుండా జీవితాన్ని నూతన ఆలోచనలతో పరిపుష్టం చేయటం కూడా కవిత్వానికి లక్ష్యంగా వుంటుంది. జీవితంపట్ల సునిశితమైన విమర్శనాత్మక దృష్టితోపాటుగా ప్రగతి కాముక భావపరంపర ఆమె కవితలన్నింటిలోనూ ఒక ప్రవాహిగా వుంది. అలా సామాజిక జీవన వైరుధ్యాలను అత్యంత సజీవంగా తన కవన వాహినిలో ప్రవహింపజేశారు మంజు యనమదల.

- నెల్లూరు నరసింహారావు

యస్‌.డి.వి. అజీజ్‌
పేజీలు: 226
ప్రతులకు: 9133144138
వెల: రూ 200

శ్రీకృష్ణదేవరాయల గురించి, విజయనగర సామ్రాజ్య స్థాపన గురించి, ఆయన పాలన గురించి తెలుగు ప్రజలకి ఉన్న ఆసక్తి తెలిసిందే. అంతకుమంచి తెలుగు భాషపై రాయల ఆసక్తి, ఆయన రచనలు, అలాగే సంగీత, సాహిత్యాది కళలపై కృషి గురించి మరింత లోతుగా ఈ పుస్తకంలో తెలుసుకోవచ్చు. ఆనాటి సామాజిక, సాంస్క ృతిక విషయాలపై పాఠకుల అవగాహనను పెంపొందిస్తుంది ఈ రచన.

యస్‌.డి.వి. అజీజ్‌
పేజీలు: 107
ప్రతులకు: 9133144138
వెల: రూ 100

చారిత్రక నవలలైన పాలెగాడు, తెరిణెకంటి ముట్టడి, బుడ్డా వెంగళరెడ్డి, గులాం రసూల్‌ఖాన్‌ తదితర నవలలు, చారిత్రక రచనలతో ప్రత్యేక గుర్తింపు పొందిన రచయిత యస్‌.డి.వి. అజీజ్‌. గతంలో 'మనిషి, 'తడి' కథల సంపుటి వెలువరించిన అజీజ్‌ ఇటీవలి తాజా కథల సంపుటి 'స్వేచ్ఛ'. వర్తమాన సామాజిక పరిస్థితులు, మానవ సంబంధాలను వాస్తవిక దృష్టితో చిత్రించిన పదిహేను కథల సమాహారం ఈ కథల సంపుటి

సడ్లపల్లె చిదంబర రెడ్డి
పేజీలు: 104
ప్రతులకు: 9440073636
వెల: రూ 100

సడ్లపల్లె కవితలలో చాలా కవితలు మట్టిచుట్టూ తిరుగుతాయి. తిండి గింజలను పండించే నేల, దానిని నమ్ముకున్న శ్రామికవర్గం ప్రపంచం పెట్టుబడిదారుల వ్యాపారంలో తమ రూపాలను, దారులను కోల్పోతున్న సమయంలో పాలకులు ఇందుకు నిరభ్యంతరంగా సహకరిస్తున్న నేపథ్యంలో కవి ఇలా మట్టిచుట్టు సంచరించడం 'దిద్దుబాటు' చర్యే అవుతుంది.   - ఆచార్య రాచపాళెం చంద్రశేఖర రెడ్డి

సంగెవేని రవీంద్ర
పేజీలు: 135
ప్రతులకు: 09987145310
వెల: రూ 150

ఇందులో ఇరవై కథలున్నాయి. ఈ కథల్లోని పాత్రల ద్వారా సమాజంలో పెరుగుతున్న స్వార్థ చింతన, మితిమీరిన ధనాపేక్ష, క్షీణించిపోతున్న మానవ సంబంధాలు లాంటి అంశాలెన్నింటినో చెప్పించాడు రవి. అణగారిన వ్యక్తులు, పేదవాడిలో పెల్లుబికే కోపం, కసి లాంటి పలు మానసిక అలజడుల్ని ఎత్తి చూపి సమర్థుడైన కథకుడిగా మనముందుకు వస్తున్నాడు.   - డా|| తాటి నరహరి

ఉండవిల్లి సుజాతామూర్తి
పేజీలు: 44
ప్రతులకు: 7416605529
వెల: రూ 50

ఉండవల్లి సుజాత విశాఖ సాహిత్య సభల్లో ఒక సందడి. తనకు సాహిత్యం అంటే ఇష్టం. కవిత్వం రాయాలనే అభిలాష. రాసే ఎందరిలోనో మిన్నగా నిలవాలీ అంటే, ఉత్సాహంతో పాటు అధ్యయనం, శ్రద్ధా కూడా ఒకదానితో ఒకటి పోటీ పడుతూ ఉండాలి. వీటన్నిటికీ తొలిదశ సాధకురాలు సుజాత. ఈ చిన్న పుస్తకంలో, తను మనకి అందిస్తున్న భావ వల్లరి, ఆమె వలనే అల్లరి చేస్తున్నాయి. - రామతీర్థ, జగద్ధాత్రి

వెల్లాల ఉమామహేశ్వర శర్మ
పేజీలు: 70
ప్రతులకు:
వెల: రూ 0

వీరి దృష్టిలో ''సమకాలీన సమాజంలోని లోపాలను ఎత్తి చూపుతూ, తన కలాన్ని కరవాలంగా మార్చుకొని, తనదైన శైలితో, పాఠకుల గుండెల్లో సూటిగా ఆలోచింపచేసేది అసలైన కవిత్వం''. స్వ వచోవ్యాఘాతానికి చోటివ్వని రీతిలో ఇందలి అంశాలన్నీ నిడుదాట సాగినాయి. - డా|| ఆశావాది ప్రకాశరావు

వెల్లాల ఉమామహేశ్వర శర్మ
పేజీలు: 66
ప్రతులకు: 9290590653
వెల: రూ 0

వీరి 'కవితా కుసుమాలు' తొలి సంపుటి ప్రజల చేతుల్లోకి వెళ్ళి మంచి పేరు పొందింది. వారి మలి సంపుటి కవితా కుసుమాలు -2 వ భాగం. దాన్ని ప్రస్తుతం వారు మన ముందుకు తెచ్చారు. ఇందులో 51 కవితలున్నాయి. అన్ని మేల్బంతులే. చక్కటి విషయాన్ని అందించి పాఠకుడికి జ్ఞానోదయం కలిగిస్తాయి. - కల్లూరు రాఘవేంద్రరావు

సంపాదకుడు: బైస దేవదాసు
పేజీలు: 104
ప్రతులకు: 040-27662477
వెల: రూ 150

వర్తమాన ప్రపంచం అనేక ప్రకృతి వైపరీత్యాలను ఎదుర్కొంటున్న విషయం అందరికీ తెలిసిందే.  వాటిలో అతిముఖ్యమైన నీటి సమస్యను తీసుకుని తెలుగులో లబ్ధ ప్రతిష్టులైన కవుల దగ్గర్నుంచి ఔత్సాహిక కవుల వరకూ రాసిన కవితల సమాహారమే ఈ 'నీళ్ళగోస' కవితా సంకలనం. నేటినిజం పత్రిక సంపాదకులు బైస దేవదాసు సంపాదకత్వం వహించిన ఈ పుస్తకంలోని కవితలు నీళ్ళ సమస్య తీవ్రతను అనేక కోణాల్లో ఆవిష్కరించాయి. ఇది ఒక మంచి ప్రయత్నం.

సంపాదక వర్గం: డా|| జోశ్యుల కృష్ణబాబు బొల్లోజు బాబా, మార్ని జానకిరామ్‌ చౌదరి
పేజీలు: 94
ప్రతులకు: 9949228298
వెల: రూ 60

ఏదైనా ఒక కవిత చదవగానే రెండు విషయాలను ఆశిస్తాం. ఒకటి: చక్కని భావపుష్టి, బిగుతైన నిర్మాణము. రెండు: ఆ కవిత మనందరికీ పరిచయమైన విషయాన్ని చెపుతూనే, ఒక నూతన కోణాన్ని దర్శింపచేయటం. ఈ సంకలనంలోని చాలామట్టుకు కవితలు ఈ రెండు విషయాలను కలిగి ఉన్నాయి.                 

  - బొల్లోజు బాబా

డాక్టర్‌ శాంతినారాయణ
పేజీలు: 210
ప్రతులకు: 8074974547
వెల: రూ 150

దేశం ఎంతో అభివృద్ధి సాధిస్తుందని, సాంకేతికంగా పురోగమిస్తుందని చెబుతున్నప్పటికీ రాయలసీమ పల్లెల్లో బతుకు మారలేదు. ముఖ్యంగా మహిళల బతుకు మరింత భయానకంగా తయారయింది.  ఈ వాస్తవాల్ని తెలియజేస్తూ ఆలోచింపజేయడం రచయిత శాంతినారాయణ సాహిత్య సాఫల్యం. ప్రజల మీద, చుట్టూ ఉన్న జీవితం మీద రచయిత శాంతినారాయణకు ఉన్న ప్రేమ, నిబద్ధతలకు నిదర్శనం ఈ నాలుగు నవలికలు.

  - గుడిపాటి

డాక్టర్‌ శాంతినారాయణ
పేజీలు: 224
ప్రతులకు: 8074974547
వెల: రూ 150

మౌనం నేరమని ప్రబోధించే యీ రచనల్లో శాంతినారాయణది ఆగ్రహ స్వరమే కాదు, ధిక్కార స్వరం కూడా. ప్రశ్నించడమే దేశద్రోహంగా పరిగణించి భావప్రకటన స్వేచ్ఛనీ జీవించే హక్కుని సైతం కాలరాస్తున్న ఫాసిస్టు మూకల యేలుబడిలో వొకానొక అమానవీయ సందర్భంలో యీ స్వరం అవసరం యెంతైనా వుంది.

- ఎ.కె. ప్రభాకర్‌

సాకం నాగరాజు
పేజీలు: 85
ప్రతులకు: 0877-2230135
వెల: రూ 100

18 పర్వాల మహాభారత గ్రంథాన్ని ఈ తరం పిల్లలు చదువుతా రనుకోవడం అత్యాశే! ఈనాటి పాఠశాల, కళాశాల విద్యార్థులు, గృహిణులకు భారతం గొప్పదనం కొద్దిగానైనా రుచి చూపించి, భారతం పట్ల మక్కువ కలిగిద్దామన్న ఆశతో కొన్ని భారతం ఘట్టాలు ఏరి కూర్చాను. ఈ పుస్తకం జీవిత పాఠాలను బోధిస్తుంది.

- సాకం నాగరాజు

సుధామ
పేజీలు: 145
ప్రతులకు: 9849297958
వెల: రూ 150

ఈ కాలమ్‌ రచనల్లో సాహిత్య సభలు, సంస్థలు, పత్రికల ధోరణుల గురించిన వ్యాసాలకు ఎక్కువ ప్రతిస్పందన లభించింది. నా వలె ఆలోచించి, ఆర్తి చెందేవారున్నారన్న గ్రహింపు లభించింది. ఆయా రచనల్లో నేను వ్యక్తిగతంగా ఎవర్నీ ఉద్దేశించి కాక నేటి వర్తమాన వైపరీత్య ధోరణులను మాత్రమే చిత్రించానని సవినయంగా తెలియజేసుకుంటున్నాను. కొన్ని భావాలు చర్వితచరణాలుగా వచ్చాయి. ఆ అంశాలపట్ల మరింత ఊనికకోసమే ఆ వైఖరి సాగిందని గ్రహించగలరని విశ్వసిస్తున్నాను.

-  సుధామ

ఇంద్రగంటి నరసింహమూర్తి
పేజీలు: 198
ప్రతులకు: 9959352900
వెల: రూ 150

కొన్ని జీవన సంఘటనలు - సన్నివేశాల కల్పనల్ని - సమ సంభావ్యతలో అలవోకగా మలిచారు. సహజ ఇతివృత్తాలు - సమాజ జీవన చిత్రాలుగా. ఎక్కువ వర్ణన, శిల్పశక్తుల్ని జోడించకనే, ఎత్తుగడ కధనాల నైపుణ్యంతో కాస్త కొసమెరుపులతో రక్తి కట్టించిన 'మూర్తి'మంతమయిన, మానవతా మార్గమయిన ఇరవై నాలుగు కథాదీప్తులివి. సమాజ రాగాల 'జీవస్వర'మిది.

- డా|| శిరీష

సంపాదక వర్గం: డా|| జోశ్యుల కృష్ణబాబు, బొల్లోజు బాబా, మార్ని జానకిరామ్‌ చౌదరి
పేజీలు: 94
ప్రతులకు: 9949228298
వెల: రూ 60

 

ఏదైనా ఒక కవిత చదవగానే రెండు విషయాలను ఆశిస్తాం. ఒకటి: చక్కని భావపుష్టి, బిగుతైన నిర్మాణము. రెండు: ఆ కవిత మనందరికీ పరిచయమైన విషయాన్ని చెపుతూనే, ఒక నూతన కోణాన్ని దర్శింపచేయటం. ఈ సంకలనంలోని చాలామట్టుకు కవితలు ఈ రెండు విషయాలను కలిగి ఉన్నాయి.                 

  - బొల్లోజు బాబా

డాక్టర్‌ దుట్టా శమంతకమణి
పేజీలు: 185
ప్రతులకు: 9491962638
వెల: రూ 300

     2016 జనవరి మాసంలో ఆరంభమై 2018 జూలై మాసం వరకు కొనసాగిన ఈ కథలు ఓ క్రమంలో మాసాల ప్రత్యేకత ఆధారంగా రాసినవి. యాదృచ్ఛికం అనడం ఆత్మవంచన. భిన్న సంఘటనల, విభిన్నవ్యక్తుల సమాహారమే జీవితం. వీటిని కలిపే అంతఃస్సూత్రం ప్రేమ. ఈ 31 కథలను బోగీలుగా భావిస్తే సామాజిక సమస్యలను వెస్టిబ్యూల్‌లా అమర్చాను.

- శమంతకమణి

సలీం
పేజీలు: 152
ప్రతులకు: 7588630243
వెల: రూ 120

     దుర్భర దారిద్య్రం అనుభవిస్తూ, కలుగుల్లో ఎలుకల్లా మురిక్కాల్వల్లో పెరిగే పురుగుల్లా బతుకీడుస్తున్న పార్ది తెగ జీవన వైవిధ్యాన్ని చిత్రించిన నవల. ఎక్కడ దొంగతనం జరిగినా మొదటి అనుమానితులుగా పోలీసుల చేతుల్లో లాఠీ దెబ్బలు తింటూ, చేయని నేరానికి జైలుశిక్ష అనుభవించే పార్దీ తెగలో పుట్టిన గుంజన్‌కీ, పగతో రగిలిపోయిన పులి పిల్లకీ మధ్య జరిగిన పోరాటాన్ని చిత్రించిన నవల.

కొండ్రెడ్డి వెంకటేశ్వర రెడ్డి
పేజీలు: 134
ప్రతులకు: 9848252946
వెల: రూ 100

    అసమ సమాజంలో, అభ్యుదయ కవి తన కాలంలో రాసింది తర్వాత కాలంలో కూడా ప్రాసంగికత కలిగి వుంటే, ఆ కవి అసలైన అభ్యుదయ కవి. అడిగోపుల అలాంటి అభ్యుదయ కవి. దీనిని పట్టుకోవడం కొండ్రెడ్డి విమర్శనా శక్తికి నిదర్శనం. అధిక ధరలు మొదలు అవినీతి దాకా, గుడిసె మేడ వ్యత్యాసాలు మొదలు అనేక అంతరంగాల వైరుధ్యాలను అడిగోపుల కవిత్వంలో కొండ్రెడ్డి ఆయనలోని అభ్యుదయ కవిని, తనలోని అభ్యుదయ విమర్శకుడ్ని ఆవిష్కరించాడు.

- రాచపాళెం చంద్రశేఖర రెడ్డి

శాంతయోగి యోగానంద
పేజీలు: 120
ప్రతులకు: 9110770545
వెల: రూ 120

       వస్తువులోనే కాదు, వస్తు నిర్మాణంలోనూ ఓ విభిన్నత, ఓ ప్రత్యేక శైలి వుంది. వస్తు నిర్మాణంలోని గాఢత, ఆర్ధ్రత, సామాజిక చింతన, సంస్కరణ కలగలసిన కలపోత ఈ కవిత్వం. జీవితపు లోతులను చూసిన అనుభవం, అనుభవం నుండి విస్తృతిని పరుచుకున్న విశ్లేషణ, అందులో నుండి జనించిన ప్రశ్న, ప్రశ్నలోనే తేల్చి చెప్పే సమాధానం ఈ వెలుతురు చెట్లు.

- పరవస్తు విష్వక్సేన

భాస్కర బాల భారతి
పేజీలు: 120
ప్రతులకు: 9491353544
వెల: రూ 100

     సామాజిక, వాస్తవిక దృష్టితో రాసిన కథలు. మనచుట్టూ నిరంతరం జరిగే సంఘటనల సమాహారమే ఈ కథలు. యాంత్రికమైపోతున్న మనిషి ఈ కథలు చదివితే వాస్తవ జీవితంలో జీవించడానికి ఉపయోగ పడతాయనడంలో ఎటువంటి సందేహం అక్కర్లేదు. మారిన పరిస్థితులు, మారవలసిన పరిస్థితులు గురించి చక్కగా తెలియజేస్తాయి భాస్కర బాల భారతి కథలు.

-  డాక్టర్‌ ఎ.ఎ. నాగేంద్ర

డా|| అమళ్ళదిన్నె వేంకటరమణప్రసాద్‌
పేజీలు: 72
ప్రతులకు: 9010570550
వెల: రూ 80

    ''పెన్నేటి పాట'' ...రాయలసీమ ఆధునిక కావ్య మనదగిన ''పెన్నేటి పాట'' గురించే గాక; విద్వాన్‌ విశ్వమే రాసిన, చారిత్రక గాథ అనదగిన ''ఒకనాడు'' కావ్యం గురించీ; అమళ్లదిన్నె వేంకటరమణప్రసాద్‌ గారు రాసిన కావ్యానుశీలనం ఈ గ్రంథం-!. ఈ రెండు గ్రంథాలను మనసుపెట్టి పఠించేవారికి, ఆ కావ్యాలను ఆస్వాదించటం ఎలాగో నేర్పగల అనుశీలనం ఈ గ్రంథం.

- సింగమనేని నారాయణ

 

గౌరెడ్డి హరిశ్చంద్రారెడ్డి
పేజీలు: 176
ప్రతులకు: 9493375447
వెల: రూ 100

ఊహాశాలిత్వంతో పాటు, ఆవేశం, ఆవేదన, కాల్పనికత తగుపాళ్ళలో కలిగి సామాజిక సమకాలీన రుగ్మతల మీద స్పందిస్తూ ఒక కంగాళీ తనం దుర్మార్గాన్ని, దోపిడీ విధానాన్ని ఎత్తిచూపుతూ కవిత్వమై ప్రవహిస్తున్నది కవి గౌరెడ్డి హరిశ్చంద్రారెడ్డి ఎడారిపాట. - కొండ్రెడ్డి వెంకటేశ్వర రెడ్డి

రాపోలు సీతారామరాజు
పేజీలు: 80
ప్రతులకు: +27727747549
వెల: రూ 50

సామాజికత, దేశీయత, కవితాత్మకత ముప్పేటలుగా అల్లుకుపోయిన వైనం నానీల్లో వుంది. ముఖ్యంగా కవి యొక్క హృదయ సరళత. పునరుక్తి కాకపోతే నేను మళ్ళీ అంటాను. ఇదంతా నానీల నిర్మాణ విశిష్టత భావాలను ఒదిగించుకొనే అక్షయపాత్రత. అయితే మంచి నానీ పుట్టాలంటే మాత్రం భావ సాంద్రత తప్పనిసరి. ఇది రాజు కవిత్వంలో పుష్కలంగా వుంది.  - డాక్టర్‌ ఎన్‌. గోపి

తురగా జయశ్యామల
పేజీలు: 185
ప్రతులకు: 09820003133
వెల: రూ 150

కాలరహితమైనదేదీ ఉండదు. 'కాలమిచ్చిన తీర్పు' మనుషుల నిర్ణయమే..! చాలా ఏళ్ళ క్రితం రాసిన నవలికలైనా కాలాన్ని గెలిచాయి. చదివించే గుణంతో ఇంకా నిలిచి ఉన్న అదే సమస్యల పట్ల ఆలోచనల్ని రేకెత్తించే ఈ రచనలు పాఠకుల ఆదరణను మళ్ళీ మళ్ళీ తప్పక చూరగొంటాయనీ ఆశిస్తున్నాను. - డా|| చిల్లర భవానీ దేవి

మేరెడ్డి యాదగిరి రెడ్డి
పేజీలు: 81
ప్రతులకు: 9949415796
వెల: రూ 80

యాబయ్యేండ్ల సాహితీ ప్రస్థానం ఎన్నో ఎన్నెన్నో మలుపులు ఈ 'మట్టివాసన' కవితా సంపుటి నా అయిదవ పుస్తకం గతంలో 'మట్టి కథలు, కొలిమి కథలు, బొడ్రాయి కథలు, రైతు నానీలు పుస్తకాలుగా వచ్చాయి. ముఖ్యంగా నేను కథకున్ని వంద దాకా కథలు యాభయి పిల్లల కథలు రాయడం జరిగింది. అప్పుడప్పుడు సందర్భానుసారంగా రాసుకున్న కవితల పుస్తక రూపమే ఈ 'మట్టివాసన'' కవితా సంపుటి. - మేరెడ్డి యాదగిరి రెడ్డి

రాయపాటి శివయ్య
పేజీలు: 120
ప్రతులకు: 9885154281
వెల: రూ 100

నేను మాట్లాడే భాష, యాసలో దాగివున్న ప్రత్యేకత, నా మాట తీరు నన్ను ఈ పుస్తకాన్ని రాయడానికి ప్రేరేపించాయి. అనంతపురం మాండలిక పదాల మీద పనిచేయాలనే ఆలోచన నాకు చదువుకునే రోజుల్లోనే బీజం పడిందని చెప్పవచ్చు.  -  రాయపాటి శివ

సంపాదకులు: విశ్వేశ్వర రావు సహకారం: నామాడి శ్రీధర్‌, బండ్ల మాధవరావు
పేజీలు: 174
ప్రతులకు: 0866-2433359
వెల: రూ 150

ఈ మధ్య కవితలనేకం అన్ని విధాలా ప్రాథమిక స్థాయిలో ఉండటమే కూర్పరికి నిరాశ కలిగిస్తున్నది. ఓ కవిని అయిదు కవితల్లోంచి ఒక్క కవితనీ ఎంచుకొనలేని పరిమితి ఎదురవుతుంది. ఇంకొక కవివి రెండు కవితల్లోంచి దేనికది తేల్చుకోలేనంత హృద్యంగా భాసిల్లుతుంది. - నామాడి శ్రీధర్‌

శ్రీరామ్‌
పేజీలు: 92
ప్రతులకు: 99963482597
వెల: రూ 100

తని కవిత్వమొక యుద్ధశకటం. ఇతని వాక్యం మరఫిరంగి. ఇతని పదం మందుగుండు సామాగ్రి. మళ్లీ చెపుతున్నా, ఇతను పదాలను ఎర్రవాగులో నానేసి, పెంచుతూ, వొలుస్తూ, తొలుస్తూ పేనుతున్నాడు. ఈ కవిత్వం తాడు ఎవరిమెడకో వేళ్లాడుతుంది. ఇతనివి తలారిచేతులు. ఉరితీయాల్సిన వాటిని జాబితీకరిస్తున్నాయ్‌. - సీతారాం

ఈ. రాఘవేంద్ర
పేజీలు: 100
ప్రతులకు: 9494074022
వెల: రూ 80

కావ్యంలో ముప్పైఏడు కవితలున్నాయి. ఇప్పటికి రాఘవేంద్ర కవిగా పండించిన పంట ఈ కావ్యం. ఈ కవితలన్నీ చదివితే ఈ కవికి ఒక సామాజిక సంవేదన బలంగా ఉందని తెలుస్తుంది. ఈయన కవిత్వంలో వర్తమానమే వస్తువు. అనంతపురం జిల్లా కరువు నుండి సిరియా మారణకాండ దాకా ఈయన కవిత్వం విస్తరించింది. - రాచపాళెం చంద్రశేఖర రెడ్డి

సంపాదకులు: అల్లంరాజు ఉషారాణి
పేజీలు: 470
ప్రతులకు: 9849297958
వెల: రూ 300

వి సుధామ గారి పీఠికలు, ముందుమాటలు. ఈ సంకలనంలో కవిత, కథ, వ్యాసం, నవల, నాటకం, కార్టూన్‌, గళ్ళ నుడికట్టు ఇలా అనేక ప్రక్రియలలలో వచ్చిన గ్రంథాలకు ఆయా కవులు, రచయితలు, సాహిత్యకారులు సుధామ గారిచేత రాయించుకున్న పీఠికలు, ముందుమాటలు ఉన్నాయి. - అల్లంరాజు ఉషారాణి

సంపాదకులు: డా|| కాళిదాసు పురుషోత్తం - డా|| మాచవోలు శివరామప్రసాద్‌
పేజీలు: 168
ప్రతులకు: 9000642079
వెల: రూ 150

బంగోరె జ్ఞాపకాలు ఆత్మీయుల్లో, పరిచయస్థుల్లో, బంధువుల్లో ఇంకా పచ్చగానే ఉన్నవి. నింగిదాకా నిప్పులు చెరిగే అగ్నిపర్వతం లాంటి తనే ''యీ అంధకారంలో నాకు కనపడే చిన్న నక్షత్రం మీరు'' అంటూ నిరాశగా ఒక మిత్రునికి రాస్తాడు. బంగోరె వ్యక్తిత్వం, తప్త, ఆర్ధ్రహృదయం, అతని పరిశోధనలు, కృషి, అతని బౌద్ధిక జీవితం, అతడు నడిచిన దారి ఈ జాబుల్లో రేఖామాత్రంగా వ్యక్తమయినా మా ప్రయత్నం సఫలమైనట్లే. - కాళిదాసు పురుషోత్తం

డా|| ఈదూరు సుధాకర్‌
పేజీలు: 100
ప్రతులకు: 9491414007
వెల: రూ 80

విన్నది విన్నట్టు, కన్నది కన్నట్టు, అనుకొన్నది అనుకొన్నట్టు క్షణాల్లో కవితారూపం ధరించడం కొత్త కవిత్వానికి గొప్ప అలంకారం. ఎండా వానా, గాలీ వెలుతురూ, చెట్టూ పుట్టా ఎంత సహజాలో కవిత్వమూ అంత సహజంగా ఆప్యాయంగా మనిషిని స్ప ృశించడం ఆధునిక కవితా లక్షణమన్పిస్తుంది.  సుధాకర్‌ కవిత్వంలోనూ ఇదే మనం చూడొచ్చు. సుధాకర్‌ వృత్తిరీత్యా వైద్యుడు. రోగి నాడిని ఎంత మెళకువగా పట్టుకోగలడో సమాజపు నాడిని కూడా అంతే ఒడుపుగా పట్టుకొన్నవాడు. -  విఠపు బాలసుబ్రహ్నణ్యం

సురేంద్ర రొడ్డ
పేజీలు: 96
ప్రతులకు: 9491523570
వెల: రూ 120

స్వచ్ఛమైన భాష, సంక్లిష్టత లేని వాక్య విన్యాసం, అస్పష్టత అయోమయానికి గురిచెయ్యని భావుకత, నిర్మలమైన మనసు నుండి జాలువారిన మార్మిక కవితా నిర్మాణ దక్షత, ఆత్మ న్యూనత కనిపించని అభివ్యక్తి నవ్యత సురేంద్ర రొడ్డ కవిత్వానికి పరిమళ మద్దింది.

- బిక్కి కృష్ణ

యస్‌.డి.వి. అజీజ్‌
పేజీలు: 108
ప్రతులకు: 9133144138
వెల: రూ 100

పాలెగాడు, తెరిణెకంటి ముట్టడి, బుడ్డా వెంగళరెడ్డి, గులాం రసూల్‌ఖాన్‌ వంటి చారిత్రక నవలలు రాసిన రచయిత యస్‌.డి.వి. అజీజ్‌. లయతప్పిన గుండె కథల సంపుటి వెలువరించారు. పదిహేను కథల సమాహారం ఈ పుస్తకం. సరళమైన పాపులర్‌ శైలిలో నడిచే కథలు పాఠకుడిని ఆసక్తికరంగా చదివిస్తాయి. వాస్తవిక జీవిత అవగాహన కథలన్నింటా విస్తరించుకుని కనపడుతుంది.

ఆప్కారి సూర్యప్రకాష్‌
పేజీలు: 176
ప్రతులకు: 9848506964
వెల: రూ 150

త్మకథలన్నీ ఈ వేగ యుగంలో చదివే సమయం లేదు కనుక ఈ పుస్తకం చదివి ఆత్మకథల సారాంశాన్ని 'కొండ అద్దమందు కొంచెమై ఉండదా' అన్నట్టు, అద్దంలో ఆకాశం చూడవచ్చు. ప్రభువెక్కిన పల్లకి గురించి కాక, సామాన్యుని జీవితం తెలుసుకోవడానికి, చార్మినార్‌ నిర్మాణంలో రాళ్ళెత్తిన కూలీల జీవితాలలోని కడగండ్లను తెలుసుకోవడానికి ఈ పుస్తకం దోహదం చేస్తుంది. - ఆప్కారి సూర్యప్రకాశ్‌

అప్పిరెడ్డి హరినాథ రెడ్డి
పేజీలు: 300
ప్రతులకు: 9963917187
వెల: రూ 100

2004 నుండి 2018 సంవత్సరాల మధ్య రాసిన సాహిత్య వ్యాసాలు మరియు సాహిత్య సదస్సులలో సమర్పించిన పత్రాలను ప్రస్తుతం 'సాలోచన' పేరున ఈ పుస్తకం ప్రచురిస్తున్నాను. ఇందులో నలభైఆరు వ్యాసాలున్నాయి. వీటిలో నలభైఒక్క వ్యాసాలు ఇదివరకే వివిధ పత్రికలలో ప్రచురితమయ్యాయి. మిగతా అయిదు వ్యాసాలను కూడా ప్రచురణకోసం పత్రికలు స్వీకరించాయి. - డా|| అప్పిరెడ్డి హరినాథ రెడ్డి

బగ్గాం స్పందన
పేజీలు: 55
ప్రతులకు: 9490461596
వెల: రూ 100

వితల్లో, కవితా శక్తి సామాన్యం అనుకున్నా తాత్విక ఊహాశక్తి అసామాన్యంగా వుందనటంలో అతిశయోక్తి లేదు. ఈ కవయిత్రికి 'కవితాంతరంగం' బోధపడింది. కవిత్వ శాస్త్రంలోని కొన్ని మెలుకువలు యింకా పెంచుకోవలసి వుంది. మాత్ర, లయ, పదవినియోగం ప్రస్తుతం బీజరూపంలో వున్నాయ్‌. కొంచెం కృషి చేస్తే రెండవ కావ్యం నాటికి 'స్పందన' తెలుగు వారికి తెలియవలసిన అవసరం వస్తుంది. - చందు సుబ్బారావు

సీతా సుధాకర్‌
పేజీలు: 83
ప్రతులకు: 09765390399
వెల: రూ 100

'పూనాలో పూచిన నానీలు' పూచింది ఆమె హృదయంలోనే అయినా పూనా భౌగోళిక, చారిత్రక, అనుభవిక పరిసరాల్లో పుట్టడం వల్ల అవి 'పూనా నానీ'లయ్యాయి. పూనాలోని జన స్వభావం, యాంత్రికత, ట్రాఫిక్‌, సౌందర్యం, ప్రాచీన కట్టడాల చారిత్రకత ఇలా పూనా గురించే 40 నానీలు రాశారు కవయిత్రి. పూనా వ్యాజంతో పలు అంశాలపైనా కవితాత్మకమైన నానీలను వెదజల్లారు. - డా|| ఎన్‌. గోపి

పఠాన్‌ ఖాదర్‌వలి
పేజీలు: 112
ప్రతులకు: 9492804985
వెల: రూ 100

కాలం కన్నీటిని తుడిచి, కాంతిసుధల్ని పండించిన కవే ఖాదర్‌వలీ గారు. నిస్సందేహంగా ఆయన గమనం పరిపక్వత వైపుకి పురోగమిస్తుంది. అందుకు సాక్ష్యం ఈ అక్షరలక్షలే. అంచాత, నిగళాలు తెంచుకున్న ఈ పసిడిగళం నుండి మరిన్ని జనహిత జలపాతాలు జాలువారాలని శుభకామిద్దాం! -  వేంపల్లి అబ్దుల్‌ ఖాదర్‌

శ్రీరామ్‌
పేజీలు: 92
ప్రతులకు: 99963482597
వెల: రూ 100

తని కవిత్వమొక యుద్ధశకటం. ఇతని వాక్యం మరఫిరంగి. ఇతని పదం మందుగుండు సామాగ్రి. మళ్లీ చెపుతున్నా, ఇతను పదాలను ఎర్రవాగులో నానేసి, పెంచుతూ, వొలుస్తూ, తొలుస్తూ పేనుతున్నాడు. ఈ కవిత్వం తాడు ఎవరిమెడకో వేళ్లాడుతుంది. ఇతనివి తలారిచేతులు. ఉరితీయాల్సిన వాటిని జాబితీకరిస్తున్నాయ్‌.

- సీతారాం

తంగిరాల సోని
పేజీలు: 90
ప్రతులకు: 9676609234
వెల: రూ 100

కుల సమాజంలో పెత్తందారీ కులాల వారు దళితులపై సాగించే రకరకాల హింస, పీడన, వివక్ష తాలూకు వివిధ రూపాలు. వారి శ్రమ నిత్యం దోపిడీకి గురవ్వడం, దళిత స్త్రీలపై పెత్తందారీ కులాల వారు సాగించే లైంగిక వేధింపులు, అత్యాచారాలు, హత్యలు మొదలైన అంశాలపైన కొత్త గొంతుతో సోని కవిత్వం వినిపస్తుంది.

- ప్రొ|| చల్లపల్లి స్వరూపరాణి

సునీత గంగవరపు
పేజీలు: 128
ప్రతులకు: 9494084576
వెల: రూ 72

ఇప్పటి కవయిత్రులలో సునీత సునిశిత దృష్టి ఉన్న రచయిత్రి. అంతమాత్రమే కాదు సూక్ష్మగ్రాహి కూడా. ఒక్కోసారి గాయపడుతుంది. భావ కవితాగేయంలా రాయబడుతుంది. ఒక్కోసారి కృష్ణుడి కోసం అన్వేషించే గోపికవుతుంది. ఒంటరిగా గోడమీద కూర్చున్న కన్నీటి దీపికవుతుంది.

- ఎండ్లూరి సుధాకర్‌

అనువాదం: ఎన్‌. శైలజ
పేజీలు: 139
ప్రతులకు: ప్రముఖ పుస్తక కేంద్రాలలో
వెల: రూ 75

ఖలీల్‌ జిబ్రాన్‌ కవిత్వం చదివిన వారికెవరికైనా వారి వారి హృదయాల్లో, జీవన దృక్పథంలో మార్పు రాక తప్పదు. భావతీవ్రత, అంతరాంతరాల అగాధాల్లోంచి పెల్లుబికే ప్రేమ, కరుణ, ఆశ్చర్యం, అద్భుతం, అవి ఆయన కవిత్వానికే సొంతం. నా కొచ్చినంత నా వంతుగా తెలుగు పాఠకులకు..ప్రేమతో..

- శైలజ

మెట్టా నాగేశ్వరరావు
పేజీలు: 192
ప్రతులకు: 9951085760
వెల: రూ 180

అద్భుతమైన అభివ్యక్తి సౌందర్యంతో మెట్టా కవిత్వాన్ని ఆవాహన చేసుకుని, మనిషిగా ఉన్నతీకరిస్తున్న కవి. అతడు మాట్లాడే ప్రతి అక్షరమూ కవిత్వమే. ఎందుకంటే అతని జీవితమే కవిత్వం. సాదాసీదాగా ఉండే అతని వాక్యం జీవితాన్ని తొడుక్కుని కవిత్వమైపోతుంది. అదే అక్షరాల తడి. అతనిలోని పారదర్శకత అతని బలం. కదిలితే అక్షరమై కురిసే అతడిలో గడ్డకట్టిన అనుభవాలు ఉన్నాయి. అవే ఇప్పుడీ పదాలూ, వాక్యాలూ, అట్టడుగు జీవితాల్ని అక్షరాల్లో పొదిగి, ఎదిగింపజేస్తున్న కవి మెట్టా.

- కవి యాకూబ్‌

జయంతి పబ్లికేషన్స్‌
పేజీలు: 48
ప్రతులకు: 8978261496
వెల: రూ 40

'ఆంధ్రరత్న గోపాలకృష్ణుని చాటువులు' అనే ఈ గ్రంథం 'శ్రీ రంగనాథ ప్రబోధమ్‌' అనే శీర్షికతో సంస్క ృత శ్లోకాలతో ప్రారంభమైంది. 'ఆంధ్ర నాయకులు' అనే శీర్షికతో ఉన్న సీసపద్యంతో ముగిసింది. గోపాలకృష్ణయ్య గారు మొగమాటం లేని వ్యక్తిగా, చెప్పదలచుకున్న విషయాన్ని హాస్యపూరితంగా, ముక్కుమీద గుద్దినట్లుగా వ్యక్తం చేసిన తీరు అభినందనీయం.

-  గుమ్మా సాంబశివరావు

డా|| రావి రంగారావు
పేజీలు: 48
ప్రతులకు: 9247581825
వెల: రూ 25

 సూర్యకవి

వర్షాకాలం/ ప్రేమ గీతం / చలి కాలం / విరహ గీతం / ఎండా కాలం / విప్లవ గీతం.

అనుబంధాలు

ఎక్కి / తొక్కుతుంటే చాలదు/ చైను / తెక్కుండా చూసుకోవాలి.../ జీవితం / ఓ సైకిల్‌.

- డా|| రావి రంగారావు

మందరపు హైమవతి
పేజీలు: 224
ప్రతులకు: 9441062732
వెల: రూ 120

'మందరపు హైమవతి కవితా ముద్ర తెలుగు స్త్రీవాద కవిత్వంలో చెరగనిది. తనదైన ప్రత్యేక స్వరంలో స్త్రీ ఆర్తిని, ఆవేశాన్ని, ఆగ్రహాన్ని, ప్రేమనూ, ప్రేమ రాహిత్య జీవిత వేదనలను, ఆర్థిక సంబంధాల ప్రభావంతో ఛిద్రమవుతున్న స్త్రీ పురుష సంబంధాలనూ కవిత్వీకరించిన అపురూప కవయిత్రి మందరపు హైమవతి.

- ఓల్గా

అడిగోపుల వెంకటరత్నం
పేజీలు: 132
ప్రతులకు: 9848252946
వెల: రూ 100

ఏకత్వంలో భిన్నత్వం అందరూ వల్లెవేసేదే. దానిని ఇప్పటి పరిస్థితులకు అతకటం ఈ కవికే చెల్లింది. మృగరాజును జయించిన మనిషెంత బలవంతుడో, స్వేచ్ఛను బలిగొన్న మనిషెంత నిర్దయుడో, తాను నిశ్శబ్దమై ప్రపంచాన్ని శబ్దమయం గావించిన మనిషెంత విధ్వంసకుడో కొంతయినా తెలియాలంటే ఈయన కవిత్వంతో కరచాలనం చేయాల్సిందే!

- రావెల సాంబశివరావు

సంపాదకులు: సి.యస్‌.ఆర్‌. ప్రసాద్‌ వి. చెంచయ్య
పేజీలు: 438
ప్రతులకు: 9989189250
వెల: రూ 300

టీఎంఎస్‌ మార్క్సిస్టు సాహిత్య విమర్శను భూ మార్గం పట్టించాడు. పాశ్చాత్య మార్క్సిస్టు భావన మీద నిర్మాణమైన తెలుగు మార్క్సిస్టు సాహిత్య విమర్శను టీఎంఎస్‌ ప్రాదేశికం చేసాడు. ఆ మాటకొస్తే తెలుగు సాహిత్య విమర్శకు కొత్తచూపు నిచ్చాడు. సంప్రదాయ చట్రంలో మునిగిపోయిన విమర్శకు, ప్రజాస్వామిక, ప్రగతిశీల, విప్లవ దృక్పథాలను అద్దాడు. 

- చింతకింది కాశీం

సంపాదకులు: సి.యస్‌.ఆర్‌. ప్రసాద్‌ వి. చెంచయ్య
పేజీలు: 277
ప్రతులకు: 9989189250
వెల: రూ 200

పచ్చి వాస్తవాలు, ఆలోచనలు రేకెత్తించే చురకత్తుల్లాంటి పదునైన మాటలు త్రిమరా వ్యాసాల్లో కోకొల్లలు. త్రిపురనేని మధుసూదనరావు ఒక అరుదైన రచయిత. ఆలోచననీ, ఆవేశాన్నీ సమపాళ్ళల్లో రంగరించిపోసి వుత్తేజాన్ని కలిగించే ఉపన్యాసకుడు. సాహసవంతుడైన సాహిత్య విమర్శకుడు.

- వి. చెంచయ్య

సంపాదకులు: సి.యస్‌.ఆర్‌. ప్రసాద్‌ వి. చెంచయ్య
పేజీలు: 436
ప్రతులకు: 9989189250
వెల: రూ 300

ప్రభావశీలమైన వ్యక్తులు తమ కాలాన్నేకాక, తదనంతర కాలాన్ని కూడా ప్రభావితం చేస్తారు. భవిష్యత్తులోకి విస్తరిస్తారు. అలాంటి వాళ్లను ఎలా అర్థం చేసుకోవాలనే ప్రశ్న ప్రతి తరం ఎదుర్కొంటుంది. మార్క్సిస్టు సాహిత్య విమర్శ రంగంలో మధుసూదనరావు అలాంటి వారు.

- పాణి

అల్లం రాజయ్య
పేజీలు: 48
ప్రతులకు: 9989189250
వెల: రూ 35

తెలుగు కథ శిఖర సదృశమైన ఆయన కథల్లాగే, ఆయన విమర్శ కూడా చాలా చాలా గంభీరంగా, తాత్వికంగా ఉంటుంది. విప్లవ కథ నడిచి వచ్చిన దారిని, దాని వైవిధ్యభరితమైన విస్తృతిని ఉద్యమ సంబంధంలో రాజయ్య వివరిస్తారు. విప్లవ కథ సౌందర్యాన్ని, సామాజికతను వివరించడానికే ఈ ప్రయత్నమంతా. విప్లవకథ మానవ ఆచరణలోని మార్పు క్రమాల్లోని సౌందర్యాన్ని చిత్రిస్తే, ఆ సౌందర్యాన్ని విప్లవ విమర్శ మరింత సౌందర్యభరితం చేస్తోంది.

-  పాణి

సోమేపల్లి వెంకటసుబ్బయ్య
పేజీలు: 34
ప్రతులకు: ప్రముఖ పుస్తకాల షాపుల్లో
వెల: రూ 60

'చేను చెక్కిన శిల్పాలు' తాజా నానీల సంపుటి. అన్నట్టు.. పుస్తకాలకు పేర్లు పెట్టడంలో ఆయనకు ఆయనే సాటి. ఆయన గ్రంథ శీర్షికలు లోతైనవి. గర్భితార్థాలతో వ్యాఖ్యాన సాపేక్షకమైనవి. నిరంతరం మననం చేస్తూ వాటిని వెలికి తీస్తారు. ఈ 'చేను చెక్కిన శిల్పాలు' కూడా అలాంటిదే. వ్యవసాయంలోంచి మొలచిన మొక్కలీ నానీలు.

- డా|| ఎన్‌. గోపి

ఎస్‌.ఎం. సుభాని
పేజీలు: 40
ప్రతులకు: ప్రముఖ పుస్తకాల షాపుల్లో
వెల: రూ 60

అల్పాక్షరాలతో అనల్పార్థం వచ్చే ప్రక్రియ ఆత్మను సుభానీ పట్టుకున్నారు. శీర్షికలో సూచించిన విధంగా ఈ నానీలు సమాజంలోంచి వచ్చినవే. వీటిలో సమకాలీనత స్పష్టంగా కన్పిస్తుంది. కవి కాలాన్ని రికార్డు చేస్తాడంటారు. సుభాని ఈ నానీల ద్వారా ఈనాటి సమాజ స్పందనలను రికార్డు చేసారు.

- సోమేపల్లి వెంకటసుబ్బయ్య

వెన్నల
పేజీలు: 171
ప్రతులకు: 9701450206
వెల: రూ 150

కవులది కళాత్మక జగత్తు. వెన్నెల ఎంత హాయిగా వుంటుందో వెన్నెల గారి కవిత్వం అంత హాయిగా వుంది. ఆహ్లాదంగా వుంది. అందుకు కారణం ఆమెలో ఈస్తటిక్‌ బ్యూటీ వుంది. వస్తు పరిశీలనా దృష్టి వుంది. అనుభూతి సాంద్రత వుంది. భావనా బలం వుంది. బాల్య హృదయం వుంది. అంతులేని సృజనాత్మకత వుంది. 

- బిక్కి కృష్ణ

అక్షరమాలి సురేష్‌
పేజీలు: 75
ప్రతులకు: 9493832470
వెల: రూ 100

ప్రపంచీకరణ నేపథ్యంలో కార్పొరేటీకరించబడిన వ్యవస్థ గుప్పిట్లో మారిన వాతావరణాన్నీ, ఛిద్రమైన విలువల్నీ ఈ కవి ఎడ్వాన్స్‌్‌డు టోన్‌లో చిత్రిస్తున్నాడు. నగర ప్రపంచంలో రాజీపడలేక పల్లెప్రపంచాన్ని వదులుకోవాల్సిన అనివార్యతను అంగీకరించలేక -  ఈ రెండు ప్రపంచాల మధ్య ఉక్కిరిబిక్కిరై తండ్లాటను అనుభవిస్తున్న మధ్యతరగతి సెన్సిటివ్‌ మానవుల వేదనను ఈ కవి పట్టుకోగలిగాడు.

- జి. లక్ష్మీనరసయ్య

డా|| రావి రంగారావు
పేజీలు: 32
ప్రతులకు: 9247581825
వెల: రూ 20

చిత్రాలు, పద చిత్రాలు / ముఖ్యం కాదు,/ జనం గుండెల్లో కవి / సత్య చిత్రాలు గీయాలి.

కాగితం మీద రాసినా/ కంప్యూటరు మీద కొట్టినా / ప్రజల మనస్సుల మీద / కవిత కనిపించాలి.

చనిపోతుంది మబ్బు / వర్షం బిడ్డను కని, / భూమి పడతి చేతుల్లో / క్షేమంగా పెట్టి!

- డా|| రావి రంగారావు

మువ్వల సుబ్బరామయ్య
పేజీలు: 152
ప్రతులకు: 8978261496
వెల: రూ 100

  తెలుగువారికి ప్రాతఃస్మరణీయుడైన సర్‌ ఆర్థర్‌ కాటన్‌ జీవిత చరిత్రలు గతంలో చాలానే వచ్చాయి. అయితే శ్రీ మువ్వల సుబ్బరామయ్య విభిన్నంగా వ్రాశారు. నీటి విలువను చాటి చెప్పిన మహత్తర రచన ఇది. 'నీరు', 'నీటి విలువ',     'నీటిపై ఖర్చు' గురించి సర్‌ ఆర్థర్‌ కాటన్‌ 1874లో చేసిన మూడు ప్రసంగాలు ఈ గ్రంథంలో శ్రీ సుబ్బరామయ్య గారు మన కందించారు. నీటిపై అవగాహన పెంచడానికి ఈ ప్రసంగాలు ఉపయోగపడతాయి. ప్రత్యేకించి ఇరిగేషన్‌ ఇంజనీర్లకు ఈ ప్రసంగాలు పాఠ్యగ్రంథాల వంటివి.

-  మండలి బుద్ధప్రసాద్‌

వైష్ణవిశ్రీ కవిత్వం
పేజీలు: 152
ప్రతులకు: 8074210263
వెల: రూ 150

రాయడం కోసం రాసేవాళ్లు ఒక రకమైతే రాయకుండా వుండలేని తనంతో రచించే వాళ్లు వేరు. వారు జీవితంలోంచి మనసు లోతుల్లోంచి, ఆనంద విషాద భరితమైన అనుభవపు పొరల్లోంచి ఆవేదనాగర్భం లోంచి రాస్తారు. వైష్ణవిశ్రీ ఈ కోవకు చెందిన కవయిత్రి అని ఇందులోని చాలా కవితలు మనకు చాటిచెబుతాయి.

- తెలకపల్లి రవి

జంధ్యాల రఘుబాబు
పేజీలు: 66
ప్రతులకు: 9849753298
వెల: రూ 60

సాహిత్య రూపం ఏదైనా అదో సమిష్టి కార్యం. పాట, నాటిక, నాటకం ఆ వరుసలో ఇంకా ముందుంటాయి. శాతాల లెక్కన ఇంత అని చెప్పటం కష్టమే కాని పాట రాసేవారి కృషితో పాటు రాగం కట్టేవారు, గాయకులు, వాయిద్యకారులు, మైకుసెట్టు పని చూసేవారు ఇలా అందులో ఎందరి పాత్రో ఉంటుంది. పాట పరమార్థం సమాజాన్ని చేరటం, సమాజానికి ఉపయోగపడటమనేది ముఖ్య లక్ష్యం.

- జంధ్యాల రఘుబాబు

సిరికి స్వామినాయుడు కవిత్వం
పేజీలు: 168
ప్రతులకు: 9494010330
వెల: రూ 100

2011లో నా తొలి కవితా సంకలనం 'మంటిదివ్వ' వచ్చింది. నా ఆర్తినీ, ఆవేదననీ, గుండె కొట్లాటల్నీ కవిత్వమే నంటూ ఆదరించిన సమస్త సాహితీలోకానికీ శిరస్సు వంచి నమస్కరిస్తున్నాను. 2012 నుండి 2018 మధ్య ఓ ఏడేళ్ల కళింగాంధ్ర పరిణామాల్నీ, వ్యథార్త జీవిత యధార్థతను అక్షరబద్దం చేస్తూ యిప్పుడీ మలిసంకలనం 'మట్టిరంగు బొమ్మలు'తో వస్తున్నాను.

- సిరికి స్వామినాయుడు

సంకలనం: అమరావతి బాలోత్సవం కమిటీ
పేజీలు: 116
ప్రతులకు: 9618848470
వెల: రూ 100

ప్రగతిశీల శాస్త్రీయ దృక్పథంతో ఏకపాత్రలు, లఘు నాటికలు, జానపద, అభ్యుదయ గీతాల కొరకు 'జాషువా సాంస్క ృతిక వేదిక' కొత్త రచనలను ఆహ్వానించింది. ఉన్నంతలో ఉత్తమమైనవి ఎంపిక చేసి పుస్తక రూపంలో వెలువరిస్తున్నాం. బాలలు, తల్లితండ్రులు, ఉపాధ్యాయులు, శ్రేయోభిలాషులు దీనిని ఆదరిస్తారని ఆశిస్తున్నాం.

-  అమరావతి బాలోత్సవ్‌ కమిటీ

పి. చంద్రశేఖర అజాద్‌
పేజీలు: 80
ప్రతులకు: 9246573575
వెల: రూ 70

పిల్లల పుస్తకం నవలలో పిల్లలు ముఖ్యపాత్రలు. చాలా సాధారణంగా మొదలై, పిల్లల ఆలోచనలు సరదాలనూ పంచుతూ పిల్లలు ఓ రచన చేయటంతో ముగుస్తుంది. ఆ క్రమాన్ని చదివి తీరాలి. పిల్లలతో అత్యంత దగ్గరగా మమేకం అయినప్పుడే ఇలాంటి నవలలు రాయటం సాధ్యం అవుతుంది.

- బొప్పన విజయ్‌కుమార్‌

ఇనుగంటి జానకి
పేజీలు: 96
ప్రతులకు: 9441956321
వెల: రూ 50

చదువరిగా, సమాజ చలన శక్తులేవో గుర్తించి, వారి పాత్రకు తగు అవకాశాలు, సాధికారత, సామాజిక స్థాయి కోరే కవిత్వాన్ని జానకి రాశారు. 'పర్వత మార్గం' వంటి కవితల్లో తాత్విక భావనలతో బాటు, విశాల బస్తర్‌ మీద రాసినా, విశాఖ బస్తీ మీద రాసినా, నవ్వు అరుదై పోయిందని, ఏది నవ్వు? అంటూ ప్రశ్నిస్తూ వెతుక్కుంటున్నా, ఆమె రచనలో ఒక వివేకం, విచక్షణతో కూడిన వేదనా ప్రవాహాలు ఉన్నాయి.

- రామతీర్థ, జగద్ధాత్రి

సంపాదకుడు: - డా|| అపిరెడ్డి హరినాథరెడ్డి
పేజీలు: 86
ప్రతులకు: 0866-2577533
వెల: రూ 50

సీమలో ఆనాటి సంఘ సంస్కరణోద్యమాన్ని కళ్ళార చూసిన రాఘవ ఆనాటి సాంఘిక దురాచారాలను ఖండిస్తూ, స్త్రీల ఆత్మగౌరవాల్ని సంరక్షిస్తూ, వితంతు వివాహం ఇతివృత్తంగా 1933లో 'సరిపడని సంగతులు' అనే సాంఘిక నాటకం రాశాడు. వ్యవహార భాషలో నాటకం రాయడం అతని ప్రజాస్వామిక దృష్టిని తెలుపుతుంది. 

- డా|| అప్పిరెడ్డి హరినాథరెడ్డి

సంకలనం: డా|| జి. రామచంద్రారెడ్డి
పేజీలు: 80
ప్రతులకు: 9848132208
వెల: రూ 70

కిల్లాడ సత్యనారాయణ తొలి కవితా సంపుటి 'మనిషి నా భాష' విశాఖపట్నంలో ఆవిష్కరణ అయ్యింది. విజయవాడలో ఆ సంపుటిపై సమాలోచన జరిగింది. మాట్లాడిన వారందరూ కూడా కవిత్వానికి ఉన్న వస్తు బలాన్ని చూసి, కవిత్వానికి అంటిన మార్మికతను, ధార్మికతను చూసి ముగ్ధులైపోయారు. వెంటాడుతున్న ఆ కవితా పాదాలకు స్పందించి, అక్షరాలై పలకరించారు. ఆ పలకరింపులే ఇప్పుడు 'సమూహ'గా మారి మీ చేతుల్లోకి చేరింది. మీ మనసులోకి చేరడానికి సిద్ధంగా ఉంది.

- చినుకు పబ్లికేషన్స్‌

ఆచార్య కె.ఎస్‌. చలం
పేజీలు: 60
ప్రతులకు:
వెల: రూ 50

అర్ధశతాబ్దం క్రితం ఉద్వేగంగా రాసే అభ్యాసం వుంది. ఆ అలవాటు నుండి బయటపడి చాలా కాలం అయింది. అయితే సమకాలీన సమాజంలో జరిగే విషయాలపై మనం ఏమనుకుంటున్నామో చెప్పే సామాజిక బాధ్యత నుండి తప్పుకోలేకపోయాను. అందుకే యీ వాక్యాలు క్లుప్తంగా, స్పష్టంగా, సూటిగా చెప్పేందుకు ప్రయత్నించాను.

- ఆచార్య కె. ఎస్‌. చలం

బి. హనుమారెడ్డి
పేజీలు: 182
ప్రతులకు: 9440288080
వెల:

నా జీవిత అంతర్వాహిని, ఎప్పుడూ ఒడ్లొరుసుకొని ప్రవహించలేదు. జీలుగా - పీలగానే పయనించింది. 78 ఏళ్ళ వయసులో, 55 ఏళ్ళ వృత్తి జీవితంలోని, 20 ఏళ్ళ ప్రవృత్తి జీవితంలోని నా గురించిన సమాచారం కోసం నన్ను నేను తవ్వుకున్నాను. నా అంతరాంతరాల్లో పారాడుతున్న మధుర జ్ఞాపకాల వేడుకను, విధ్వంస జ్ఞాపకాల అగ్గినీ, బుగ్గినీ, విచ్చుకున్న సంకల్పాలను, పేర్చుకున్న సమాలోచనలను రేఖామాత్రంగా నీలితెరానంతర వెండితెరపై దర్శించాను.

- బి. హనుమారెడ్డి

బండి చంద్రశేఖర్‌
పేజీలు: 123
ప్రతులకు: 9440087930
వెల: రూ 100

ఈ కవి మంచితనాన్ని సమర్థిస్తాడు. చెడును నిరసిస్తాడు. కర్షకులకు, కార్మికులకు, శ్రామికులకు అండగా నిలుస్తాడు. ప్రజాక్షేమాన్ని కాంక్షిస్తాడు. ఆధిపత్య శక్తుల ధోరణులను, పాలకుల కపట బుద్ధులను బహిర్గతం చేస్తాడు. కులాల కుమ్ములాటలు, మతాల మారణహోమం కూడదని ప్రజలకు హితవు చెప్పుతాడు.

-  రేగులపాటి కిషన్‌రావు

యస్‌.డి.వి. అజీజ్‌
పేజీలు: 73
ప్రతులకు: 8106367175
వెల: రూ 75

బ్రిటీష్‌ వారికి వ్యతిరేకంగా అనేక తిరుగుబాట్లు జరిగాయి! అలాంటివారిలో తుర్రెబాజ్‌ ఖాన్‌ ఒకరు! అతని పోరాటం నాడే కాదు నేటికీ స్ఫూర్తిదాయకం. 1857 నాటి దేశ పరిస్థితి, హైదరాబాద్‌ రాజకీయ, సామాజిక పరిస్థితులు, తుర్రెబాజ్‌ ఖాన్‌ నాటి బ్రిటిష్‌ వారిపై నిజాం నవాబ్‌పై జరిపిన పోరాటం గురించి కళ్ళకు కట్టినట్టుగా ఈ రచనలో చిత్రీకరించడమైనది!

- ప్రచురణకర్తలు

కుంచె చింతా లక్ష్మీనారాయణ
పేజీలు: 100
ప్రతులకు: 9908830477
వెల: రూ 150

అమ్మతనానికి నిలువెత్తు ప్రతిబింబం ఈ కావ్యం. పైకి చూడడానికి సెంటిమెంటల్‌ పొయెంగా కనిపిస్తుంది. అది కొంతవరకు నిజం కూడా. అయితే ఇది అమ్మలు

ఉన్నవాళ్ళకి, అమ్మలు లేనివాళ్ళకు, అమ్మని చూడనివాళ్ళకి, అమ్మను చూసుకోని వాళ్ళకు అమ్మ ఔన్నత్యాన్ని చాటి చెబుతుంది.  

- ఆచార్య రాచపాళెం చంద్రశేఖర రెడ్డి

రావి రంగారావు
పేజీలు: 126
ప్రతులకు: 9493686165
వెల: రూ 100

తెలుపును వెనక్కి నలపకు, తెలుపంటూ వేరే లేదు,/ నలుపు పండితే తెలుపవుతుంది. ఆ తెలుపే నీ బతుక్కి గెలుపవుతుంది./ బతికినంత కాలం మనిషి లోనా బయటా నదిలా ప్రవహించాలి./ మనిషి పోయినా సరే జీవనదిగా రాణించాలి./

నది అంటే - భూమి కాగితమ్మీద ఆకాశం కవి రాసే ఓ కమ్మని పద్యం./ అది చదువుతున్నాం కాబట్టే ఇంకా మనం బతికే ఉన్నాం.

- డా|| రావి రంగారావు

నాగవర్మ ముత్యం కవిత్వం
పేజీలు: 96
ప్రతులకు: 9490578855
వెల: రూ 50

వర్తమానంలోని విషాదాన్ని వ్యక్తం చేయటానికి భూతకాలాన్ని అనుభవంలోకి తేవటంలో నాగవర్మ ప్రదర్శించిన ఒడుపు, చాకచక్యం పాఠకులను ఆశ్చర్యంలో ముంచెత్తుతుంది. ఇదొక శిల్ప రహస్యం. ఇట్లాంటి శిల్ప రహస్యాలు తెలిసిన తనం చాలా కవితల్లో ద్యోతకమవుతుంది.. ఈ సంపుటిలో వస్తు వైవిధ్యం, అభివ్యక్తిలో నవ్యత, సాంద్రత ముప్పేటగా అల్లుకొని పాఠకులకు సరికొత్త కవిత్వానుభూతులను అందిస్తాయి.

- తోకల రాజేశం

రావినూతల శ్రీరాములు
పేజీలు: 62
ప్రతులకు:
వెల: రూ 50

1954లో ఒంగోలు ప్రిన్సిపాల్‌గా వుంటూ మా విశ్వవిద్యాలయానికి విచ్చేసిన ఆచార్య ప్రతాపగిరి రామమూర్తి మాకు పొలిటికల్‌ సైన్స్‌ బోధించేవారు. ఆయన విద్యార్థుల పట్ల ప్రత్యేక శ్రద్ధతో పాఠాలు బోధించడం కారణంగా మాపై చెరగని ముద్ర వేశారు. దేశభక్తులు, సంఘసంస్కర్త, మహావక్త, గొప్ప రచయిత అయిన ఆచార్య ప్రతాపగిరి రామమూర్తిగారి జీవితం నుండి నేటితరం గ్రహించాల్సింది ఎంతో వుంది.

- యర్రగుడిపాటి భరద్వాజ

పలమనేరు బాలాజీ కథలు
పేజీలు: 158
ప్రతులకు: 9440995010
వెల: రూ 100

ఇవి మన కథలు. మన సంబంధాల కథలు. మానవ సంబంధాల కథలు. మానవ సంబంధాలు ఎంత దుస్థితిలో ఉన్నాయో చెప్పడం ద్వారా ఉదాత్త మానవ సంబంధాల వైపు మన ఆలోచనలను ప్రేరేపించగల కథలు. మానవ సంబంధాలలో, అనుభూతులలో, ఉద్వేగాలలో మనం కొనసాగించవలసిన, బలోపేతం చేసుకోవలసిన విలువల గురించి రేఖామాత్రంగా, ఉదాహరణప్రాయంగా, సూచనప్రాయంగా చెప్పిన కథలు.

-  ఎన్‌. వేణుగోపాల్‌

ఎమ్వీ రామిరెడ్డి కథలు
పేజీలు: 240
ప్రతులకు: 9866777870
వెల: రూ 160

రాజధాని ప్రాంతంలో వేగంగా మారుతున్న పరిస్థితులు, గాయపడుతున్న మానవ సంబంధాలు, విధి నిర్వహణలో భాగంగా ఎదురైన అనుభవాలు.. నన్ను అశాంతికి గురిచేసిన అంశాలను కథలుగా నిర్మించేందుకు శ్రమించాను.

- ఎమ్వీ రామిరెడ్డి

వైష్ణవిశ్రీ
పేజీలు: 152
ప్రతులకు: 8074210263
వెల: రూ 150

రాయడం కోసం రాసేవాళ్లు ఒక రకమైతే రాయకుండా వుండలేని తనంతో రచించే వాళ్లు వేరు. వారు జీవితంలోంచి మనసు లోతుల్లోంచి, ఆనంద విషాద భరితమైన అనుభవపు పొరల్లోంచి ఆవేదనాగర్భం లోంచి రాస్తారు. వైష్ణవిశ్రీ ఈ కోవకు చెందిన కవయిత్రి అని ఇందులోని చాలా కవితలు మనకు చాటిచెబుతాయి.

- తెలకపల్లి రవి

మాధవి పిన్నమనేని
పేజీలు: 84
ప్రతులకు: 9849210436
వెల: రూ 100

ప్రతి వ్యక్తీ విభిన్నం నిజం. మాధవీ పిన్నమనేని గారి కవిత్వం కూడా విభిన్నమన్నది అంతే నిజం. సమాజం పట్ల ఒక అక్కరను వెలిబుచ్చేలా వుంది ఆమె కవిత్వం. నలుగురిని ప్రభావితం చేసేలా వుంది ఆమె కవితావేశం. ముఖ్యంగా తత్సమయానికి రక్తాన్ని ఉద్రేకపరిచేలాకాక, దీర్ఘకాలికమైనటువంటి ప్రయోజనాన్ని సమకూర్చే విధానంలో ఆలోచనాపరమైన మార్పునకు దోహదపడేలా వుంది. 

- రామజోగయ్య శాస్త్రి

పొత్తూరి సుబ్బారావు కవిత్వం
పేజీలు: 118
ప్రతులకు: 9490751681
వెల: రూ 100

వస్తువు ఎలాంటిదైనా సరళంగా, సాత్వికంగా అభివ్యక్తం చేయడం సుబ్బారావుగారి ప్రత్యేకత. ఈయన కవిత్వంలో అమూర్తాభావాల అస్పష్టత ఉండదు. మోడర్న్‌ ఆర్టులోని సంక్లిష్టత కనిపించదు. ఆవేశం, ఉద్రేకం, ఉద్వేగం, ఆక్రోశం తనలో ఉన్నా, వాటిని సాంత్వన పరచి ఆస్వాదనీయమైన ఆలోచనామృతంగా అందించడం సుబ్బారావుగారి స్వీయశిల్పం. కఱకు కత్తితో యుద్ధాన్ని జయించడం కాదు, మెత్తని కరవాలంతో మనసుల్ని వశం చేసుకోవలనేది సుబ్బారావుగారి రచనాశిల్పంలోని అంతస్సూత్రం.

- డా|| వై. రామకృష్ణారావు

పురిజాల సుధాకర్‌
పేజీలు: 16
ప్రతులకు: 7702956929
వెల: రూ 15

2001 నుండి 2012 వరకు వివిధ పత్రికలలో అచ్ఛైన హైకూలను మీ ముందు ఉంచుతున్నాను. హైకూ అనేది కేవలం పదిహేడు అక్షరాల ప్రక్రియ. ఇది 'మినీ కవిత' మాత్రం కాదు. మొదటి పంక్తిలో 5 అక్షరాలు, రెండవ పంక్తిలో 7 అక్షరాలు, మరలా మూడవ పంక్తిలో 5 అక్షరాలు మాత్రం వుండాలి. ఈ పదిహేడు అక్షరాలలో కవి చెప్పదల్చుకున్నది చెప్పి తీరాలి!!

- పురిజాల సుధాకర్‌

మాదిరాజు రంగారావు
పేజీలు: 64
ప్రతులకు: 040-23398899
వెల: రూ 30

విషయం వైయక్తిక స్ఫూర్తితో సామాజిక విశ్లేషణతో తాత్విక స్పృహతో నిర్వహణ శిల్పాన్ని కలిగింది. భావరూపం ప్రతీక సముచితమైన ప్రవేశాన్ని పొందాయి. స్వేచ్ఛా కవిత్వంలో తనదైన ప్రత్యేకతను కలిగిన ''ఇది జీవితం'' బృహత్కృతిలో భాగం. ''ఇది అందరిదీ''.

- మాదిరాజు రంగారావు

వెల్లాల ఉమామహేశ్వర శర్మ
పేజీలు: 70
ప్రతులకు: 9290590653
వెల: రూ 0

ప్రస్తుతం సమాజంలో వేళ్ళూనిన అసమానతలు, అవకతవకలు, లోటుపాట్లను వేలెత్తి చూపుతూ మార్గనిర్దేశం చేయవలెననే సంకల్పంతో 'కవితా కుసుమాలు' అను శీర్షికన అరవై కవితలకు మల్లె పందిరి వేశారంటే అతిశయోక్తి కాదు. ఈ గ్రంథం నిండా అన్ని మణిమాణిక్యాలే, నీతి బోధకాలె. తప్పుదోవ పడుతున్న సమాజాన్ని తన కవితల ద్వారా మార్గనిర్దేశం చేయాలన్న తపన శ్లాఘనీయం.

- వేదా చంద్రయ్య

చందలూరి నారాయణరావు
పేజీలు: 86
ప్రతులకు: 9704437247
వెల: రూ 100

ఏదో పోగొట్టుకున్న భావం నుండే ఎంతో సంతృప్తిని పొంది, మెదళ్ళను కదిలించే శక్తి, మనసు మొదళ్ళను చేరే యుక్తి ఉండేలా నాలుగు దిక్కుల ప్రపంచాన్ని నాలుగు గోడల మధ్య ఆవిష్కరించిన ఈ కవితలు ఆలోచించదగ్గవి. తక్షణం ఆస్వాదించతగ్గవి. 

- ఆర్‌.వి. రాఘవరావు

మాదిరాజు రంగారావు
పేజీలు: 54
ప్రతులకు: 040-23398899
వెల: రూ 30

ఈ కృతి అపుడపుడూ మిత్రుల కోరికపైన ప్రత్యేక సందర్భాలలోను వ్రాసిన స్వీయ పద్య రచనల సంపుటి. పద్యం పట్ల నా అభిమానాన్ని, గౌరవాన్ని తెలియజేసేవి. తెలంగాణ ప్రత్యేక రాష్ట్రంకై జరిగిన ఉద్యమ దశల్ని మొదటి నుండి చూచిన వాళ్ళలో నేనొకణ్ణి. ఆ ప్రభావంతో చివరకు మంచి ఫలితాన్ని చూచిన సంతోషం స్పష్టం. ఇదే విధంగా 'ఆత్మ బంధం' కాల్పనిక స్పర్శనూ, మానవీయం సామాజిక వాస్తవ స్పృహనూ కలిగినవి.

- మాదిరాజు రంగారావు

బండారి రాజకుమార్‌
పేజీలు: 136
ప్రతులకు: 9959914956
వెల: రూ 60

మానసిక సంఘర్షణ ఇతని కవిత్వంలో ఎక్కువగా కన్పించే అంశం. భావపరిణితి, భాషాభిమానం, సామాజిక స్పృహ, పల్లెల్లో రైతుల కన్నీటి వానలు, రెక్కలిరిగిన పక్షుల్లా తల్లిదండ్రులు, స్త్రీలపై రోజు రోజుకీ పెరుగుతున్న హింస, వివక్షా రూపాలు, మారని సామాజిక స్థితిగతులు, ఇంకెన్నాళ్ళు అన్న ఆవేదనల కలబోతే ఈ కవిత్వం.

-  శిలాలోలిత

చింతాడ తిరుమలరావు
పేజీలు: 56
ప్రతులకు: 9441262559
వెల: రూ 50

తన నిరంతర అధ్యయనంలో పదునుదేలి వాక్యాన్ని రసవంతంగా తీర్చిదిద్దుకుని చిక్కని కవిత్వంతో ముందు ముందు మరిన్ని కవితా సంపుటాలు వెలువరించే శక్తి సంపాదించుకోగలడీ కవి అని ఈ పుస్తకం హామీ యిస్తుంది. తన స్పందనలను ప్రతి కవితలోనూ, తనదైన శైలిలో, తనదైన చూపుతో ఆవిష్కరించి తన దృక్పథమేదో స్పష్టం చేసుకున్నాడు మిత్రుడు తిరుమలరావు.

- గంటేడ గౌరునాయుడు

యక్కలూరి వై శ్రీరాములు
పేజీలు: 110
ప్రతులకు: 9866171648
వెల: రూ 116

ఈ సాహిత్య వ్యాసాలన్నీ చదివాక కొన్ని విషయాల గురించి సమగ్ర వివరణా, విషయ పరిజ్ఞానం తెలుసుకోడమే కాకుండా అంతకంటే అద్భుతమైన 'కవిత్వం' చదివిన అనుభూతి తప్పక కలుగుతుంది. నిజమైన, సరియైన కవి ఒక పూవు గురించి కవిత వ్రాసినపుడు రసజ్ఞుడైన పాఠకుడికి దాని పరిమళమూ, దాని కోమలత్వమూ, దాని అందమూ అన్నీ అనుభూతికి వచ్చి పరవశుడౌతాడు.

- లక్కరాజు దేవి

పెరుక రాజు
పేజీలు: 94
ప్రతులకు: 09849618364
వెల: రూ 80

ఎలా వుండేది! ఎలా వుంటున్నాం. ఎలా వుండాలో అద్దమోలె చూపించి ఆలోచింపజేసే చక్కని సామర్థ్యం కథకు వుంది. అది పొట్టి పొడవు ఏ కథైనా కావచ్చు! ఏ అంశమైనా సరే! కథ రాసుడు కాలయాపన! విధితో కూడుకున్న పని. అనుభూతి, ఆలోచన, ఆరాటం, పోరాటం, ఆవేశం, స్పందన విధిగా విలువలతో రాసిన వివిధ కథల వల్ల కలకాలం కలుగుతూనే వుంటుంది.

- పెరుక రాజు

పిళ్ళా కుమారస్వామి
పేజీలు: 92
ప్రతులకు: 9490122229
వెల: రూ 100

ఇందులో చాలా కవితలు పొలాల చుట్టూ స్వేదజలాల చుట్టూ తిరిగాయి. అదేదో కృత్రిమ పదజాలంతో తెచ్చి పెట్టుకున్న సానుభూతితో కాదు. మట్టితో మమేకమైన మనసు పాడే పాటగా మనను వెన్నాడుతాయి ఇందులోని కవితలు.

- తెలకపల్లి రవి

బొల్లోజు బాబా
పేజీలు: 143
ప్రతులకు: 9849320443
వెల: రూ 100

ఎంతో విస్తృతీ, అర్థ, భావ గాంభీర్యమూ గల పలు విషయాలను ఈ కవితా హృదయుడు సద సద్వివేకముతో, సహృదయ సంభరితంగా నేను కొన్ని సంగతులు తెలపగలుగుతున్నాననే ఆనందంతో విశదమవుతున్నాడు. నిజమైన సాహిత్య ఆసక్తి అంటే మనిషి, సమాజం, నాగరికత పట్ల ఆసక్తిని కలిగి ఉండటం. అటువంటి ఆసక్తిని అభిరుచిని ఈ వ్యాసాలు పెంపొందింపచేస్తాయి.

       -  ఆర్‌. సీతారాం

కె. శాంతారావు
పేజీలు: 110
ప్రతులకు: 9959745723
వెల: రూ 40

ఈ గ్రంథానికి 'మహా బాటసారి' అనే పేరు సరిగ్గా సరిపోయింది. కవి అంతర్ముఖుడై కొన్ని, బాహ్య ప్రపంచ విహారిగా మరికొన్ని, తన అనుభవైక కధనాలు మనతో పంచుకుంటూ సాగించిన పయనమిది. అంతర్యానమిది. ఈ పయనంలో కాళ్ళకు, కళ్ళకు, ఎదకు, మదికి కలిగిన గాయాలను కవిత్వీకరిస్తే రూపుగట్టిన ప్రపంచ పరిశీలనమిది. వ్యవస్థల అనుశీలనం ఇది. మిత్రులు శాంతారావుగారి సాహితీ సంస్కారం, సౌజన్యం, ప్రజాస్వామ్యం కోసం పడే తపన అడుగడుగున ప్రతిఫలిస్తోంది.

- డా. దీర్ఘాసి విజయభాస్కర్‌

సంపాదకత్వం: డా|| తన్నీరు నాగేంద్ర
పేజీలు: 157
ప్రతులకు:
వెల: రూ 150

ఈ వ్యాసాలు జానపద ప్రాచీన ఆధునిక కవిత్వాల పట్ల ఆయనకు గల సమదృష్టికి నిదర్శనాలు. అయితే ఏ రకం కవిత్వాన్నైనా తనదైన సామాజిక దృష్టితో చూసే అలవాటు ఆయనకుంది. సాహిత్య విమర్శలో మా గురువుగారిది సౌమ్యమార్గం. ఈ గ్రంథంలోని వ్యాసాలలో ఒకటిరెండు తప్ప తక్కినవన్నీ గత రెండేళ్ళలో రాసినవే.

- డా|| తన్నీరు నాగేంద్ర

సంపాదకత్వం: డా|| ఎ.ఎ. నాగేంద్ర
పేజీలు: 176
ప్రతులకు:
వెల: రూ 175

మా సార్‌తో ముందుమాటలు రాయించుకున్న కవులలో రెండుమూడు తరాలవాళ్ళున్నారు. అన్ని ప్రాంతాలవాళ్లు ఉన్నారు. ఇప్పటికే ఇతర విమర్శ గ్రంథాలలో చేరినవి పోగా, ఇప్పుడు 40 కావ్యాలకు రాసిన ముందుమాటలను నేను సంకలనం చేశాను.

- డా|| ఎ.ఎ. నాగేంద్ర

సంపాదకులు: రాచపాళెం చంద్రశేఖర రెడ్డి
పేజీలు: 223
ప్రతులకు: 9291530714
వెల: రూ 125

తెలుగు కవిత్వంలో 'వైతాళికులు' నుండి ఈ సంకలనం దాకా సుమారు మూడువందలు వచన కవితా సంపుటాలు వచ్చి వుంటాయి. మా అభ్యుదయ రచయితల సంఘం గానీ సంస్థ ప్రతినిధులు గానీ మూడు పదుల సంకలనాలు వెలువరించి వుంటారు. ముఖ్యంగా ప్రగతిశీలత, ప్రజాభాష, సామాజిక దృష్టి ప్రసరించిన కవితలు చోటు చేసుకున్న సంకలనమిది.

       -  వల్లూరు శివప్రసాద్‌

సంపాదకులు: డా|| పాపినేని శివశంకర్‌
పేజీలు: 207
ప్రతులకు: 9291530714
వెల: రూ 120

ప్రజా సాంస్క ృతికోద్యమంలో ప్రధాన భాగమైన పాటను అభ్యుదయ రచయితలు మెరుగుపరిచారు. మరెందరో కవులు తమ అనుభూతుల్ని ఆర్ద్ర గేయాలుగా మలిచారు. తొలినుంచీ పాటకు బాసటగా నిలిచిన అరసం నేడు 'ఈ తరం కోసం గేయ కవిత' సంకలనాన్ని అందిస్తుంది. ఇందులోని గేయాలు అనేక మంది కవుల సంపుటాల నుండి, సంకలనాల నుండి, పత్రికల నుండి సేకరించాం.

- వల్లూరు శివప్రసాద్‌

పాలపర్తి ధనరాజ్‌
పేజీలు: 72
ప్రతులకు: 9550593901
వెల: రూ 50

ధనానీలు అని పేరు పెట్టారు అంటే ధనం గురించి అని కాదు. వారి పేరు వచ్చేట్టుగా చమత్కరించారు. భావసంపద వీటికి అబ్బింది అనటంలో సందేహం లేదు. 'నదులను/ అనుసంధానం చేద్దాం/ మనసులు కూడా/ కలుస్తాయోమో చూద్దాం'. ఈ నానీ రాయటానికి ఎంతో పరిజ్ఞానం కావాలి. ఇప్పటి రాజకీయాలన్నీ నీటి రాజకీయాలే. రేపటి యుద్ధాలన్నీ నీటి యుద్ధాలే. నీళ్లున్నవారూ, నీళ్లు లేనివారూ నదులను కలిపి సహజీవనం చెయ్యాలనే గొప్ప సందేశం దీనిలో వుంది.

- డా|| ఎన్‌. గోపి

తోకల రాజేశం
పేజీలు: 128
ప్రతులకు: 040 - 27678430
వెల: రూ 80

బహుళ అస్తిత్వాల్ని ప్రతిఫలించే ఇతని కవిత్వం వర్తమాన తెలంగాణ కవిత్వ ప్రపంచంలోని వైశాల్యానికి ఒక నమూనా. కల్లోల తెలంగాణ నుంచి ఒక కవి రూపొంది ముందుకు సాగడానికి గల పూర్వరంగం ఎలా

ఉంటుందో తెలుసుకోవాలంటే ఈ కవిత్వం చదవాలి. ఇతని సాహిత్య ప్రయాణాన్ని ఆకళింపు చేసుకోవాలి. సాహిత్యాన్ని సీరియస్‌గా అధ్యయనం చేసే అభిరుచి ఉన్న కవి రాజేశం. ఈ అధ్యయన శీలతనే అతని కవిత్వ వస్తు ప్రపంచంలోని వైశాల్యానికి మూలం.

- గుడిపాటి

సింగంపల్లి అశోక్‌కుమార్‌
పేజీలు: 238
ప్రతులకు: 9848504649
వెల: రూ 200

శోక రహిత నివాళి/ శ్లోక సహిత నివాళి/ అమర యోధులకు/ అక్షరాస్త్ర నివాళి' అంటూ ప్రసిద్ధ రచయితల గురించిన సంక్షిప్త గాఢ పరిచయ వ్యాసాల సమాహారమిది. రెడీ రిఫరెన్స్‌గా అందరూ దగ్గరుంచుకోవాల్సిన రెండు విడి విడి భాగాలు ఇవి.

సడ్లపల్లె చిదంబర రెడ్డి
పేజీలు: 508
ప్రతులకు: 9440073636
వెల: రూ 400

ఈ స్వీయ చరిత్ర ఒక చారిత్రక సృజనాత్మక పత్రం. రాయలసీమ ప్రాంత మానవ జీవితం, అక్కడి ప్రజల జీవన యానాలకు ఈ గ్రంథం ఒక అనుభవ మంటపం. స్వాతంత్రానంతర సామాజిక పరిణామాలకు ఈ గ్రంథం అద్దం పడుతుంది. సడ్లపల్లి అనుభవాలను, తన జ్ఞాపకాలనూ రాలిన నేరేడు, రేగు పండ్లలాగా ఏరుకొచ్చి గంపలో పోసినట్లు కూర్చారు గ్రంథాన్ని.

- ఆచార్య  రాచపాళెం చంద్రశేఖర రెడ్డి

'కళారత్న' కృష్ణ బిక్కి
పేజీలు: 144
ప్రతులకు: 8374439053
వెల: రూ 140

ఈ నా కవితల్లో మా ఊరు వాతావరణం, మా అమ్మ అర్బన్‌ - రూరల్‌ మనుషుల మనస్తత్వాల చిత్రీకరణ, ప్రపంచీకరణ నేపథ్యంలో విలువల పతనం... ప్రజాచైతన్యం, విప్లవాల అనివార్యత, ప్రేమ, కరుణ, జాలి, స్నేహం ఇత్యాది మానవీయ హృదయగత రాగబంధాల చిత్రణ.. వస్తువైవిధ్యం.. శిల్పసోయగంతో 'వాన వెలిశాక' కవితా సంకలనం మీ ముందుకొచ్చింది.

       -  రచయిత

సింగమనేని నారాయణ
పేజీలు: 142
ప్రతులకు: 9291530714
వెల: రూ 100

35 పుస్తకాలకు నేను రాసిన ముందుమాటలు ఇవన్నీ. కథా సంపుటాలూ, నవలలూ మాత్రమే గాక కొన్ని సామాజికాంశాలకు చెందిన గ్రంథాల ముందుమాటలు ఇవన్నీ- సాహిత్య, సామాజిక విమర్శలో భాగమివన్నీ కూడా! ఆయా పుస్తకాలు చదవటానికీ, ఆ పుస్తకాల స్వరూప స్వభావాలనూ, రచయితల దృక్పథాలనూ తెలుసుకోవటానికీ, ఉపకరిస్తాయి ఈ ముందు మాటలు.

-  రచయిత

ఆశారాజు
పేజీలు: 221
ప్రతులకు: 9392302245
వెల: రూ 200

ఎక్కడెక్కడ నుండి తెచ్చుకోవాలో/ నీడ కోసం నాలుగు సిమెంటు రేకులు/ గోడలు లేపి చాన్నాళ్లయింది/ చినుకు వెంట చినుకు రాలి/ కూలిపోయే దశకు చేరింది/ కట్టింది మట్టితో కదా-/ పరిమళముంటుంది కాని, / పట్టు గట్టిగా వుండదు/ మీద పడుతుందన్న దిగులు లేదు కాని, / కూలిపోతే కలలు ఎగిరిపోతాయన్న భయముంది....

 

డా|| కపిలవాయి లింగమూర్తి
పేజీలు: 117
ప్రతులకు: 9032844017
వెల: రూ 50

అష్ట దిగ్గజాలు వారిపై ఉండే అపవాదులు, వారి వారి చాటువులు అంతేగాక పాఠకులు చెప్పుకునే వారి వారి కృతులలోని గుణ దోషాలు అనే విషయాలు ఆ దిగ్గజ కవుల నోటి వెంటనే వారి సంభాషణ రూపంలో ప్రేక్షకులకు అందించవలెననే దృష్టితో కూర్చినాను.

 

కూర్పు: డా. కొల్లోజు కనకాచారి
పేజీలు: 194
ప్రతులకు: 9491593871
వెల: రూ 180

ఇందులో కపిలవాయి గారి జీవనం, వారి పలు గ్రంథాల సంక్షిప్త పరిచయం, వారి శిష్యగణం పరిచయాలు, శిష్యులు, మిత్రులు చేసిన స్తుతులు, ఉదాహరణప్రాయంగా ఒకటి రెండు ముందుమాటలు (కపిలవాయి వారివి, ఇతరులు రాసినవి), వారందుకున్న బిరుదులు, సత్కారాలు, సన్మానాలు, రచనలు, వారి రచనలు ప్రచురించిన పత్రికల పట్టికలు, వారి సాహిత్యంపై పరిశోధన చేసిన వారి సమాచారమూ, ఉద్దరించ దగిన కపిలవాయి వాక్యాలు

ఉన్నాయి.

ప్రొ|| వెలమల సిమ్మన్న
పేజీలు: 148
ప్రతులకు: 9440641617
వెల: రూ 160

''యుగకర్త గురజాడ'' అనే రచన వాదనలకు, ఎంతోమంది ఆలోచనా వైఖరులకు అద్దం పడుతుంది. ఇందులో చర్చకు నోచుకున్న అనేక విషయాల్ని తమ విజ్ఞతతో ఆలోచించడానికి ఇది మంచి ఆస్కారాన్నిస్తుంది. అంతేకాక ఆచార్య సిమ్మన్న గారి విస్త్రత పఠనాన్ని, పరిశీలనని తెలియజేస్తుంది.

 

సంపాదకులు: బైస దేవదాసు
పేజీలు: 66
ప్రతులకు: 9000065433
వెల: రూ 10

'కాళోజీ జయంతి సందర్భంగా ఇచ్చిన పిలుపు మేరకు స్పందించిన కవుల కవిత్వాన్ని 4-9-2014న నేటినిజం పత్రికల్లో ప్రచురించడం జరిగింది. ఆ కవిత్వాన్ని సెప్టెంబర్‌ 9 కాళోజీ జయంతి సందర్భంగా వెలువరిస్తున్నదే ఈ ''మట్టిమనిషి ధిక్కారస్వరం'' కవితా సంకలనం.

      

సంపాదకులు: శిరేల సన్యాసిరావు
పేజీలు: 90
ప్రతులకు: 9603076777
వెల: రూ 100

'విశాఖ ' పత్రిక వారు గడచిన సంవత్సరం (2017) బాలల కథల పోటీ నిర్వహించి అందులో

ఉత్తమ కథలను పత్రికలో ప్రచురించడమే కాకుండా వాటన్నింటిని ఒక చోటుకి చేర్చి పుస్తకంగా సాహితీ లోకానికి అందించడం ఎంతో స్ఫూర్తిదాయక అంశం.

- డాక్టర్‌ మక్కెన శ్రీను

శ్రీమతి పత్తి సుమతి
పేజీలు: 60
ప్రతులకు: 8790499405
వెల: రూ 50

మంచి పుస్తకం - ''విశ్వయుద్ధంలో మనమెక్కడ'' వ్రాసిన రచయిత్రి శ్రీమతి పత్తి సుమతి గార్ని కొనియాడక తప్పదు. మంచి అవగాహనతో సుమతి మేడమ్‌ గారు అన్ని కోణాల నుంచి శాస్త్రీయంగా క్రీడల ప్రాముఖ్యతను వివరించిన తీరు చాలా అభినందనీయం. ముఖ్యంగా యువతకు ఈ పుస్తకం స్ఫూర్తిదాయకం. ప్రతీ విద్యార్థి ఈ పుస్తకం చదివి ప్రేరణ పొందుతారని నేను ఆశిస్తున్నాను.

 

డా. భీంపల్లి శ్రీకాంత్‌
పేజీలు: 117
ప్రతులకు: 9032844017
వెల: రూ 50

ఈ మొగ్గలు మూడు పాదాల కవిత్వమే అయినప్పటికీ క్లుప్తత, సరళత, సంక్షిప్తత, గాఢత దీని ప్రధాన లక్షణాలు. మొగ్గలు కవిత్వానికి ఎలాంటి అక్షర నియమం కాని, ఛందస్సు కానీ లేదు. అందరూ సులభంగా రాసే కవితా ప్రక్రియ ఈ మూడు పదాల కవిత్వాన్ని చక్కగా అభివ్యక్తీకరిస్తే తప్ప మొగ్గలు తెలుగు సాహిత్యంలో నిలదొక్కుకునే అవకాశం ఉంటుంది.

 

జి. శాంతారెడ్డి
పేజీలు: 60
ప్రతులకు: 8008177325
వెల: రూ 30

అమెరికాలో జరిగే కొన్ని విషాదాలను వింటున్నప్పుడు పేపర్లలో చదువుతున్నప్పుడు అటువంటి సందర్భాలలో శాంత వేదనా సందేశం ఏదైతే ఉందో చాలా సందర్భోచితంగా ఉంది. చదువుతుంటే నా హృదయం ఆర్థ్రమైంది. నా పాలమూరు కవితలో పాలమూరును మన కళ్లముందు చిత్రిక కట్టించింది. హోళీ పండగ వర్ణన రసవంతంగా వుంది. ఈమె రాసిన నలభైపై కవితలతో మౌనగీతాన్ని రూపుదిద్దడం సంతోషదాయకం.

 

డా|| దిలావర్‌
పేజీలు: 156
ప్రతులకు: 9866923294
వెల: రూ 100

డా||దిలావర్‌ సీనియర్‌ రచయిత. ఈ వ్యాస సంపుటిలో పదహారు వ్యాసాలున్నాయి. సమకాలీన తెలుగు సాహిత్యంలో ప్రతిభావంతంగా రాస్తున్న రచయితల పుస్తకాల గురించిన మంచి విశ్లేషణ ఈ పుస్తకంలో ఉంది. ఈ వ్యాసాలన్నీ వివిధ పత్రికలలో ప్రచురించబడినవే. అన్నింటినీ ఒకచోట చేర్చి పాఠకులకు అందించడం అభినందనీయం. ఇది విలువైన వ్యాసాల సమాహారం

బాలసుధాకర్‌ మౌళి
పేజీలు: 187
ప్రతులకు: 9676493680
వెల: రూ 120

''సుమారు నా రెండేళ్ల జీవితాన్ని అక్షరాల్లోకి అనువదించుకుంటే ఇప్పుడు మీ చేతుల్లో వున్న ఈ సంకలనం. అయినా వెలితి మిగిలే వుంది. 'ఏరోజుకారోజు ఒక అసంపూర్ణం' అనే తెలివిడి వుంది నాకు. ఒక కవిత పుట్టుకకు ఒక ప్రత్యేక సందర్భమొక్కటే కారణం కాదనుకుంటాను. కవిత ఒక పర్టిక్యులర్‌ శిల్పంలో ఒదుగుతున్నట్టనిపిస్తుంది. గాని దాని వేళ్లు ఎక్కడో మొదలవుతాయి. చిగుళ్లు ఎక్కడెక్కడికో విస్తరిస్తాయి.

       -  బాలసుధాకర్‌ మౌళి

డా|| ఉమ్మడిశెట్టి రాధేయ
పేజీలు: 214
ప్రతులకు: 9985171411
వెల: రూ 150

మా అవార్డు గ్రహీతలైన ముప్పై మంది కవులు వారి ముప్పై ఉత్తమ కావ్యాల విశ్లేషణ 'మూడు పదులు - ముప్పై కావ్యాలు''. ఇందులో మూడు దశాబ్దాల తెలుగు కవిత్వంలో సంభవించిన అనేక పరిణామాలను మనం గమనించవచ్చు. ఒక కవిగా నాకున్న అవగాహనతో ఈ విశ్లేషణా వ్యాసాలు వెలువరిస్తున్నాను.

 

దాట్ల దేవదానం రాజు
పేజీలు: 147
ప్రతులకు: 9440105987
వెల: రూ 120

ఈ గుచ్చంలో కథలన్నిటికీ కాన్వాస్‌ గోదావరే. పొడుగు వెడల్పుతో పాటు ఎత్తు కలిగిన కాన్వాస్‌ గోదావరి. దాట్ల ఒక్కో అలని చుట్టచుట్టుకు ఇంటికి తీసుకెళ్లి, మనసులో పరిచి, ఆరబెట్టి దాని మీద రాసిన కథలివి. పైగా కథా శీర్షికల్ని మిత్రులు సూచించగా వాటితో ఇతివృత్తాలు అల్లుకున్నారు. చక్కని పూరణతో అందించి, సరికొత్త అవధానానికి అంటు తొక్కారు. 

- శ్రీరమణ

వనజ తాతినేని
పేజీలు: 166
ప్రతులకు: 9985981666
వెల: రూ 125

వనజ కథలైనా, కవిత్వమైనా ఆమెలోని అన్వేషణా తృష్ణకి సంకేతాలు. ఎవరైనా ఒక వెతుకులాటలో భాగంగానే రాస్తారు. కాని, ఆ వెతుకులాటకి ఎంతో కొంత అర్థం తెలిసినప్పుడు గమ్యం మసకగా అయినా కనిపిస్తుంది. వనజ కవిత్వంలో ఆమె గాఢమైన అనుభవ పరిపక్వత ప్రతి సందర్భంలోనూ వ్యక్తమవుతుంది.

 

పుప్పాల సూర్యకుమారి
పేజీలు: 73
ప్రతులకు: 9701973843
వెల: రూ 40

అరుదైన ఈ కవితా సంపుటిలో అంబేద్కరిజం ఉంది. వందేమాతరం మాటు జాతి మాధుర్యం ఉంది. చెట్టు చైతన్యశోభ, మట్టి పరిమళాల ప్రభా ఉన్నాయి. పరాయీకరణలు, ప్రపంచీకరణలూ మనల్ని ప్రశ్నిస్తాయి. ఉగ్రవాదాలు, అహింసావాదాలు పాఠకుణ్ణి ప్రభావితం చేస్తాయి. నిర్భయలు, బడుగుల జీవితాలు, మతమౌఢ్యాలు చదువరులను ఉలిక్కిపడేలా చేస్తాయి.

- వడలి రాధాకృష్ణ

అద్దేపల్లి ప్రభు
పేజీలు: 32
ప్రతులకు: 9848930203
వెల: రూ 20

కనపడని అయిస్కాంత క్షేత్రమేదో/కాలికి చక్రాల్ని కట్టి లాగుతుంది/ఒక పొడిగాలి విసురూ/ఒక లేయెండ ఎదురూ/దేహాన్ని తడుముకుంటూ పోతాయి/ఛలో ఇబ్రహీం... కాసింత లాంగ్‌ డ్రైవ్‌ పోదాం/కుళాయి చెరువు నించి మాటల బండి /బయలు దేరుతుంది...

 

సింహాద్రి నాగశిరీష
పేజీలు: 57
ప్రతులకు: 9492249327
వెల: రూ 80

రచయిత్రి నాగశిరీష పిల్లల మనస్సులను, వారి పోకడలను అద్దంలో బింబంలా పసిగట్టిన బాలల పక్షపాతి. పాటలన్నీ స్పందించి రాసినవే... ఇందులో ఒక తల్లి, పిల్లలు విరివిగా మనకు తారస పడతారు. రెండు తీర్లా పాటలున్నాయి. పిల్లలంతా పిల్లల మాదిరిగా ఎట్లుంటారో, ఒకే తల్లే అయినా అందరు తల్లుల హృదయం పాటల్లో ఉంటుంది.

       -  భూపాల్‌

సంపాదకులు: మహమ్మద్‌ ఖదీర్‌బాబు - వేంపల్లె షరీఫ్‌
పేజీలు: 266
ప్రతులకు: 9603429366
వెల: రూ 170

దేశంలో జరుగుతున్న ఘటనలకు వర్తమాన తెలుగు ముస్లిం సమాజం ఎలా అనుకంపనం చెందుతున్నదో తనకు తానుగా జీవనం ఎలా సాగిస్తున్నదో తెలియడానికి ఆంధ్రప్రదేశ్‌ తాలూకు మానసిక ఆవరణాన్ని ఒక నిర్దిష్టమైన శాంపిల్‌గా తీసుకుని ఎంచిన కథలు ఇవి.

- సంపాదకులు

సుధామ
పేజీలు: 187
ప్రతులకు: 9849297958
వెల: రూ 150

 

సమతుల్యత పాటిస్తూ సాగిన సమకాలీన వ్యాఖ్యాన సంహిత ఈ 'మన తెలంగాణ'. అనేక ఆశల మధ్య ఆకాంక్షలతో ఏర్పడిన నూతన రాష్ట్రంలో మాటలకూ చేతలకూ మధ్యన, అలాగే వాగ్దానాలకు, వాస్తవాలకు మధ్యన, ప్రశంసలూ విమర్శలను పరిగణనలోకి తీసుకుంటూ, అవసరమైన చోట సూటిగా, మరికొన్నిచోట్ల అన్యాపదేశంగా చెప్పాల్సింది చెబుతూ, వేయాల్సిన చురకలు వేస్తూ, సుధామయం చేశారు రచయిత.

- తెలకపల్లి రవి

తెలుగు: కొత్తపల్లి రవిబాబు
పేజీలు: 24
ప్రతులకు: 9490196890
వెల: రూ 5

 

సమాజంలో సాహిత్యమూ, కళల స్థానం గురించి కార్ల్‌మార్క్స్‌, ఫ్రెడరిక్‌ ఏంగెల్స్‌లు వివిధ సందర్భాలలో వెలిబుచ్చిన అభిప్రాయాలను, వారి సంపూర్ణ రచనల నుండి, లేఖల నుంచి ఎన్నికచేసి ఒకచోట చేర్చిన సంపుటి ఇది. ఈ అంశంపై శాస్త్రీయ కమ్యూనిజం యొక్క సంస్థాపకులు చెప్పినదంతా ఈ సంపుటిలో లేకపోయినప్పటికీ కళాత్మక సృష్టిపట్ల మార్క్స్‌, ఏంగెల్స్‌ల ముఖ్యమైన భావనలను ఈ సంపుటి పాఠకులకు అందిస్తుంది.

- బి.క్రెలోవ్‌

భగ్వాన్‌
పేజీలు: 16
ప్రతులకు: 9393533336
వెల: రూ 10

 

ఒకడు - రాలుగాయి/ఒకడు - గడుగ్గాయి/ఒకడు - టపాకాయి/''మనుమలు మీకు ముగ్గురు/నాకైతే నలుగురు'' అందావిడ/అర్థంకాని ముఖంతో ఆవిడను చూసాను/ఆకాశంలో మొలిచి - ఏడుకొమ్మల బరువుతో/విల్లులా వంగిన చెట్టుమీంచి /వాన తుంపరల పూలు రాలుతున్నట్టు నవ్వి /అర్థమైందా లేదా అన్న/ప్రశ్న గుర్తు ముఖంతో నన్ను చూసింది..

- భగ్వాన్‌

పుట్టి గిరిధర్‌
పేజీలు: 63
ప్రతులకు: 9494962080
వెల: రూ 50

 

గిరిధర్‌ నానీల్లో లోకవృత్త పరిశీలనం, సామాజిక చైతన్యం, ఉహాశాలిత, నాస్టాల్జియా, శైలీనైగనిగ్యం ఇలా ఉత్తమ కవిత్వానికి ఉండవలసిన ద్రవ్యాలన్నీ ఉన్నాయి. ముఖ్యంగా భావావేశం.

- ఆచార్య ఎన్‌. గోపి

చలపాక ప్రకాష్‌
పేజీలు: 200
ప్రతులకు: 9247475975
వెల: రూ 100

 

'అబ్బా! ఏం రాసాడ్రా బాబూ'/అంటూ కొన్ని అక్షరాలు మెచ్చుకున్నాయి!/'నన్ను మలుచుకోలేదేం' అంటూ మరికొన్ని అక్షరాలు/కుళ్ళుకున్నాయి!!/కొన్ని - /కవిత్వంలో తడిసి ముద్దై/ పుష్కరాలు జరుపుకున్నాయ్‌! /కొన్ని / నిష్ప్రయోజనంగా పరుగెత్తే రోజుల్లాగ.../తరువాత చటుక్కున తిప్పేసే పుటల్లాగ.../మెదడున్నా గుర్తుంచుకోలేని వ్యర్ధంలాగ..!!?/ ఆవిరైపోయాయ్‌!!

       -  చలపాక ప్రకాష్‌

మరాఠీ మూలం: శరణకుమార్‌ లింబాళె తెలుగు: రంగనాథ రామచంద్రరావు
పేజీలు: 128
ప్రతులకు: 9440705955
వెల: రూ 60

అక్కర్‌మాశి రాయటానికి పూర్వం నేను దాదాపు అన్ని దళిత ఆత్మకథలను చదివాను. మరాఠీలో ప్రచురింపబడిన ఇతర ఆత్మకథలనూ చదివాను. వీటన్నిటిలోనూ వ్యక్తమైన జీవితం కంటే నా జీవితం భిన్నమైంది. వాటిని చదివాక నాకు ఆ నమ్మకం కలిగింది. ఈ విభిన్నతే నన్ను ఆత్మకథ రాయటానికి ప్రేరేపించింది.

- శరణ్‌కుమార్‌ లింబాళె

జాని భాషా చరణ్‌ తక్కెడశిల
పేజీలు: 67
ప్రతులకు: 9491977190
వెల: రూ 150

 హిజ్రాలది ఒక ప్రత్యేక ప్రపంచంగా రూపుదిద్దు కుంటున్నది. ఇందుకు మిగతా ప్రపంచమే కారణం. హిజ్రాలు ఇప్పుడు సంఘటితమౌతున్నారు. హక్కుల పోరాటం చేస్తున్నారు. గుర్తింపు ఉద్యమాలు నడుపుతున్నారు. ఈ నేపథ్యంలో జాని ఈ కావ్యం రాశారు. 'వై' ఒక మానవీయ కావ్యం. ఒక ఇతిహాసపు చీకటికోణాన్ని జాని వెలుగులోకి తీసుకొచ్చారు.

- రాచపాళెం చంద్రశేఖర రెడ్డి

సిహెచ్‌.వి. బృందావనరావు
పేజీలు: 104
ప్రతులకు: 9963399189
వెల: రూ 80

  పద్యానికి ఉన్న రూపసౌష్టవాన్ని పల్చన చెయ్యకుండానే వస్తుపరంగా కొత్తదనాన్ని దండిగా ప్రవేశపెట్టడం ఈ కవి సాధించిన గొప్ప సమన్వయం. ప్రతి ఖండికలోనూ ఇది కనిపిస్తుంది. ప్రధానంగా వీరి మహిళాభ్యుదయదృష్టి, మానవీయ దృష్టి అనేవి వస్తువుకు క్రొమ్మెరుంగులు దిద్దటంతో పాటు ఇవి నేటి కవితలు అనే స్పృహను పాఠకుడికి కల్గిస్తున్నాయి.

- బేతవోలు రామబ్రహ్మం

సంపాదక వర్గం: డా|| జోశ్యుల కృష్ణబాబు, బొల్లోజు బాబా మార్ని జానకిరామ్‌ చౌదరి
పేజీలు: 74
ప్రతులకు: 9908853081
వెల: రూ 50

 సమూహాల చర్యలను చరిత్ర లిఖిస్తుంది. వ్యక్తుల జీవితాలను ఉద్వేగాలను, ఆలోచనలను సాహిత్యం అక్షరబద్దం చేస్తుంది. సాహితీస్రవంతి సభ్యుల, శ్రేయోభిలాషుల మనోలోకాల స్థలకాలాదులను ప్రతిబింబించే దర్పణం ఈ ''సాగరహేల'' సంచిక. కవిత్వాన్ని ఇష్టపడే వారందరకూ ఈ పుస్తకం నచ్చుతుంది.

- బొల్లోజు బాబా

ఏనుగు నరసింహారెడ్డి
పేజీలు: 152
ప్రతులకు: 8978869183
వెల: రూ 100

 ఏనుగు నరసింహారెడ్డికి అక్షరాల కూర్పు తెలుసు. ఏ పదం ఎట్లా పలుకుతుందో పసిగట్టినవాడు. ప్రతీకలయినా, పదచిత్రాలయినా తెలిసి ప్రయోగిస్తాడు. పుస్తకం గూట్లో పదాలు తాల్చి అనుభవం అంటించి కవిత్వం వెలిగించాడు.

- డా|| నందిని సిధారెడ్డి

డా. ఎన్‌. గోపి
పేజీలు: 150
ప్రతులకు: 9391028496
వెల: రూ 150

 అక్కడ గాలి కదలికలు/ తుఫానుల్ని ఒడిలో దాచుకున్నట్టు/ కనిపించని ఇసుక/ కాస్త కాస్త జమగూడి/ ఓ పెద్ద కుప్పగా పెరుగుతున్నట్టు./ ../ అక్కడ గుండుసూది పడ్డా/ ఖణేల్‌మని చప్పుడౌతుంది./ క్షణం క్షణం ఉద్వేగానికి/ కొత్త నోళ్ళు మొలుచుకొస్తాయి.

       -  డా. ఎన్‌. గోపి

జయంతి పాపారావు
పేజీలు: 511
ప్రతులకు: 0891 - 2557961
వెల: రూ 900

ఈగ్రంథం ఒక చారిత్రక అధ్యయనం. సమాజం - చరిత్ర - సాహిత్యం - వీటిమధ్య సంబంధాలు ఏ విధంగా పరస్పరం ప్రభావితమౌతాయో, ఏ విధంగా సమాజ లక్ష్యాలకూ, నిర్మాణాలకూ ప్రజా ఉద్యమాలకూ దిశానిర్దేశం చేయటంలో ఉపకరిస్తాయో - ఆ క్రమాన్ని రీతిని ప్రమాణాలుగా తీసుకుని మన ఆధునిక తెలుగు కథా సాహిత్యాన్ని విశ్లేషించాను.

- జయంతి పాపారావు

చిత్తలూరి సత్యనారాయణ
పేజీలు: 224
ప్రతులకు: 8247432521
వెల: రూ 120

చిత్తలూరి శైలి, వ్యక్తీకరణ, ఊహ అన్నీ ఆయనవే. ఈ పదేళ్ళలో తనదయిన శైలినీ, వ్యక్తీకరణని సాధించాడు. మెరుపులు మెరుపులుగా మెరిసే కవిత్వం కాదు అతనిది. నిబ్బరంగా కథ చెబుతున్నట్టు సాగే శైలి యిది. పాఠకుణ్ణి క్రమక్రమంగా లోగొనే శక్తి ఈ కథన శైలికుంటుంది.

- కె. శివారెడ్డి

మల్లిపురం జగదీశ్‌
పేజీలు: 196
ప్రతులకు: 9440104737
వెల: రూ 150

ఈ కథలలో స్థానికత నిర్ధుష్టంగా వుంది. వస్తునిర్ధిష్టత వుంది. స్థానికత విశ్వజనీనతగా పరిణామం చెందే క్రమాన్ని ఈ కథలు సూచిస్తాయి. ఆదివాసీ ప్రజలను పాత్రలుగా మలచడంలో, ఆ ప్రజల సంబంధాలను ఆవిష్కరించడంలో రచయిత జాగ్రత్తగా వ్యవహరించారు. తాను అధ్యాపకుడు కావడం వల్లనేమో చాలా కథల్లో విద్యారంగ ప్రసక్తి వస్తుంది. ఉత్తరాంధ్ర ఆదివాసీ ప్రజల సంభాషణలు ఈ కథలలో ఆకర్షణీయమైన విషయం.

- రాచపాళెం చంద్రశేఖర రెడ్డి

డా|| ఎం. ప్రగతి
పేజీలు: 135
ప్రతులకు: 9440798008
వెల: రూ 100

స్త్రీల పనికి విలువ కట్టడం, వారిని అన్ని రకాల పెత్తనాల నుండి, భయాల నుండీ విముక్తి చేసి, వారి స్థితిగతులను అర్థం చేసుకుంటూ, సమాజంలోని అన్ని రంగాలలోనూ వారికి నిర్ణయాధికారం కల్పించి వారిని అన్ని విధాలుగా చైతన్యపరుస్తూ ముందుకు సాగాల్సిన అవసరాన్ని ప్రత్యక్షంగానూ, పరోక్షంగానూ పాఠకుడి ముందుకు తెస్తాయీ కథలు.

- వి. ప్రతిమ

డాక్టర్‌ కత్తి పద్మారావు
పేజీలు: 980
ప్రతులకు: 9849741695
వెల: రూ 1 000

విశిష్టనానీల కవిగా సోమేపల్లి వెంకటసుబ్బయ్య గారికి నేనివాళ కొత్తగా కితాబివ్వనక్కరలేదు. వచనకవితా సృజనలో కూడా ఆయనది ప్రత్యేకమైన గొంతు. స్వభావోక్తి రమ్యం ఆయన కవిత్వం. వాస్తవికత కూడా అందంగా వుంటుందనడానికి అది చక్కని ఉదాహరణ. అందమంటే అలంకారికత మాత్రమే కాదు. అంతర్‌ బహిర్‌ లోకాలను కలిపికుట్టే సూత్రం. ఆ సూత్రం పేర్లు ఆర్తి, ఆవేశం, భావుకత, వీటన్నింటి నైష్పత్తిక శక్తివల్ల కవిత్వం పఠిత హృదయాన్ని తాకుతుంది. అటువంటి కవిత్వమే ఈ సంపుటి నిండావుంది.

- డా|| ఎన్‌. గోపి

సోమేపల్లి వెంకటసుబ్బయ్య
పేజీలు: 56
ప్రతులకు:
వెల: రూ 60

విశిష్టనానీల కవిగా సోమేపల్లి వెంకటసుబ్బయ్య గారికి నేనివాళ కొత్తగా కితాబివ్వనక్కరలేదు. వచనకవితా సృజనలో కూడా ఆయనది ప్రత్యేకమైన గొంతు. స్వభావోక్తి రమ్యం ఆయన కవిత్వం. వాస్తవికత కూడా అందంగా వుంటుందనడానికి అది చక్కని ఉదాహరణ. అందమంటే అలంకారికత మాత్రమే కాదు. అంతర్‌ బహిర్‌ లోకాలను కలిపికుట్టే సూత్రం. ఆ సూత్రం పేర్లు ఆర్తి, ఆవేశం, భావుకత, వీటన్నింటి నైష్పత్తిక శక్తివల్ల కవిత్వం పఠిత హృదయాన్ని తాకుతుంది. అటువంటి కవిత్వమే ఈ సంపుటి నిండావుంది.

- డా|| ఎన్‌. గోపి

సంకలనం: డా|| తన్నీరు నాగేంద్ర
పేజీలు: 199
ప్రతులకు: 9949344032
వెల: రూ 150

రాచపాళెం సార్‌ గత ముప్పై ఏళ్లలో కనీసం 150 పుస్తకాలకు ముందుమాటలు వ్రాసినారు. అన్ని ప్రక్రియలకు చెందిన గ్రంథాలకు పీఠికలు వ్రాసినారు. 'వాటిని అన్నింటినీ కలిపి ఒకే పుస్తకంగా వేయాలంటే పెద్దది అవుతుంది. సాహిత్య విమర్శ, పరిశోధన గ్రంథాలకు వ్రాసిన పీఠికల్ని తీసుకో! పరిమితంగా ఉంటుంది' అని సార్‌ సూచించినారు. సరేనని ఈ పుస్తకాన్ని 45 పీఠికలతో ప్రచురించినాను.               

- డా|| తన్నీరు నాగేంద్ర

డా|| పి. విజయలక్ష్మి పండిట్‌
పేజీలు: 71
ప్రతులకు: 9347319751
వెల: రూ 50

'ఏకత్వ జ్ఞానం' 49 కవితాఖండికల సంపుటి. ఇందులోని కవితా ఖండికలు కవయిత్రిగారి భావుకతను మన కనుల ముందుంచుతాయి. కవితా ఖండికలు దేనికది విడివిడిగా చదివి ఆనందింపదగినవి. చక్కని శీర్షికలతో, చిక్కని భావజాలాన్ని అత్యంత సులభశైలిలో అభివ్యక్తీకరించారు రచయిత్రి. 

- ప్రొ|| రావినూతల సత్యనారాయణ

డా|| శాంతినారాయణ
పేజీలు: 165
ప్రతులకు: 9916671962
వెల: రూ 150

శాంతినారాయణ రాసిన ప్రతీకథా వర్తమాన భారతీయ సామాజిక వ్యవస్థ ముందు ఒక ప్రశ్నను నిలబెట్టుతుంది. వ్యవస్థను నిలదీసే రచనే ఆధునిక రచన. శాంతినారాయణ ప్రశ్నించే కథలు రాయడంలో సిద్ధహస్తుడు. ఈ సంపుటంలో శాంతినారాయణ తనను తాను కథా రచయితగా వర్తమానీకరించుకున్నారు.

- రాచపాళెం చంద్రశేఖర రెడ్డి

అగరం వసంత్‌
పేజీలు: 88
ప్రతులకు: 09488330209
వెల: రూ 100

ఈ సంపుటిలోని కవిత్వ శైలి గురించి రెండు మాటలు: రూప పరంగా క్లుప్తత ఈ కవితలకు మూలధాతువు. అది రెక్కలు నుంచి వచ్చినదే. సాంద్రత మరో గుణం. వానా కాలపు వాగుల ప్రవాహోధృతి ఈ కవితల్లో కనిపించదు. శరత్కాలపు నదిలా ప్రశాంత గంభీరంగా వుంటుంది. అలా మంచి కవిత్వానికి అవసరమైన గాఢతని సైతం చూడగలం.

- డా|| ఎ. కె. ప్రభాకర్‌

బమ్మిడి జగదీశ్వరరావు
పేజీలు: 290
ప్రతులకు: 9989265444
వెల: రూ 180
 
విస్తరిస్తున్న విషానికి విత్తు ఒక్కటే! అది ఈ రాజ్యం నాటింది! ఇదేమి రాజ్యం? ఇదేమి రాజ్యం? పోలీసు రాజ్యం.. తూటాల రాజ్యం... రాజ్యాన్ని ఏలేది హింస! హింసాయుధం! హింసలేని రాజ్యాన్ని ఊహించలేం!! రాజ్యం పెంచి పోషిస్తున్న హింస... ఉద్యోగాలలోంచి కుటుంబాలలోకి జొరపడుతూ ఇంటింటా విస్తరిస్తున్న పాదే ‘హింసపాదు’
`ప్రచురణకర్తలు
పలమనేరు బాలాజి
పేజీలు: 167
ప్రతులకు: 9440995010
వెల: రూ 100
అతను కథా వస్తువుల కోసం ఎక్కువ దూరం పోనవసరం లేకపోయింది. ఇంకా చెప్పాలంటే పలమనేరు పొలిమేరలే వదలలేదు. సమాజమంతటా కమ్ముకున్న ఈ పొగను పలమనేరు గాలిలోంచే పసిగట్టగలిగాడు. ఒక్క పలమనేరునే గ్రామాలన్నిటికీ సంకేతంగా మార్చగలిగాడు. 
 వాడ్రేవు వీరలక్ష్మీదేవి
డా॥సమ్మన్న
పేజీలు: 123
ప్రతులకు: 9247873162, 8466965401
వెల: రూ 100

తెలంగాణ ఏర్పడిన తరువాత ప్రప్రధమంగా ఖమ్మం జిల్లా సాహిత్యకారులను ఇంత మందిని పరిచయం చేస్తూ గ్రంధం రావడం సంతోషదాయకం. ఇది ఎంతో మంది సృజనకారులకు ప్రేరణగా, ప్రోత్సాహకంగా నిలుస్తుంది. ఇలాంటి పనులు ప్రభుత్వమే చేపట్టి చేయాల్సినివి.

డా॥ దిలావర్‌
పేజీలు: 152
ప్రతులకు: 9866923294, 7382552236
వెల: రూ 100

అటు విశాఖపట్నం, అరకులోయ నుండి ఇటు ఆదిలాబాద్‌ జిల్లా ఉట్నూరు వరకూ పర్యటించాను. ఇక గోదావరి లోయ ప్రాంతం... పాపికొండలు...చర్ల, సత్యనారాయణపురం, వెంకటాపురం వెళ్ళాను. చట్టి, చింతూరు, మోలె`సీలేరు ప్రాంతాలు కూడా చూశాను. అందువల్ల ఆయా ప్రాంతాల్లో అడవి బిడ్డలను దగ్గరగా గమనించే అవకాశం కలిగింది. ఇలా ఆదివాసీల మధ్య తిరిగిన అనుభవం నాచేత యీ కథలు రాయించింది.

జూకంటి జగన్నాథం
పేజీలు: 336
ప్రతులకు: 9440178095, 9440169896
వెల: రూ 100

మొదటి భాగం : రూ.200/`,రెండవ భాగం : రూ.300/`,మూడవ భాగం : రూ.150/` పేజీలు: 336అవునవును పొంగిన నా నెత్తురు చివర మొలిచిన చెమట బిందువు ` నడి ఎండల్లో కూలీలను అక్కున చేర్చుకొనే చిగురాకుల కానుగచెట్టు ` వానాకాలం ప్రారంభంలో దూరంగా కురిసిన వాన చినుకులకు భూమిలోంచి విరజిమ్మిన పరీమళ ద్రవ్యాలే నా కవిత్వం అర్థాలు పరమార్థాలు ` సమాజానికీ నాకూ మధ్య నా కవిత్వం ఒక యానకం.

గుండాల నరేంద్రబాబు
పేజీలు: 60
ప్రతులకు: 9493235992
వెల: రూ 50

ఈకవిత్వం మంచితనమే తప్ప మాయలేదు, హిపోక్రసీలేదు. పాండిత్య ప్రదర్శనలేదు. తన చుట్టూ జరుగుతున్న సంఘటనల పట్ల, తన బాల్యం, తన పల్లెటూరు, తను తన అనుభవాల పట్ల అతడి ప్రతిస్పందనే ఈ కవిత్వం. తెలియని విషయాలు జోలికో, అనవసర ఊహల్లోకో వెళ్ళకపోవటం ఈ కవికున్న మంచి లక్షణం.

డా॥శాంతినారాయణ
పేజీలు: 167
ప్రతులకు: 9391343916
వెల: రూ 100

ఈ కథలన్నీ ఇవాళ రావలసిన కథలే. భారతీయ కథానికా సాహిత్య సమూహంలో ఇవీభాగమే. అనంతపురం జిల్లా వంటి కరువు పీడిత ప్రాంతం నుండి ధర్మాగ్రహంతో ఒక కథకుడు ఈ కథలలో అనేక వ్యాఖ్యాలు చేశారు. అనేక విషయాలు ప్రస్తావించాడు. వాటిలో ఆగ్రహం, ఆవేదన గూడుకట్టుకొని ఉన్నాయి. అవి నిజాయితీ సిరాతో కథల రూపం పొందాయి.

రక్షిత సుమ
పేజీలు: 48
ప్రతులకు: ప్రముఖ పుస్తకాల షాపుల్లో
వెల: రూ 50

భవిష్యత్తును చూడగలిగిన కవే నిజమైన కవి. గత వర్తమానాలను పర్యవేక్షిస్తూ భవిష్యత్‌ పథాన్ని నిర్మించగల వారి, చూడగలిగిన వారి కవిత్వం నిలబడిపోతుంది. రక్షిత సుమలో అలాంటి లక్షణాలున్నాయి. ఈ చిన్న చిన్న అడుగులతో రేపు గొప్ప కవిత్వ ప్రయాణాన్ని సునాయాసంగా చేయగలదని నా నమ్మకం.

డాక్టర్‌ వాసా ప్రభావతి
పేజీలు: 139
ప్రతులకు: 9391343916‘‘
వెల: రూ 100

ఊరగాయజాడీ’’తో ప్రారంభమై ఈ కథానికా సంపుటి ‘నాకూ ఓ మనసుంది’తో ముగుస్తుంది. ఛాందస కుటుంబాల్ని మన కళ్ళ ముందుంచుతూనే, వాళ్ళలో విప్లవాత్మక భావాల్ని మెరిపించారు రచయిత్రి. ‘కొత్తవెలుగు’, ‘అనసూయ లేచిపోయింది’ లాంటి కథానికలు అందుకు నిదర్శనాలు. పెదాలమీద చిరునవ్వుని తాండవింపజేసే కథానికలు` ‘ఊరగాయజాడీ’, ‘కామాక్షీ`కాసులపేరు’ లాంటివి.

విహారి
పేజీలు: 166
ప్రతులకు: 93913439168106713351
వెల: రూ 100

వైవిధ్యాన్ని సంతరించుకున్న ఎన్నో కథానికల్ని చదివి గుండె పండిరచుకొని, ఎక్కువ సందర్భంలో గుండె మండిరచుకుని ` భావస్పందనతో, మోయలేని గుండె బరువుతో, అనిర్వచనీయమైన అనుద్వేగంతో, అపూర్వమైన ఆత్మీయ స్పర్శతో పరామర్శించాను, పరిచయం చేశాను! చిత్తగించండి.

ఎం.నాగకుమారి, ఎం.రామారావు
పేజీలు: 90
ప్రతులకు:
వెల: రూ 60

మామూలుగా ఒక్కో పత్రికలో ఒకటి లేక రెండు కధానికల్ని చదవగలం. కానీ సంకలనంలో బహుమతి పొందిన కథానికలన్నిటితో పాటు మరికొన్ని కథానికలను కూడా చదివే అవకాశాన్ని కల్పించిన సంకలనకర్తలు అభినందనీయులు. కథానికా ప్రియులకు ఈ సంకలనం తప్పకుండా మంచి విందేనని చెప్పగలం. రచయితలకు, సంకలనకర్తలకు, ‘కథాకేళి’ పత్రికకు నా శుభాకాంక్షలు.

డా॥ అప్పిరెడ్డి హరినాథరెడ్డి
పేజీలు: 160
ప్రతులకు: 9963917187 9912565856
వెల: రూ 150

నిజానికి వారితో నాకిప్పటికీ ముఖాముఖి పరిచయం లేదు. వారి రచనల ద్వారానే పరిచయం. అరుదైన శాసనాలు, తాళపత్ర గ్రంథాలు సేకరిస్తున్నారని తెలిసి సంతోషించాను. ఇప్పుడీ గ్రంథం అలనాటి ‘శ్రీ సాధన’, ‘కౌమోదకి’ పత్రికల నుండి సమాచారాన్ని సంగ్రహించి విలువైన సమాచారాన్ని వెలుగులోకి తెచ్చినందుకు అభినందిస్తున్నాను.

గీతిక కథలు
పేజీలు: 133
ప్రతులకు: 7702600583
వెల: రూ 140

పల్లె పట్టున బాల్యం దగ్గర నుండి వృద్ధాప్యపు చివరి దశవరకూ, అడవుల్లో బతికేవారికి జరుగుతున్న అమానుష అన్యాయంనుంచి ఉప్పుపంటలోని ఆర్థిక అన్యాయస్థాయి వరకూ, ఎన్నో వైవిధ్యమున్న వస్తువులు ఈ కథలకి ఆలంబన. రకరకాల జీవన తీర్పుల్ని, పలుకుబడుల్ని, కళ్ళముందు ఉంచుతాయి ఈ కథలు.

పత్తి సుమతి
పేజీలు: 16
ప్రతులకు: 8790499405
వెల: రూ 30

ఈ దేశ ప్రగతికి చిరకాలంగా ప్రజానీకంలోని పరస్పర ద్వేషభావనలే అవరోధంగా నిలుస్తున్నాయి. ఈ విషయాన్ని శ్రీమతి పత్తి సుమతిగారు ఈ చిన్న పుస్తకంలో స్పష్టంచేసారు. వివేకానందుని ఆలోచనా సరళిని ఆయన విశ్వమానవాళికి ఇచ్చిన సందేశ సారాంశాన్ని సరళ సుబోధకంగా అందించారు రచయిత్రి.

- సీతారాం
పేజీలు: 140
ప్రతులకు: 9866563519
వెల: రూ 100

విద్యావ్యవస్థకు పట్టిన మకిలి గురించి అద్భుతమైన వివరాలు తెలిపే మంచి మోనూలోకి మీరు వెళ్తున్నారు. టీచర్ల బాధ్యతారాహిత్యాన్ని సోదాహరణంగా వినిపించే విషయసూచికలోకి ప్రవేశిస్తున్నారు. విద్యార్థులు ఆదర్శ ప్రపంచంలోకి అడుగుపెట్టకుండా ఏఏ దుష్టశక్తులు అడ్డుకుంటున్నాయో విప్పిచెప్పే పదబంధాలలోకి మీరు వెళుతున్నారు.-  ప్రసేన్‌

యాకూబ్‌ కవిత్వం
పేజీలు: 154
ప్రతులకు: 98491 56588
వెల: రూ 100

తన తొలి కవితా సంపుటిలో ఈ కవి కేవలం గ్రామీణ యువకుడే. కానీ క్రమంగా హైదరాబాద్‌ జీవితంలో సముపార్జించుకున్న ఉత్తమ విలువల మధ్య ఒక ఉన్నతస్థాయి సమన్వయాన్ని సాధించాడనే చెప్పాలి. ఈ కవితా సంపుటి ఇందుకు అత్యుత్తమ దాఖలాగా నిలుస్తుంది.- సామిడి జగన్‌రెడ్డి

వకులాభరణం లలిత
పేజీలు: 120
ప్రతులకు: ప్రముఖ పుస్తక కేంద్రాల్లో
వెల: రూ 135

స్వాతంత్య్రానంతర భారతదేశంలో సంఘ సంస్కరణోద్యమానికి అవిరళకృషి చేసిన ప్రముఖ మహిళానేత. సంఘం విస్మృతులైన దళితులను, గిరిజనులను సంస్కరణోద్యమ అజెండాలో చేర్చి సమకాలీన భారత చరిత్రలో ఒక ప్రధాన మైలురాయిగా మిగిలారు.

మువ్వా శ్రీనివాసరావు
పేజీలు: 160
ప్రతులకు: 9948099900
వెల: రూ 150

ఒక బరువు ఎత్తుకోవడం... ఒక భారం దించేయడం ఏదైనా రీకాల్‌ వేల్యూ గొప్పది. ఈ విలువను ఆనవాళ్లుగా కాక సాక్ష్యాలుగా ఆల్ఫాబెటికల్‌ పాయింట్‌ ప్రజెంటేషన్‌ ఇస్తోన్న మలిపుస్తక కవి ఈతడు.. ఇదొక పాస్ట్‌ మోడ్రన్‌ ఎగ్జిస్టెన్షియలిజం. ఇదొక సంధిగ్దస్తిత్వ పునశ్చరణాశావాదం. ఇదొక నిన్నటి డిస్టర్బ్‌డ్‌ థాట్‌ రేపటి డిజైన్డ్‌ డ్రీమ్‌.-  ప్రసేన్‌

ప్రసాద మూర్తి
పేజీలు: 138
ప్రతులకు: 8499866699, 9705468149
వెల: రూ 100

ప్రసాదమూర్తి కవి. కవిత్వం రాసే వాళ్లందరూ కవులు కావాల్సిన అవసరం లేదు. కొంతమంది మాత్రమే కవులు, కవులుగా పుట్టి, కవులుగా జీవిస్తూ, కవిత్వాన్ని వెదజల్లుతూ బతుకుతుంటారు. అదిగో అలాంటి కవి ప్రసాదమూర్తి.-  కె.శివారెడ్డి

డా.యం.పి.మద్దులేటి రెడ్డి
పేజీలు: 108
ప్రతులకు: 08592-232404, 9440591520
వెల: రూ 40

సముద్రపుటడగున ఈ పుస్తకంలో బొమ్మలతో సేకరించు సాధనాల గురించి వివరించడంతో మొత్తంగా పాఠకులు సముద్రమంతా ఒక్కసారిగా కలియతిరిగినుట్లుగా ఉంటుంది. అందరు సముద్రంలో ఈదుకుంటూ వెళ్లి అంతర్భాగంలోని అలలను, నిక్షేపాలను దర్శించినుట్లుగా ఉండే ఈ పుస్తకం చరిత్రలో ఒక అత్యవసర పఠనీయ పుస్తకంగా మిగిపోతుంది.-  యస్‌.యండి. ఇనాయుతుల్లా

పిట్ట సాంబయ్య
పేజీలు: 61
ప్రతులకు: 9849674768
వెల: రూ 30

ఈ పదాల్లో లక్ష్యం-గమ్యం గుర్తెరిగిన చురుకుదనం అంతర్లీనంగా కనిపిస్తుంది. కుల-వర్ణ-వర్గమనే మూడు సర్పాలు వేసే ఒక్క విషపు కాటు, 'అణచివేత' గురించి కలిగిన జ్ఞానం ఉన్న కవితనం ఈ కవిలో కనిపిస్తుంది. కొవ్వొత్తినైనా వెలిగించుకొని ముందడుగు వేద్దాం రండన్న పిలుపు వినిపిస్తుంది. యుద్ధం అనివార్యం అన్న అవగాహన తెలుస్తుంది.- అనిశెట్టి రజిత

కేతవరపు రాజ్యశ్రీ
పేజీలు: 108
ప్రతులకు: 8500121990
వెల: రూ 80

అది పద్యమైనా గద్యమైనా హృద్యంగా రాసే శిల్పాన్ని సొంతం చేసుకున్న కవయిత్రి కేతవరపు రాజ్యశ్రీ. ఆధునిక సాహిత్యరంగంలో మంచి కవయిత్రిగా తన స్థానాన్ని పదిలపరచుకున్న రాజ్యశ్రీ లేఖిని నుండి వెలువడిన సరికొత్త కవితా సంపుటి, ''ఆకాసాన్ని మింగాలని''.- డా|| తిరునగరి  

పున్నమి
పేజీలు: 66
ప్రతులకు: 9396610639
వెల: రూ 50

గత పన్నెండేళ్ళుగా జిల్లా కేంద్రంలో సాహితీమేఖల సంస్థ ఆధ్వర్యంలో ఉగాది ఉత్సవాలు ఘనంగా జరుగుతున్న విషయం పాఠకులకు విధితమే. అలాగే ఈ జయనామ ఉగాది పర్వదినం సందర్భంగా ఉగాది ప్రత్యేక సంచికను వెలువరిస్తున్నాము.- పున్నమి

బండి సత్యనారాయణ
పేజీలు: 102
ప్రతులకు: 040 - 27678430
వెల: రూ 60

దృకథమేదయినా - తాత్వికత ఏదయినా - వస్తువును కవిత్వం చేసే విధానం తెలియకపోతే శుద్ధ వచనం మిగుల్తుంది. దృష్టంతా తీసుకున్న వస్తువు కవిత్వమవ్వాలి. ఆ దిశగా తన్నుతాను నిర్మించుకుంటూ - విస్తృతపరుచుకుంటూ, విశాలం చేసుకుంటూ వస్తున్నాడు. ఒక కవితా సంపుటికి మరొక కవితా సంపుటికి, స్పందనా గుణం - గణనీయంగా పెరిగింది.- శివారెడ్డి

డా|| పి రమేష్‌ నారాయణ
పేజీలు: 132
ప్రతులకు: 9985171411
వెల: రూ 100

రమేష్‌ నారాయణగారి అనువాదాన్ని నేను సంపూర్ణంగా చదివాను. ఆంగ్లభాషాచార్యులు ఏమంటారో నాకు తెలియదుగాని, తెలుగుభాషా విద్యార్థిగా నేను ఈ అనువాదాన్ని చదివి సంతృప్తి చెందాను. రాధేయ 'మగ్గంబతుకు' కావ్యాన్ని సామాన్య పాఠకుడిని దృష్టిలో పెట్టుకొని, ఉద్యమస్ఫూర్తితో, భావుకతకు పరిమిత ప్రాధాన్యమిచ్చి, అట్లని అది వచనమై తేలిపోకుండా జాగ్రత్తగా రచించారు.-  ఆచార్య రాచపాళెం చంథ్రేఖర రెడ్డి

అడపా రామకృష్ణ
పేజీలు: 40
ప్రతులకు: 0891-2540848
వెల:

ఈ దీర్ఘ కవిత చదివి ముగించిన తర్వాత, ఈనాడు మనం టీవీలద్వారా, వార్తా పత్రికల ద్వారా తెలుసుకుని, ఆవేదన పొందుతున్న అన్ని అవినీతి అంశాలూ ఒక్క రూపంతో వాస్తవికతా దృక్పథంతో మన కళ్ళముందు కనిపిస్తై, కవి తన భావోద్వేగంలో ఒక బలమైన ముద్ర వేస్తూ ముగింపు చేస్తారు.- డా|| అద్దేపల్లి రామమోహనరావు

కె.సుభాషిని, డా|| కె.నళిని అనిశెట్టి రజిత, శివలక్ష్మి, కొండేపూడి నిర్మల
పేజీలు: 132
ప్రతులకు: 9440254730
వెల: రూ 80

దేశమంతటా అత్యాచార బాధితుల హాహాకారాలు అగ్నికీలలై లేస్తుండగా, సమాజాన్ని అభద్రతకూ, భయభీతులకూ, అమానవీయతకూ కేంద్రం చేస్తూ ఉన్మాదాలు జాడ్యంలా వ్యాపిస్తున్న సమయమిది. శతాబ్ది మహిళకు శతవందనాలు అర్పిస్తున్న ప్రపంచాన్ని సహజ నాయిక స్త్రీ ఏలికగా పగ్గాలు పట్టి కాలంతో సమానంగా పరిగెత్తించాలి. అదే ఈ పుస్తకం ఇస్తున్న పిలుపు.

డా || ద్వా.నా.శాస్త్రి
పేజీలు: 134
ప్రతులకు: 9849293376
వెల: రూ 100

మొత్తం పన్నెండు భాషా సాహిత్యాంశాలపై పన్నెండు గంటలు ఏకధాటిగా ప్రసంగించాను. ఇంతవరకు సాహిత్యంలో ఇలా - పుస్తకం లేకుండా, కనీసం కాగితాలు కూడా లేకుండా ఇంతసేపు మాట్లాడిన దాఖలాలు లేవు.


పేజీలు: 678
ప్రతులకు: 9849083137
వెల: రూ 250

ఇందులో భాగంగానే 2012 జనవరిలో 'మహూదయం' 2013 జనవరిలో 'కె.వి.ఆర్‌. సాహిత్య వ్యాసాలు - మొదటి భాగం' అచ్చయ్యాయి. ఇప్పుడు సాహిత్య వ్యాసాలు రెండు, మూడు భాగాల్ని ప్రచురించాం.

డా || ద్వా.నా.శాస్త్రి
పేజీలు: 38
ప్రతులకు: 8500121990
వెల: రూ 50

శ్రీశ్రీ ప్రయోగించిన అనేక పదాలకు, పద బంధాలకున్న నైఘంటికార్థాలను వివరిస్తూనే, కవి  నిర్దేశిస్తున్న నిర్దిష్ట అర్థాలను కూడా ద్వానాశాస్త్రిఈ గంథ్రంలో వివరించారు.


పేజీలు: 598
ప్రతులకు: 9849083137
వెల: రూ 250

 ఇందులో భాగంగానే 2012 జనవరిలో 'మహూదయం' 2013 జనవరిలో 'కె.వి.ఆర్‌. సాహిత్య వ్యాసాలు - మొదటి భాగం' అచ్చయ్యాయి. ఇప్పుడు సాహిత్య వ్యాసాలు రెండు, మూడు భాగాల్ని ప్రచురించాం. - కె.వి.ఆర్‌. శారదాంబ స్మారక కమిటీ

డా|| కాసల నాగభూషణం
పేజీలు: 31
ప్రతులకు: 09444452344
వెల: రూ 30

ఆనాటి కాలమాన పరిస్థితుల కనుగుణంగా సుమతి శతకం వచ్చింది. అందులోని కొన్ని భావాలకు నేడు కాలం చెల్లింది. ఈనాటి కాలమాన పరిస్థితులను దృష్టిలో పెట్టుకొని ఆనాటి సుమతి శతక పద్యాల రచనా విన్యాసాన్ని అందిపుచ్చుకొని నాగభూషణం గారు అనుసృజనాత్మక రచన చేశారు.- ఆచార్య వెలుదండ నిత్యానందరావు

ఆచార్య మసన చెన్నప్ప
పేజీలు: 77
ప్రతులకు: 9885654381
వెల: రూ 80

అక్షరంలో పరిమళం ఉంటుందని అతికొద్ది మంది విద్వాంసులకు మాత్రమే తెలుసు. ఆచార్య మసన చెన్నప్ప గారు విద్వాంసులు. వారికి ఆ పరిమళం తెలుసుననడంలో సంశయం లేదు. వారు చాలా గ్రంథాలు రాశారు. వారికి అక్షరపు పరిమళం తెలియును.- డాక్టర్‌ దాశరథి రంగాచార్య

డా|| కాసుల లింగారెడ్డి
పేజీలు: 112
ప్రతులకు: 8897811844
వెల: రూ 100

వచన కవిత్వం మొదట్లో శబ్దాలంకారాలతో, ఉపమాలంకారాలతో, రూపకాలంకారాలతో వెలువడుతూ వచ్చింది. వచన కవిత్వం రూపం పూర్తిగా మారిపోయిందనే గుర్తింపు చాలా మందికి తెలియడం లేదు. కేవలం చెవికి ఇంపుగా తోచే అలంకారాల నుంచి వచన కవిత్వం దూరమై సంపూర్ణమైన వచన కవిత రూపుదిద్దుకుంది. లింగారెడ్డి 'ఇడుపు  కాయితం' లోని స్వీయానుభూతులకు సంబంధించిన కవితలు ఈ స్థాయిని అందుకున్నాయి.- కాసుల ప్రతాపరెడ్డి

కరణం బాలసుబ్రహ ్మణ్యం పిళ్ళె
పేజీలు: 273
ప్రతులకు: 9502304027
వెల: రూ 180

దాదాపు రెండు వందల సంవత్సరాల కాల వ్యవధిలోనే ఆవిర్భవించి, విస్తరించి, అభివృద్ధి పొంది, ఒక వెలుగు వెలిగి కేవలం ఒకరోజులో మాత్రమే జరిగిన యుద్ధంలో సమూలంగా నేలమట్టమయిపోయి తిరిగి కోలుకోలేని విధంగా అంతరించిపోయిన బోయకొట్టముల విషాదగాధనే బాలసుబ్రహ్మణ్యం పిళ్ళె ఈ నవలలో చారిత్రక దృష్టితో చిత్రించడం ఎంతో ఆసక్తికరంగా ఉంది.- అంపశయ్య నవీన్‌

మడిపల్లి భద్రయ్య
పేజీలు: 206
ప్రతులకు: 9885830550
వెల: రూ 90

మడిపల్లి భద్రయ్య గారి జీవితానికి ఈ పుస్తకం ప్రతిబింబం లాంటిది. ఇతని మానవీయ విలువలకు నమూనా వంటిది. తన అనుభవాలతో పాటు, ఆదిలాబాద్‌ జనజీవితాన్ని కవిత్వమయం చేశాడు. తన యాస, భాష, తాను పుట్టిపెరిగిన గడ్డపై మమకారాన్ని వ్యక్తం చేశారిందులో.- డా|| ఉదారి నారాయణ

బి. గీతిక
పేజీలు: 48
ప్రతులకు: 7702600583
వెల: రూ 50

కలం కదులుతోంది/ కాగితం మీద./ ఏ కాంతి లోకాలకు/ దారులు తీస్తుందో...!        నీడలు/ అందంగానే ఉన్నాయి./ ఎలాగున్నాయో.. / వాటివెనుక నిజాలు..!        పిట్టలకి/ రెక్కలొచ్చాయి./ పుట్టిన గూటిని/ వదిలెయ్యడమే స్వేచ్ఛా..?-బి. గీతిక

రాణీ పులోమజాదేవి
పేజీలు: 194
ప్రతులకు: 9949384891
వెల:

ఈ కథా సంకలనం కాలక్షేపం బఠానీ కాదు - కాలానుగుణంగా ఎన్నో మార్పులు మానవజీవితాల్లో చోటుచేసుకున్నా, మౌలిక బంధాలకు ప్రాముఖ్యతనిస్తూ, ఛాదస్తాలకు అతీతంగా, సాధారణ సమస్యలకు పరిష్కారాన్ని ఆలోచింపజేసే, ''అవునా? మనమూ ఇంతేనా?'' అనే ప్రశ్నలను మనకు మనం వేసుకుని, క్లిష్టమైన సమస్యలను వీలైనంత సరళ సమీకరణంగా మార్చుకునే ప్రయత్నం చేయించే ప్రయత్నం.- ఎస్‌.పి. బాలసుబ్రహ్మణ్యం

పి. లక్ష్మణరావ్‌
పేజీలు: 120
ప్రతులకు: 9441215989
వెల: రూ 25

విషయ స్పష్టత ఉంది. లక్ష్య స్పష్టత ఉంది. ఇది దీర్ఘకాలిక సాధన అని తెలుసు. ఆయన ఏ ప్రక్రియలో రాసినా ఈ తెలివి, ఈ తర్కం, సామాజిక చర్య, ప్రతిచర్య కన్పడుతూనే ఉంటుంది. అటు జీవితంలోను, ఇటు కవితా సాధనలోను ఒక థకు వచ్చారు... పరిణతికి వచ్చారు.- శివారెడ్డి

దేవినేని మధుసూదనరావు
పేజీలు: 32
ప్రతులకు: 0866-2862424
వెల: రూ 11

కాబోయే పట్టభద్రులు ఈ పుస్తకంలోని అంశాలను మొదటి సంవత్సరం నుండే చదివి వాటిమీద అవగాహన పెంచుకున్నట్లయితే, వారు తేలికగా ఉద్యోగం సంపాదించటమే కాక, వారికి, వారి కుటుంబాలకు, సమాజానికి ఉపయోగపడగలరనే అభిప్రాయంతో ఈ చిరుపుస్తకాన్ని ముద్రించాం.- దేవినేని మధుసూదనరావు  

చక్రపాణి నరసింహమూర్తి
పేజీలు: 82
ప్రతులకు: 9440141745
వెల: రూ 0

వీరు పద్యము చెప్పుటలోనూ, గేయాన్ని మడతలు విప్పుటలోనూ సిద్ధహస్తులైనా, తొలికృతిని వర్తమాన ప్రక్రియ ఐన వచన కవిత్వంగా ఆవిష్కరిస్తున్నందుకు ఆనందిస్తున్నాను. మూర్తిగారిలోని వర్తమాన సామాజిక సాహితీ సమదృష్టిని, వచనాన్ని ప్రవచనాన్ని ప్రవచనంగా సులభ సుందరంగా చెప్పిన ఈ కవిగారి కావ్య సృష్టిని, కళారస దృష్టినీ మనస్పూర్తిగా అభినందిస్తున్నాను.- వి.పి. చందన్‌ రావు

కోడం పవన్‌కుమార్‌
పేజీలు: 109
ప్రతులకు: 9848992825
వెల: రూ 70

తన అక్షరాలకు పదునుపెట్టి, వాటినే తన రక్షణ కవచాలుగా చేసుకుని ఏకలవ్యుడిలా, అభిమన్యుడిలా ఏకకాలంలో ముందుకు సాగిపోతాడు. ఈ ఉద్యమంలో తాను వర్గవాదా, అస్తిత్వవాదా అనే యోచన చేయడు. సంక్షోభాల్ని ముందు బట్టబయలు చేస్తాడు. అందుకు తన పాఠకుల మద్దతు కోరుతాడు. తన అనుభవాన్ని వాళ్ళదిగా చేసి తనవైపు తిప్పుకుంటాడు.- ప్రొ. జయధీర్‌ తిరుమలరావు 

జనసాహితి
పేజీలు: 311
ప్రతులకు: 08592-232404, 9440591520
వెల: రూ 120

సామ్రాజ్యవాదులకూ, దోపిడీవర్గాల ఏజంట్లకూ, పచ్చి అవినీతిపరులకూ నరహంతక రాజకీయులకు కూడా గాంధీ బొమ్మ ఆత్మరక్షణ కవచంగా ఉపయోగపడుతోంది. రాజకీయ విలవలు కుప్పకూలిపోయిన నేటి పరిస్థితులకు గాంధీవాదాన్ని ప్రత్యామ్నాయ ఆదర్శంగా ప్రదర్శనకు నిలిపేవారికి జవాబుగా ఈ పుస్తకం కొంతయినా తొడ్పడవచ్చు.-  జనసాహితి

రాచమళ్ళ ఉపేందర్‌
పేజీలు: 84
ప్రతులకు: 98492 77968
వెల: రూ 45

  కథా శిల్పం గురించిన అధ్యయన శీలం కలిగిన రచయిత ఉపేందర్‌. కనుక, వస్తువు, ఇతివృత్తం... చదువరులలో గాఢమైన అనుభూతిని కలిగించటానికి ఆవశ్యకమైన శిల్పాన్ని ఎన్నుకోవటం ఆయనకు పట్టుబడిన విద్యే! ఆ గుణ నైపుణ్యమే ఈ కథల్లోను కనిపిస్తున్నది. ప్రత్యేకించి ప్రక్రియాపరంగా అచ్చమైన 'కథానిక' ని రాస్తున్నప్పుడు ఈ గుణ విశేషం మరీ కొట్టవచ్చినట్లు ద్యోతకమవుతోంది.- విహారి

పారుపల్లి వెంకటేశ్వరరావు
పేజీలు: 172
ప్రతులకు: 9848161208
వెల: రూ 180

కొన్ని యధార్థ ఘటనల్ని, కొందరు వ్యక్తుల ఆదర్శ జీవన విధానాల్ని ఆధారంగా తీసుకొని, ఔచిత్యానికి భంగం కాకుండా అసహజమైన అతిశయోక్తులు లేకుండా, కొన్ని సన్నివేశాల్ని స్వయంగా కల్పించి, మిశ్రకథగా సుజలాం సుఫలాం నవల రచించాను.- పారుపల్లి వెంకటేశ్వరరావు

- డా|| అప్పిరెడ్డి హరినాథ్‌ రెడ్డి
పేజీలు: 264
ప్రతులకు: 9963917187
వెల: రూ 200

హరినాథరెడ్డి గ్రంధం ఒక బాధ్యతను, ఒక కర్తవ్యాన్ని నేటి పరిశోధ కుల ముందుంచుతున్నది. రాయలసీమ నుంచి వచ్చిన ప్రతికలనన్నిటినీ సంపాదించి, వాటిలో వచ్చిన సాహిత్యాన్ని అధ్యయనం చేసి సాహితీ సాంస్కృతిక రంగంలో రాయలసీమ ముందు వెనుకడుగులను నిర్ణయించడమే ఆ కర్తవ్యం, ఆ బాధ్యత.- ఆచార్య రాచపాళెం చంథ్రేఖర్‌ రెడ్డి

అభినందన సంచిక
పేజీలు: 178
ప్రతులకు: 9985171411
వెల: రూ 250

'కనురెప్పల మీద వాలిన నమ్మకమైన కల'గా కవిత్వంతో మమేకమైన 58 ఏళ్ల జీవితంలో 31 సంవత్సరాల అధ్యాపకవృత్తి నిబద్ధత, మూడున్నర థాబ్ద్దాల కవిత్వ నేపథ్యం, రెండున్నర థాబ్దాల అవార్డు చరిత్ర రాధేయ సొంతం. అందుకే ఈ అభినందన సంచికాసుమాహారం.- వి.చంథ్రేఖర్‌ శాస్త్రి

జూపాక సుభద్ర
పేజీలు: 120
ప్రతులకు: 9441091305, 994831167
వెల: రూ 120

తెిలంగాణా దళిత స్త్రీల శ్రమ జీవితాలను, అణచివేతలపై వారి ప్రతిఘటనలను, న్యాయం, సహోదరత్వం సమానత్వాల కోసం వారు చేస్తున్న పోరాటాలను జీవంతో నడుస్తున్న బొమ్మలుగా రచయిత్రి ఈ కథల్లో ఆవిష్కరించిన తీరు అభినందించదగినది.- కన్వీనర్‌, దండోరా ప్రచురణలు

తిరుక్కోవెల భాస్కర్‌
పేజీలు: 42
ప్రతులకు: 8008958142
వెల: రూ 50

''పుస్తకంలోని/అక్షరాలు/ప్రమిదల్లోని దీపాల్లా/ ఉన్నాయి'' - అక్షరాలు పదాలలో ఒదిగి : పదాలు వాక్యాలుగా ఎదిగి జ్ఞానాన్ని వేదకాలం నుండి ఈనాటి వరకూ ప్రసరిస్తూనే ఉన్నాయి. జ్ఞానమంటే వెలుగే, వెలుగంటే జ్ఞానమే, కనుక, అక్షరాన్ని దీపంతో పోల్చడం సమున్నత భావ ఆవిష్కరణకు మంచి నిదర్శనం-  సుద్దాల అశోక్‌ తేజ.

- కె. విల్సన్‌రావు, కె. ఆంజనేయకుమార్‌
పేజీలు: 120
ప్రతులకు: 8297285514
వెల: రూ 75

జూన్‌ 2 అనే చారిత్రక దినానికి సాకక్షులుగా మేం కవిత్వాన్ని వెలువరిస్తున్నాం. తెలుగు ప్రజల పక్షాన మేం కవిత్వం ద్వారా నిలబడాలనుకున్నాం. రెండు ప్రాంతాల ప్రజలు చేసిన పోరాటాల పక్షాన వారి న్యాయమైన ఆకాంక్షల పట్ల గౌరవాన్ని కలిగి ఉంటూనే మా లోపల కొనసాగుతున్న అలజడికి ఓ వ్యక్తీకరణగా జూన్‌ 2ను ఎంచుకున్నాం.- కె. విల్సన్‌రావు- కె. ఆంజనేయకుమార్‌

- డా|| లంకా వెంకటేశ్వర్లు
పేజీలు: 240
ప్రతులకు: 040-27678430
వెల: రూ 150

ఇంగ్లీషువారు వచ్చిన తర్వాత గ్రామీణ వ్యవస్థ చిందరవందర అయింది. వృత్తి కులాలన్నీ విధ్వంసం కావడం ప్రారంభమైంది. ప్రపంచీకరణలో అదివరకెప్పుడూ లేనంతగా కులవృత్తుల నాశనం ప్రారంభమైంది. ఈ నేపథ్యంలో ప్రాచీన కులవృత్తి వివరాలన్నీ చూస్తే, పరిణామ చరిత్ర బాగా అవగాహన చేసుకోగలం. నిజానికి పై సూత్రీకరణయే ఈ పరిశోధన మొత్తానికి ఏకసూత్రంగా నిలిచే అంశం.- డా|| అద్దేపల్లి రామమోహనరావు

దేవినేని సీతారావమ్మ ఫౌండేషన్‌
పేజీలు: 22
ప్రతులకు: 0866-2862424
వెల: రూ 11

తెలుగు పద్యంలో ఇంతటి దివ్యశక్తి దాగి ఉంది. పిల్లల్ని ఆలోచింపజేసే, ప్రశ్నించే, ఆకర్షించే, ఉర్రూతలూపే సూక్తులు, సామెతలు, పొడుపుకథల్ని కూడా ఇందులో పొందుపరిచాం. పిల్లలకు మిఠాయిపొట్లం ఈ పుస్తకం.- జయశ్రీ దేవినేని

- బి.ఎస్‌.ఎం.కుమార్‌
పేజీలు: 170
ప్రతులకు: 975085143
వెల: రూ 100

  ఈ కవిది  ఒక అసాధారణమైన మార్గం. ఈ వరకే తెలుగు సాహిత్యంలో వచ్చిన 'మో' లాంటి అనేకమంది కవులకంటే కూడా విభిన్న కవిత్వం. ఈ కవి ఇంకా రాస్తూనే ఉండాలి. రాస్తూ రాస్తూ అతని దుఃఖపు రవ్వల జడిలోని కాంతితో సమాజాన్ని తడుపుతూనే ఉండాలి.- డా|| కాంచనపల్లి

- సిద్దెంకి యాదగిరి
పేజీలు: 136
ప్రతులకు: 9441244773
వెల: రూ 80

అన్ని చలనాల చైతన్యం పొదుగుకున్న కవి సిద్దెంకి యాదగిరి. రాబోయే కాలంలో మరింత బాధ్యతగా, మరింత శక్తివంతంగా అక్షరాలు సంధించగలడని సంపూర్ణ విశ్వాసం కలిగిస్తున్నడు. మానవ వనంలో అలజడి దర్శించడం తెలుసు. ఒత్తిడిని తట్టుకొని అవమానాల్ని గెలవగల స్థిర సంకల్పం తెలుసు. రాలిన తారల కాంతితో, వేల ఇంద్రధనుస్సులు వెలిగించే ఉద్యమం గుర్తు. అక్షర కణాల్ని పిడికిట్లో బంధించి భూమ్మీద వెదజల్లే కవిత్వం గుర్తు.  - నందిని సిధారెడ్డి

- మొయిద శ్రీనివాసరావు
పేజీలు: 95
ప్రతులకు: 9908256267
వెల: రూ 50

ఏముందిందులో అనిపించే కవిత్వం ఎందరో రాస్తుంటారు. ఏదో... వుందిందులో... అని ఆలోచింపజేసే కవిత్వం రాయగలిగేది మాత్రం కొందరే. ఆ కొందరిలో ఈ కవి చోటు చేసుకోగలడనిపిస్తుంది ఈ కవితలు చదివితే. అందరూ చూడలేని భిన్న కోణాలను తాను దర్శించి మనముందు ప్రత్యేకంగా నిలుస్తాడీ కవి.- గంటేడ గౌరునాయుడు

- శేషేంద్ర
పేజీలు: 108
ప్రతులకు: 7702964402
వెల: రూ 100

ఎంత ప్రాచీన భాషలోనైనా ఎంత ప్రాచీన ఛందస్సులోనైనా అత్యంత ఆధునికతని అత్యంత నవ్యమైన సృజన శక్తిని కవి చూపవచ్చు అని చెప్పడానికి ఋతు ఘోష కావ్యం మంచి ఉదాహరణ. నేటికవులు దీన్ని చదవాలి. శ్రద్ధగా చదవాలి.- ఆచార్య పులికొండ సుబ్బాచారి

దాసోజు కృష్ణమాచారి
పేజీలు: 111
ప్రతులకు: 9989198943
వెల: రూ 150

ఈ పుస్తకంలో 70 కవితలున్నాయి. ఈ కవితల్లో కుల అస్తిత్వాన్ని గురించి ఎక్కువ ఉన్నాయి. తెలంగాణ గురించి కొన్ని కవితలు, స్త్రీవాదం గురించి కొన్ని ఉన్నాయి. చాలా రకాలు ఉన్నాయి. అయితే కవిత్వంలోని సాంద్రత, శిల్పం, శైలి గురించి నేను చర్చించను. ఎందుకంటే నేను మంత్రసాని పని చేశాను. ప్రాణం నిలబడితే చాలు, శిశువు రంగు లింగం వికలాంగమా సకలాంగమా ఆలోచించను. ఒక ప్రాణి నిలబడితే తరువాత ఆ ప్రాణి ఏ పని చేస్తుందో ఆలోచించవచ్చు అనుకున్నాను.- జ్వలిత

- సలీం
పేజీలు: 94
ప్రతులకు: ప్రముఖ పుస్తకాల షాపుల్లో
వెల: రూ 50

ఆకాశం నిలువెత్తు మోసంగాక/ మరేమిటి?/ నెత్తిమీద నీలి గుడారంలా బడాయి/ తీరా తాకి చూస్తే/ వేళ్ళకంటుకునే/ అనంత శూన్యం/ చంద్రుడూ అంతే/ పండిన మామిడి పండులా/ మబ్బుల కొమ్మల చివర్ల/ వేలాడుతుంటాడా/ కోసుకోబోతేనే/ కినిసి అంబరానికి అతుకైపోతాడు/.../- సలీం

డా|| బద్దిపూడి జయరావు
పేజీలు: 112
ప్రతులకు: 99490 65296
వెల: రూ 75

జయరావు కవిత్వంలో ఒక తీవ్రతుంది. ఆయన గుండెల్లో అగ్నిమంటలున్నాయి. మెదడులో అణువిస్ఫోటనాలున్నాయి. మాటలో సత్యనిగళత్వం ఉంది. ఈ మూడు ఆయన కవితకి ప్రవాహశీలతను తెచ్చాయి. కవిత్వంలో పర్సానిఫికేషన్‌ తగ్గించాడు. సోషలైజేషన్‌ బాగా విస్తృతం చేశాడు. చారిత్రక స్పృహను కూడా పెంచాడు.- డా|| కత్తి పద్మారావు

సంపాదకులు: పెన్నా శివరామకృష్ణ, గుడిపాటి
పేజీలు: 500
ప్రతులకు: 040-23244088
వెల: రూ 40

వారి ముందుమాటలు చదివినప్పుడు ఇంతటి అద్భుత వచనం ఎలా రాయగలుగుతున్నారనిపించేది. కానీ శివారెడ్డిలోని గొప్ప కవిని గురించే తప్ప వారిలోని సృజనాత్మకమైన వచన రచయిత గురించి ఎవరూ పెద్దగా మాట్లాడిన దాఖలాలు లేవు. అంతేగాక భిన్నకాలాల్లో వారు రాసిన ముందుమాటలు వారి వచన శైలినే గాక, ఆయా కాలాల సామాజిక, సాహిత్యచరిత్రని రికార్డు చేసే విలక్షణ సంపద కదా అనిపించింది.-  గుడిపాటి

- బా రహమతుల్లా కథలు
పేజీలు: 218
ప్రతులకు: 9490806022
వెల: రూ 100

అల్ప సంఖ్యాక వర్గంగా సమాజం చివరి అంచులకు నెట్టబడిన ముస్లిం మత మానవ సమూహాల జీవన అస్తిత్వ వేదనలను కథలుగా మలుస్తూ తెలుగు కథా సాహిత్యానికి వస్తుగౌరవం పెంచుతున్న నేటి రచయిత రహమతుల్లా. రహమతుల్లా కథల ప్రత్యేకతను, విశిష్టతను తెలియచెప్పే ఒక ప్రతినిధి కథ 'నర్గిస్‌'.- కాత్యాయనీ విద్మహే

- శైలజామిత్ర
పేజీలు: 151
ప్రతులకు: 9290900879
వెల: రూ 100

ఆత్మాశ్రయ అస్తిత్వ వేదన, సామాజిక అస్తిత్వ సంవేదన, సమ్మిళితంగా కొనసాగుతూ, అభివ్యక్తిలో సాంద్రమైన భావచిత్ర రచనకూ, శైలిలో సౌందర్యవంతమైన లయకూ ప్రాధాన్యమిచ్చే శైలజామిత్ర 'రాతిచిగుళ్ళు' మంచి స్థాయి కల కవిత్వంతో నిండి ఉంది. ఏది చెప్పినా, వచనత్వాన్ని వదిలి కవితాత్మకంగా చెప్పాలనే ప్రయత్నం అభినందనీయం.- డా|| అద్దేపల్లి రామమోహనరావు

- అక్కినేని కుటుంబరావు
పేజీలు: 221
ప్రతులకు: ప్రముఖ పుస్తకాల షాపుల్లో
వెల: రూ 100

కుటుంబరావుగారు మంచి సినిమాలు తీశారు. ఆ మాధ్యమం పట్ల ఆయనకి గాఢమైన ఆసక్తి ఉంది. అందుకే ఆ దృశ్య విభజన, దృశ్యమాలిక మనకి ప్రత్యక్షమై దోనెలో కూచుని కొల్లేటిలో తిరుగుతున్న అనుభూతిని కలగచేస్తున్నాయి. మంచి సినిమా చూసిన కొన్ని రోజుల వరకూ ఆ దృశ్యాలు మనలోనే ఉంటాయి. ఈ నవల ముగించిన కొన్ని రోజుల వరకూ కొల్లేటి దృశ్యాలు మనసుని కమ్ముకుంటాయి. కమ్ముకోవడం ఎందుకంటే కొల్లేరు ఒక జీవావరణ, జీవన, పాలనాపరమైన విషాదం ఇప్పుడు.- తల్లావఝల పతంజలి శాస్త్రి

- చలపాక ప్రకాష్‌
పేజీలు: 55
ప్రతులకు: 9247475975
వెల: రూ 40

ఈ చిరు గ్రంథంలో కొన్ని కార్టూనులను సమాజానికి అర్పిస్తున్నాడు. అవి నవ్వించడమే కాదు, ఆలోచింపజేస్తున్నాయి. సమాజంలోని చెడుగులను కడిగేస్తున్నాయి. రోగులకు తియ్యటి మందుతో చికిత్స చేస్తుంటాయి. సమాజంలోని అలవాట్లను, ఆలోచనలను శుద్ధి చేస్తున్నాడు. చలపాక సామాజిక వైద్యుడు.- టీ.వీ.

- విద్వాన్‌ చొప్ప వీరభద్రప్ప
పేజీలు: 262
ప్రతులకు: 9492450984
వెల: రూ 150

ప్రతి పాఠశాలలో ఉండాల్సిన పుస్తకమిది. పాఠశాలల్లో వారానికి ఒకటీ రెండు పీరియడ్స్‌ అయినా కథల కోసం కేటాయించాలి. ఆ సమయంలో ఈ కథల్ని వినిపించాలి. చదివించాలి. చిన్నతనంలో మోసం, ద్వేషం ఎరగని పిల్లలు, భవిష్యత్తులో కూడా చక్కగా, బుద్ధిగా మెలగాలంటే ఇలాంటి కథలు ఎంతగానో ఉపయోగపడతాయి.- గుడిపాటి

- సమ్మెట ఉమాదేవి
పేజీలు: 190
ప్రతులకు: 9849406722
వెల: రూ 150

తనదైన వ్యక్తిత్వంగల ఉమాదేవి కథలన్నింటిలో స్త్రీ మూర్తులే కథా నాయికలు. వాళ్ళు స్వాభిమానం, ఆత్మ నిబ్బరత, తనదైనా వ్యక్తిత్వం, అభిప్రాయాలు కలిగిన వాళ్ళు. ఒకరి చేతిలో నలిగేవాళ్ళు కారు. ఒకరి పంచన దీనంగా బతికేవాళ్ళు కారు. ఒకరికి భావదాస్యం చేసేవాళ్ళు కారు. అంత బలంగా స్త్రీ పాత్రలను చిత్రించి సమాజంలో స్త్రీలు ఈ విధంగా ఉండాలని ఉమాదేవి తన కథలలో ప్రబోధించింది.- ముదిగంటి సుజాతారెడ్డి

- భూతం ముత్యాలు
పేజీలు: 120
ప్రతులకు: 9490437978
వెల: రూ 75

తను, తన చుట్టూ అల్లుకుని వున్న మనుషులు మాట్లాడే సజీవ మాండలీకంలో రాసిన కథలు ఇవి. ఈ సంపుటిలో ఉన్న మొత్తం 16 కథలూ కూడా తెలంగాణాలోని తన ప్రాంతపు మాండలీకంతో మమేకమై రాసారు భూతం ముత్యాలు. మట్టి మనుషుల జీవితాలు పచ్చి పచ్చిగా మాండలీకపు సొంపుతో పాఠకుడి మనసును గాఢంగా హత్తుకుంటాయి.

- డా|| అప్పాల చక్రధారి
పేజీలు: 99
ప్రతులకు: 9441629693
వెల: రూ 60

ఈ దీర్ఘ కవితలో డా|| చక్రధారి రాజకీయ చదరంగం వికృత రూపం, ప్రజల్ని ఎలా తప్పుదోవ పట్టిస్తున్నాయో, ఎలా విష వలయంలోకి తోస్తున్నాయో కూలంకుషంగా కుంతలజలపాతంలా అశ్రుధారగా, కవిత్వం ఒక ఊపులో చిక్కగా సూటిగా మనసుకు హత్తుకునేట్టుగా వ్యక్తీకరించాడు.- డా|| దామెర రాములు

- భూతం ముత్యాలు
పేజీలు: 92
ప్రతులకు: 9490437978
వెల: రూ 100

దళిత రచయితల నుంచి కొంత విరామం తర్వాతనైనా మంచి నవల రాయడం ఆనందించదగ్గ విషయం. తెలంగాణ మాండలికంలో కథలు, నవలలు హెచ్చుస్థాయిలో రావల్సింది అని కోరుకునే అభిమానులకు ఈ నవల కొంత ఊరటని కలిగిస్తుంది. ఏది ఏమైనా తెలుగు నవలా సాహిత్యాన్ని సుసంపన్నం చేసే ప్రక్రియకు తన వంతు చేయూత నిచ్చింది 'సూర' నవల అనడంలో ఎలాంటి సందేహం లేదు.- డా|| ననుమాసస్వామి

- కన్నెగంటి అనసూయ
పేజీలు: 152
ప్రతులకు: 9246541249
వెల: రూ 150

అనసూయ గారి కథల వెనుక ఆమె ఆర్ద్ర హృదయం, సమాజ పరిశీలనా దృష్టీ, పరిణత మనస్కత, మానవీయ విలువల పట్ల ఆమెకున్న మన్నన చదువరుల మనసును హత్తుకుంటాయి, వారి ఆలోచనల్ని కదిలిస్తాయి.- విహారి

- అవధానుల మణిబాబు
పేజీలు: 54
ప్రతులకు: 9948179437
వెల: రూ 60

ఎప్పుడో వచ్చే ఒకానొక శాశ్వతవాక్యం కోసం జీవితాంతం రాస్తూనే వుండాలి. రాసీ రాసీ గుండెలరిగిపోవాలి అంటాడు కొప్పర్తి. మణిబాబు రాస్తూ వున్నాడు. అతడి కవిత్వం శాశ్వత వాక్యాన్ని ప్రామిస్‌ చేస్తుందనడంలో ఎలాంటి అతిశయోక్తి లేదు. ఆశించడం పొరబాటుకూడా కాదని ఇందులో కవితలు తెలియజేస్తున్నాయి.- ఎల్‌.కె. సుధాకర్‌

- బి.ఎస్‌. రాములు కథలు
పేజీలు: 220
ప్రతులకు: 8331966987
వెల: రూ 150

గ్రామాలను రచనా కేంద్రాలుగా చేసుకుని రాములు రాసిన ఈ కథల్లో సన్నివేశాలన్నీ రోజూ జరుగుతున్నవే. వాటిని తన మనసుకెక్కించుకుని, చిన్న చిన్న కథలుగా మలచుకొని, కథనంలో నేటివిటీ నిలుపుకొని, అవసరమైనప్పుడు స్థానిక మాండలిక భాషను పొదుగుకొని రచయిత చూపిన నేర్పును మెచ్చుకోకుండా ఉండలేము. ఆ కథల్లో కలిసిపోకుండా ఉండలేము.- డా. సి. నారాయణరెడ్డి

- చిలకపాటి రవీంద్రకుమార్‌
పేజీలు: 51
ప్రతులకు: 0866-2862424
వెల: రూ 22

ఈ రోజుల్లో కథలకు కరువొచ్చి పడింది. ఆంగ్ల భాష మీద మోజుతో పిల్లలకు తెలుగు చదవడం రాక, అద్భుతమైన కథల పుస్తకాలకు దూరమై పోతున్నారు. బాల్యానందాన్ని కోల్పోవడం కన్న విషాదమే ముంది. బాలబాలికలకు! ఇందులోని 25 కథలు మనలను ఆలోచింపచేస్తాయి. ఆర్థ్రత కలిగిస్తాయి. కళ్ళు చెమర్చేలా చేసి, చివరకు ఔరా అనిపిస్తాయి. కథకు ఇంతకన్నా పెద్ద ప్రయోజనం ఏముంటుంది.- దేవినేని మధుసూదనరావు

-పత్తి సుమతి
పేజీలు: 48
ప్రతులకు: 8790499405
వెల: రూ 50

నిర్భయ సంఘటన దేశ రాజధానిలో జరిగినప్పుడు - ఒక మహిళగా నేను చాలా ఉద్వేగం, ఉద్రేకం, ఆక్రోశం, అంతులేని ఆవేదనకు గురయ్యాను. నాకు అంతగా సాహిత్య పరిజ్ఞానం లేకపోయినా 'జరగకూడనిది జరిగింది' (16-12-2013)... అత్యాచారాలు యిప్పటికీ జరుగుతూనే ఉన్నాయి...ఈ విష సంస్కృతికి అడ్డుకట్ట వేయలేని మన దౌర్భాగ్య సామాజిక పరిస్థితులకు కలతచెంది ఆ సంఘటనను రికార్డ్‌ చేయడానికి ఈ చిన్ని పుస్తకం వ్రాశాను.- పత్తి సుమతి

- డాక్టర్‌ కాళిదాసు పురుషోత్తం
పేజీలు: 390
ప్రతులకు: 919247564044
వెల: రూ 250

లోతైన పరిశోధన గ్రంథం యిది. ఈ గ్రంథప్రాచుర్యాన్ని రెండు పార్శ్వాల్లో చూడాలి. ఒకటి, యిది సాహిత్య పరిశోధనా ప్రక్రియకే పరిమితం కాకపోవడం, రెండవ అంశం, వెంకటగిరి సంస్థానచరిత్ర నేపథ్యంగా, రాజకీయ పరిణామాలకే పరిమితం కాకుండా, సమాజంలో సమాంతరంగా చోటుచేసుకొంటున్న మార్పులతో మేళవించి, సాహిత్యసృష్టిని పరికించడం యిందులోని ప్రత్యేకత.- వకుళాభరణం రామకృష్ణ

- డా|| ఎం. హరికిషన్‌, జి. వెంకటకృష్ణ, డా|| కె. సుభాషిణి
పేజీలు: 52
ప్రతులకు: 8985034894
వెల: రూ 20

రాయలసీమకు జరిగిన అన్యాయాలు సమైక్య రాష్ట్ర ముసుగులో కనపడకుండా వున్నవన్నీ యిప్పుడు దిగంబరంగా దర్శనమివ్వనున్న సందర్భంలోకి చరిత్ర నడుస్తున్నది. ఆ సందర్భాన్ని ఎత్తి పట్టుకోవడానికీ, అటువైపుగా యీ ప్రాంత రచయితలు తమ కలాల్ని పదును పెట్టుకోవటానికీ, యీ కథలు పురిగొల్పుతాయని ఆశిస్తున్నాం.  - సాహితీమిత్రలు, కర్నూలు

- డా|| కోడూరు స్వతంత్రబాబు
పేజీలు: 252
ప్రతులకు: 9440314367
వెల: రూ 150

డా|| స్వతంత్రబాబు శ్రీలత కథల్లోని అన్ని అంశాలను చక్కగా వివిధ అధ్యాయాల్లో విశ్లేషించారు. శ్రీలత జీవనరేఖలు, ఇతివృత్తం, పాత్రచిత్రణ, సాంఘిక సాంస్కృతిక అంశాలు, భాషా విశేషాలను కక్షుణ్ణంగా పరిశీలించి సఫలీకృతుడయ్యాడు.- ఆచార్య పి. నరసింహారెడ్డి

తాళ్ళూరి లాబెన్‌బాబు
పేజీలు: 152
ప్రతులకు: 9290490845
వెల: రూ 100

ఇది అందరూ వ్రాసే వచన కావ్యం వంటిది కాదు. దీని పంథాయే నూత్నం. విషయమే నూత్నం. విశ్లేషణమే నూత్నం. ఆధునిక ఆంధ్ర సాహిత్యంలో ఇది అతి నూత్న కావ్యం. ఇది చరిత్ర మానవ పరిణామం వివరిస్తుంది. ప్రపంచ దేశాల స్థితిగతులు, పరిస్థితులు తెలిపింది.
ఆచార్య కొలకలూరి ఇనాక్‌

డా. పి. విజయలక్ష్మి పండిట్‌
పేజీలు: 116
ప్రతులకు: 9347319751
వెల: రూ 100

'గీతాంజలి' ని మనస్ఫూర్తిగా చదివి ఆకళింపు చేసుకోవడం జిజ్ఞాసికి ఒక అపూర్వ అనుభవం. 'గీతాంజలి'ని 'అపూర్వగానం'గా తెలుగులోకి అనువదించే టప్పుడు ఆ అపూర్వ అనుభవాన్ని, ఆ భావోద్వేగాన్ని నేను అనుభవించాను. ఈ ప్రాపంచిక జీవితంలో ఆధ్యాత్మిక దాహాన్ని తీర్చి మనసుకు శాంతినిచ్చే పచ్చని చెట్లనీడలోని చలివేంద్రం 'గీతాంజలి'.
డా. పి. విజయలక్ష్మి పండిట్‌

సి.పి.బ్రౌన్‌ పరిశోధన కేంద్రం
పేజీలు: 552
ప్రతులకు: 08562-255517
వెల: రూ 500

స్థానిక చరిత్రల మీద ఎంతో పరిశోధన జరగవలసి ఉంది. అది జరగాలంటే కైఫీయత్‌లు అందుబాటులోకి రావాలి. సి.పి. బ్రౌన్‌ భాషా పరిశోధన కేంద్రం ఈ మహత్తరమైన బాధ్యతను నెత్తికెత్తుకొంది. వైయస్సార్‌ జిల్లాకు సంబంధించిన కైఫీయత్‌లను ఇప్పటిదాకా 1968 పేజీలతో ఆరు సంపుటాలను ప్రచురించింది. ఇప్పుడు ఏడవ సంపుటాన్ని పాఠకులకు అందించింది.
బేతనభట్ల శ్యామసుందర్‌

ములుగు లక్ష్మీమైథిలి
పేజీలు: 80
ప్రతులకు: 9441685293
వెల: రూ 100

ఒకవైపు దేశభక్తి, మరోవైపు గ్లోబలైజేషన్‌ వ్యతిరేకత, ఇంకోవైపు కులవృత్తులకు ఆదరణ కోల్పోవటంతో అణగారిన జీవుల వ్యధలను మనందరికీ కళ్ళకు కట్టినట్లు చూపిన ఈ దృశ్యకావ్యం 'ఊహలు గుసగుసలాడె' ద్వారా శ్రీమతి లక్ష్మిమైథిలి గారు కవిత్వంలో మరోమెట్టు పైకెక్కారు.
పొత్తూరి సుబ్బారావు

తుమ్మేటి రఘోత్తమరెడ్డి కథల చర్చాసర్వస్వం
పేజీలు: 576
ప్రతులకు: 9000184107
వెల: రూ 400

కథలను, కథాసాహిత్య విమర్శను శ్రద్ధగా అధ్యయనం చేసేవారి కోసం నా కథల మీద వచ్చిన విమర్శనంతా ఒకచోట చేర్చి అందుబాటులో ఉంచడం మంచిదని భావించి ఈ పుస్తకాన్ని తేవడం జరుగుతుంది.
తుమ్మేటి రఘోత్తమరెడ్డి

యడవల్లి సైదులు
పేజీలు: 48
ప్రతులకు: 8464027765
వెల: రూ 50

ఒకరోజు హఠాత్తుగా 100కి పైగా 'నానీ'లతో ప్రత్యక్షమయ్యాడు. వాటిని చూసి నేనెంతో సంతోషించాను. నానీల రచనాశిల్పం అతనికి పట్టుబడిందని అనిపించింది. అంతేకాకుండా అతనిలోని సామాజికస్పృహ, భావుకత, శబ్దసౌష్టవం అతని నానీలలో ప్రతిబింబిస్తున్నాయి. ఒకరకమైన తాజాదనం వాటిలో గోచరిస్తుంది.
డా|| సూర్యా ధనంజయ్‌

చల్లగాలి బాబూరావు
పేజీలు: 94
ప్రతులకు: 9941469728
వెల: రూ 80

తానున్న సమాజం తాలూకు సంక్షేమానికి బాధ్యత వహించిన కవిగా వివిధ సామాజికాంశాలను కవితా వస్తువులుగా స్వీకరించిన బాబూరావు గారు కేవలం ఆ చట్రానికే పరిమితం కాక వ్యక్తిగా తన కెదురైన అనుభవాలను, తనలోని అనుభూతులను సైతం ఎంతో ఆత్మీయంగా పాఠకులతో పంచుకుంటారు.
డా|| కాసల నాగభూషణం

సాహిత్యప్రకాశ్‌
పేజీలు: 131
ప్రతులకు: 9492530542
వెల: రూ 80

కథ మనిషి చైతన్యపరంగా ఉన్నస్థితి నుంచీ ఉన్నతస్థితికి పయనించేందుకు దోహదపడాలి. ఈ లక్ష్య సాధనకు - అటు వస్తువునీ, ఇటు శిల్పాన్నీ కథకుడు తన రచనలో సమన్యయించుకోగలగాలి. రచనపట్ల ఆరాధనా భావం, అధ్యయనశీలం కలిగిన సాహిత్య ప్రకాశ్‌కి ఈ అంశాలపై శ్రద్ద వున్నదనే ఈ సంపుటిలోని కథలు మనకు నమ్మకం కలిగిస్తున్నాయి.
విహారి

ఏనుగు నరసింహారెడ్డి
పేజీలు: 87
ప్రతులకు: 8978869183
వెల: రూ 50

అకవిత్వం కవిత్వంగా అరుపులు సంగీతంగా రాజ్యమేలుతున్న ప్రస్తుత సందర్భంలో హైద్రాబాద్‌ కవుల వేదిక ప్రచురిస్తున్న ఈ 'ములాఖత్‌' కవితా సంకలనం ఒక గొప్ప రిలీఫ్‌ నిస్తోందనడం అతిశయోక్తి కాదు. కవికి శబ్దలేమి భావలేమికి పాదులు వేస్తుంది. దరిమిలా కవిత్వంలో పద, భావ పునరుక్తి ఒక వైచిత్రిగా భ్రమపడేట్లు చేస్తుంది.
థింసా

చిలుకూరి శ్రీనివాసరావు
పేజీలు: 84
ప్రతులకు: 8985945506
వెల: రూ 80

చిలుకూరి శ్రీనివాసరావు(చిశ్రీ) కవితలో ప్రాంతీయత, ఆధునికత, అక్షర రమ్యత, అభివ్యక్తి నవీనత తొణికిసలాడుతుంటాయి. చిశ్రీ ఏ వస్తువు తీసుకున్న అందులో వైవిధ్యం ఉంటుంది. సామాజిక నేపథ్యం ఉంటుంది. ప్రతి కవికి తనదైన శిల్ప సంవిధానం ఉంటుంది. పాంచ భౌతిక ముద్ర ఉంటుంది.
ఆచార్య ఎండ్లూరి సుధాకర్‌

ఆశారాజు
పేజీలు: 109
ప్రతులకు: 9392302245
వెల: రూ 90

మనిషిని మనిషే
గుర్తుపట్టని సందర్భంలో
మనిషికి మనిషి దూరమైన కాలంలో
మనిషిని మనిషి
పట్టించుకోని సమయంలో
మనిషిని మనిషికి
పరిచయం చేయాలన్న ప్రేమతో...
ఈ 'నూతన పరిచయం'.
ఆశారాజు

ఇ.సి.ఐ.ఎల్‌. ఉద్యోగుల రచనల సంకలనం
పేజీలు: 144
ప్రతులకు: 9490098660
వెల: రూ 80

డా|| ఏ.ఎస్‌. రావు గారి ప్రేరణలను, సామాజిక అంశాలను భూమికలుగా రూపొందించుకొని, ఇ.సి.ఐ.యల్‌. కవులు, రచయితలు, ఇ.సి.ఐ.యల్‌. సాహితీస్రవంతి ఆధ్వర్యంలో నిరంతరాయంగా 7 సంవత్సరాలుగా రచనల సంకలనం ప్రచురించి, ప్రజల ముందుకు తీసుకురావటం అదర్శనీయం.
వి.ఎస్‌.బి. బాబు

ఆదివిష్ణు
పేజీలు: 388
ప్రతులకు: 9391343916
వెల: రూ 200

ఈ కథానికలు చదివితే మీకే అర్థమవుతుంది. ఆ రోజుల్లో రచయితగా ఆయన్ని మేమంతా అంతగా ఎందుకు అభిమానించేవాళ్ళమా అని! రచయితగా ఆదివిష్ణుగారి ప్రత్యేకత ఆదివిష్ణుగారిదే! ఆ విషయాన్ని చెప్పడానికి నేనెవర్ని? అందుకే చదవండి... ఆయన కథానికలే చెబుతాయి, అవి ఎంత ప్రత్యేకమైనవో. చిన్న చిన్న వాక్యాలతో కథని ఎలా పరుగెత్తించవచ్చో, కథని ఆసక్తితో చదివించేలా ఎలా మలచవచ్చో...
వేదగిరి రాంబాబు

అభిలాష
పేజీలు: 184
ప్రతులకు: 9666222737
వెల: రూ 120

అభిలాష తన స్వీయ ప్రజ్ఞ పాటవాల్ని, తన అనుభూతుల్నీ, ప్రేమానురాగాల్ని వ్యక్తిగతంగా తనకు మాత్రమే పరిమితమై ప్రేమగీతాల్ని కొత్త ''అనుపల్లవి''తో పాడుకోవడానికి చేసిన ప్రయోగం పాట గాని పాట ఇది. గీతిక గాని విరహగీతిక. వచనం గాని నిర్వచనం. లేఖగాని విరహలేఖో. ఇది ప్రతి స్త్రీ తన గుండెల్లో దాచుకొనే ప్రేమలేఖే. అది కాస్తా బట్టబయలు చేసింది.
యస్‌. హజరత్‌ అలీ

డా||కొండెపోగు బి.డేవిడ్‌ లివింగ్‌స్టన్‌
పేజీలు: 151
ప్రతులకు: 9440211120
వెల: రూ 100

నిజ జీవితంలో, చుట్టూ సమాజంలో ఏది కొరవడిందో ఏది దొరకదో - దాన్ని అన్వేషించటం - పురాణ ప్రతీకల్తో ఆవిష్కరించటం- డా|| లివింగ్‌స్టన్‌ మూడు కవిత్వ పుస్తకాల్లో ఒక శినీలిళీలి- వుంది. ఒక అంతస్సూత్రం వుంది. ఒక ఆగ్రహం వుంది, ఒక సంయమనం వుంది. తనదయిన వ్యక్తీకరణ వుంది. తన పరిభాష, తన కవిత్వ పరిభాష తను సృష్టించుకుంటూ పోతున్నాడు.  
శివారెడ్డి

అరిపిరాల సత్యప్రసాద్‌
పేజీలు: 132
ప్రతులకు: 9966907771
వెల: రూ 120

    అతడి శైలి-ఆలోచనలో కొడవటిగంటకి సాటొస్తుంది. ఆవేదనలో రాచకొండలా స్పందిస్తుంది. నిరసనలో రంగనాయకమ్మగా కనిపిస్తుంది. ఆహ్లాదంలో మల్లాదిలా మురిపిస్తుంది. ఆకట్టుకోవడంలో యండమూరికి దీటొస్తుంది. ఒకరా, ఇద్దరా- సమకాలీనంగా ఉన్నత శిఖరాలకు చేరుకున్న మహాకథకులందర్నీ అతడు కాచి వడబోసినట్లు తోస్తుంది. ఐతే అతడు ఎవర్నీ అనుకరించడు. సంపుటిలోని ప్రతీ కథా కేవలం అరిపిరాలది.
 ''వసుంధర''

యం.కె. సుగమ్‌బాబు
పేజీలు: 111
ప్రతులకు: 8096615202
వెల: రూ 60

సుగమ్‌బాబు, తాను ప్రారంభించిన 'రెక్కలు' ప్రక్రియ ఇందుకు బాగా సరిపోతుందనే సముచిత భావంతో ఈ కావ్యం రాశారు. అందుకే వివేకానందుడికి అతి ముఖ్యమైన 'మానవ అంతశ్శక్తి ప్రజ్వలన' ఆలోచనల్ని, ఇన్ని రెక్కలుగా చెప్పి పాఠకులకి అందించారు. ప్రజలకు ప్రబోధించాలనుకునేవారి శైలిలో ఎప్పుడూ క్లిష్టత ఉండదు. ప్రగతిశీల రచయితల శైలి ఎప్పుడూ సరళంగానే ఉంటుంది. వాడ్రేవు చినవీరభద్రుడు

ఈతకోట సుబ్బారావు
పేజీలు: 122
ప్రతులకు: 9440529785
వెల: రూ 80

ఇటువంటి కథలు మళ్లీమళ్లీ మనం చదవక తప్పదు. ఇటువంటి కథల్ని మనకోసం రచయితలు మళ్లీమళ్లీ రాయకతప్పదు. అన్నిటికన్నా ముందు ఈ కథల ప్రయోజనం, జీవితం మనమనుకున్నంత సజావుగా లేదని చెప్పటమే. సజావుగాలేదని మనకు తెలిసినా, ఎక్కడోమనం మనల్ని నమ్మించుకుంటూ మభ్యపెట్టుకుంటూ ఉన్నాంకాబట్టి, ఈ కథల లక్ష్యం మనల్ని మన భ్రమాన్వితసుఖం నుంచి బయటపడేయటమే.
వాడ్రేవు చినవీరభద్రుడు

బి. గీతిక
పేజీలు: 102
ప్రతులకు: 9908063266
వెల: రూ 80
నాలోలోపల్లో... ఎన్నో ప్రశ్నల్తో, ఆలోచనల్తో రగిలిరగిలీ సమాధానపడిన అంశాలూ, అంతర్మధనాలూ అన్నీ చివరికి ఈ ప్రేమ భాగాలుగా అక్షరాలై కాగితం మీద కొచ్చాయి. ఆ అక్షరాలే సాక్షి ఫన్‌డేలో ది. 28.9.2008 నుండి ది 23.8.2009 వరకూ ప్రేమ శీర్షికగా వారంవారం ప్రచురితమయ్యాయి. ఆ శీర్షికనే ఇప్పుడు ''ప్రేమలో మనం''గా నా మొదటి పుస్తకరూపంలో మీ ముందుకు తెస్తున్నాను. 
బి. గీతిక
తోటపల్లి
పేజీలు: 45
ప్రతులకు: 9963859920
వెల: రూ 20
కొత్త పదాలను సమకూర్చడంలో, వాటిని అన్వయంగా ప్రయోగించడంలో భూమన్న దిట్ట అని పాటలు విన్న, చదివిన తర్వాత తెలుస్తుంది. బంతి పువ్వుల బంగారు వన్నెలను పాటల తోట నిండా పూయించాడు. స్వతంత్ర దేశంలో నిశీధి నీడలు కమ్ముతుంటే, ఆరుపదుల అంటరాని వసంతాలు వెంటాడుతుంటే ఈ రచయిత పాటనే నమ్ముకున్నాడు. పోటీగా నిలబెట్టాడు. ఆశయాల తోవకు దివిటీగా ఎత్తిపట్టాడు. 
డా|| సి. కాశీం
పెద్దిరెడ్డి గణేష్‌
పేజీలు: 163
ప్రతులకు: 9848181117
వెల: రూ 150
ప్రతీక, అభివ్యక్తి, వస్తువు, వచన కవితకి బలమైన ఆలోచనా సాంద్రత, అన్నిటికీ మించి ఆర్ధ్రత, అతి సున్నితంగా - కాని గురితప్పకుండా, సూటిగా సంధించే వాడీ - ఇవన్నీ ఈ గణేష్‌ లక్షణాలు కాదు ఆయుధాలు, కాదు పరికరాలు. ప్రతీ కవికి తనదైన కొత్తలైన్‌ ఉంటుంది. అది పుష్కలంగా ఉన్న కవిమిత్రుడు గణేష్‌. 
గొల్లపూడి మారుతిరావు
డా|| వల్లపురెడ్డి బుచ్చారెడ్డి
పేజీలు: 385
ప్రతులకు: 9490804157
వెల: రూ 150
నేను మొత్తం 52 కథలు రాశాను. అన్ని కథలు వివిధ పత్రికలలో అచ్చయ్యాయి. 17 కథలు లభ్యం కావడం లేదు. 35 కథలతో ఈ కథా సంపుటిని ప్రచురిస్తున్నాను. కొన్ని కథలు అసంపూర్తిగా ఉన్నాయి. 
డా|| వల్లపురెడ్డి బుచ్చారెడ్డి
తెలుగు కథ రచయితల వేదిక
పేజీలు: 257
ప్రతులకు: 9390085292
వెల: రూ 99
2012లో ప్రచురితమైన కథలతో 'మా కథలు- 2012'గా ఒక సంకలనం తీసుకురావాలనీ, సమన్వయకర్తగా శ్రీ సి. హెచ్‌. శివరామప్రసాద్‌ (వాణిశ్రీ) గారిని ఎన్నుకోవడం జరిగింది. ముందుకు వచ్చిన ముప్పై మంది కథకులతో ఈ సంకలనం ప్రచురితమైంది. 
తెలుగు కథ రచయితల వేదిక
 
మినీ కవితలు
పేజీలు: 120
ప్రతులకు: 9703542598
వెల: రూ 100
1980వ థకంలో  'మినీకవిత' ఉదృతంగా వెలువడుతున్న రోజుల్లో అంతే ఉధృతంగా కవితా సృజన చేస్తూ, ఆ ప్రక్రియను సుసంపన్నం చేయడానికి కృషిచేసిన హరనాథ్‌ 'సాంస్కృతీ సమాఖ్య' వంటి వేదికలపై 'మినీకవిత'ను బలపరిచిన కార్యకర్తగానూ, మినీకవితలు విరివిగా వ్రాసిన కావ్యకర్తగానూ గుర్తింపు పొందారు.  
డా|| ఎస్వీ సత్యనారాయణ
ఎలికట్టె శంకరరావు
పేజీలు: 68
ప్రతులకు: 9346359268
వెల: రూ 30
ఈ ప్రతిజ్ఞను పైడిమర్రి 1962లో తెలుగులో రాసిండు. 1963 నుంచి పాఠ్యపుస్తకాల్లో కొనసాగుతున్నది. తర్వాత వివిధ ప్రాంతీయ భాషల్లోకి, హిందీ, ఇంగ్లీషు జాతీయభాషల్లోకి అనువాదమైంది. ప్రతిజ్ఞను పాఠ్యపుస్తకాల్లోకి తీసుకొని ఇప్పటికి యాభై ఏండ్లు అయ్యింది. కాని ప్రతిజ్ఞ రచయితగా పైడిమర్రి పేరు ఎక్కడా కనిపించదు. 
 ఎలికట్టె శంకర్‌రావు
డా|| బన్న అయిలయ్య
పేజీలు: 70
ప్రతులకు: 9949106968
వెల: రూ 100
''ప్రజాకవి కాళోజీ సాహిత్య సమాలోచన'' పేరుతో తెలుగుశాఖ, ఆంధ్ర విద్యాలయ కళాశాల, తెలంగాణా భాషా సాంస్కృతికమండలి హైదరాబాదు వారు సంయుక్తంగా ఒక జాతీయ సదస్సును నిర్వహించి ఆ సదస్సులో సమర్పించిన పత్రాలను విశేష సంచికగా ముద్రించారు. దీనికి సంపాదకులు డా|| గంటా జలంధర్‌ రెడ్డి గారు. ప్రస్తుతం పుస్తకంగా వెలువడుతున్నది ఆ సంచికలోని వ్యాసమే. కొద్ది మార్పులతో...
డా|| బన్న అయిలయ్య
 
 
బెజ్జారపు రవీందర్‌
పేజీలు: 110
ప్రతులకు: 9491046104
వెల: రూ 60
దాస్‌ కాపిటల్‌ను చదవడం ప్రారంభించాను. అందులోని పదాలు, వాక్యాలు అర్థమవుతున్నకొద్దీ, అక్షరాలు నేలజారడం ప్రారంభమయ్యాయి. కొద్దిసేపటి తరువాత అవి మనుషులుగా మొలకెత్తడం గమనించాను. క్రమంగా ఎదిగి... ఎదిగిన మనుషులు సమూహాలు, సమూహాలుగా గది తలుపులు తెరుచుకొని జనంలో కలవడం మొదలుపెట్టారు. భయంవేసి పుస్తకం చదవడం ఆపాను.
బెజ్జారపు రవీందర్‌ (నిత్యగాయాల నది)
వి.వి.ఆర్‌.
పేజీలు: 216
ప్రతులకు: 040-27177719
వెల: రూ 100
కథలు, గేయాలు, వ్యాసాలు, నాటికలు... నాలుగు రంగులవ్వగా వి.వి.ఆర్‌ అనబడే వడ్డాది వెంకట రమణారావుగారు, ఆయన కలాన్ని కుంచెలా చేసి ఆ రంగులనన్నిటినీ మిశ్రమం చేసి, హృదయంలో రంగరించి ఐదో వర్ణంగా మలుస్తూ, 'టివి చూద్దాం రండి' అనే 'సాహితీ ఛాట్‌' వంటి పంచవన్నెల చిలుకను పాఠకుల ముందుంచారు.
 పి.ఎస్‌. నారాయణ
 
ఎరుకలపూడి గోపీనాథరావు
పేజీలు: 92
ప్రతులకు: 9848293119
వెల: రూ 80
గోపీనాథరావుగారు అనంతమైన వస్తుస్పృహని దృశ్యమానం చేశారీ ''అక్షరార్చన''లో. ఆధునిక కవిత్వానికి కవి దార్శనికత, వాక్య రసాత్మకత, అభివ్యక్తి శబలత- అనే త్రివేణి- ఉత్తమత్వాన్ని కూర్చుతాయి. కవిత్వస్థాయిని ఉన్నతీకరిస్తాయి. గోపీనాథరావు గారు ఈ త్రివేణిని సాధించుకున్న ఉత్తమకవి. 
విహారి
 
వరం
పేజీలు: 52
ప్రతులకు: 9441008847
వెల: రూ 70
ఈ సంపుటిలోని రెక్కలన్నీ అత్యంత క్లుప్తమైనవి. కొంచెం పెద్ద పాదాలున్నవీ రాస్తున్నారు గానీ, ఇలా రాయడం ఒక పద్ధతి. అయితే ఇంత క్లుప్తతలోనూ, అన్ని రెక్కల్లో ఒక విధమైన సమాంతర పాదనిర్మాణం వుంది. ఈ 'సమాంతర' అనేది అనేక విధాల లయను ఇస్తుంది. 
డా|| అద్దేపల్లి రామమోహనరావు
అయినంపూడి శ్రీలక్ష్మి
పేజీలు: 60
ప్రతులకు: 9989928562
వెల: రూ 75
బ్రెస్ట్‌ క్యాన్సర్‌ అనే సెన్సిటివ్‌, కాంప్లెక్స్‌ టాపిక్‌ని ఎంతో కవితాత్మకంగానూ, మరెంతో ఈస్తటిక్స్‌ని అక్షరాలలో పొదిగించి ఈ దీర్ఘకవితని ఓ కావ్యతరువుగా నిలబెట్టిన శ్రీలక్ష్మిలోని సానుభూతికి, సహానుభూతికి, ఈ దీర్ఘకవితని అసాంతం చదివిన తర్వాత నమస్సులు చెప్పకుండా ఉండలేము.
మామిడి  హరికృష్ణ
బి. శ్యాంసుందర్‌ రెడ్డి
పేజీలు: 78
ప్రతులకు: 9393874112
వెల: రూ 99
ఈ పుస్తకంలోని కృత్యాలను పిల్లల చేత చేయించి వారిలో శాస్త్రం పట్ల అభిరుచిని, శాస్త్రీయ దృక్పథాన్ని కలిగించడమే ఈ పుస్తక రచయిత ఆశయం. ఈ పుస్తక రచయిత ఉపాధ్యాయ వృత్తి చేపట్టినప్పటి నుండి, సైన్స్‌ పట్ల విద్యార్థులకు సరియైన అవగాహన కల్పించాలనే తపనతో, తక్కువ ఖర్చుతో అనేక సైన్స్‌ ప్రయోగాలను రూపొందించి, జాతీయస్థాయిలో రాష్ట్ర స్థాయిలో అనేక విజ్ఞాన శాస్త్ర కార్యక్రమాలలో పాల్గొని, అపారమైన అనుభవాన్ని గడించారు. 
డి. గోపాలకృష్ణ
 
సాగర్‌ శ్రీరామకవచం
పేజీలు: 130
ప్రతులకు: ప్రముఖ పుస్తకాల షాపులు
వెల: రూ 100
ప్రాచీన పద్య రూపాన్ని ఆధునిక వచన కవిత్వాన్ని కలిపి నేనీ రూపాన్ని ఎంచుకున్నాను. ఒక ముక్కాణీలో నాలుగేసి పాదాలతో నడిచే మూడు వచన పద్యాలు వుంటాయి. ప్రతి వచన పద్యంలో మూడు పాదాల తర్వాత విరామం వుంటుంది. నాలుగో పాదం - పై మూడు పాదాలతో సంభాషిస్తుంది. తీసుకున్న వస్తువు విస్తృతిని బట్టి 12 పాదాల నుంచి 36 పాదాలు - చివరికి 108 పాదాల దాకా ముక్కాణీలు విస్తరిస్తాయి. 
సాగర్‌ శ్రీరామకవచం 
సింహ ప్రసాద్‌
పేజీలు: 138
ప్రతులకు: 9849061668
వెల: రూ 80

నేను సైతం' నవల కూడా పట్టుకుంటే చాలు అయిపోతే గాని మనం చదవడం ఆపలేని స్థితిని కలిగిస్తుంది. చదివించే గుణం ఆయన కలానికుంది. నవలైపోయే వరకూ మనం ఒక కుటుంబం మధ్య సంచరిస్తున్నట్లే ఉంటుంది. తన పాత్రలతో పాఠకుడు మమైకం చెందేట్టు చేయగలరు సింహప్రసాద్‌. డా. వేదగిరి రాంబాబు

మునిపల్లె రాజు
పేజీలు: 195
ప్రతులకు: 9849061668
వెల: రూ 100
భారతీయ సాంస్కృతిక పరంపర - విచ్ఛిన్నమయిపోతుందన్న ఆక్రోశం. శిలా శాసన సదృశమైన నీతి నిబంధనలు భగ్నమైపోతున్నవన్న ఆవేశమే అతని కథా వస్తువులు. గ్రామీణ జీవన వ్యవస్థ నుండీ మహానగర సంక్లిష్ట మానవ విషాదాల నుండీ - తన నిశిత పరిశీలనలో ఎదురు పడ్డ అన్ని అనుభూతులకు ఈ కథలు దర్పణాలు. 
 
సింహప్రసాద్‌
పేజీలు: 173
ప్రతులకు: 040-27177719
వెల: రూ 100
పల్లెలో పుట్టి పెరిగిన నాకు ఈ నవల చదువుతుంటే ఆశ్చర్యాన్ని కలిగించింది. ఏ పాత్రకు, ఆ పాత్ర ఏ లోపం లేకుండా కథను ఎంతో సహజంగా నడిపించారు. చేయి తిరిగిన రచయిత తప్ప ఇంత నేర్పరితనంతో పాత్రలను పోషించలేరు. అటువంటి రచనా చమత్కారం, నేర్పరితనం సింహప్రసాద్‌ గారికి దక్కింది. 
డా. వాసా ప్రభావతి
అనువాదం: దేవి
పేజీలు: 104
ప్రతులకు: 9010646492
వెల: రూ 60
మతం పేరిట, దేశం పేరిట జరిగిన అమానవీయ హింసాకాండ ఎక్కువగా అతని కథావస్తువు. 'నైరాశ్యపు అపహాస్యం' మంటో రచనల్లో ప్రకటింపబడుతుంది. తన ఎద చప్పుళ్ళు సామాన్యంగా కన్పించే కథాశిల్పం ద్వారా పాఠకుల మస్తిష్కంలోకి దూకేట్లు చేయగల సమర్థుడీ మంటో. సాదత్‌ హసన్‌ మంటో ఖచ్చితంగా ప్రపంచంలోని గొప్ప రచయితల్లో ఒకడు.
 ఉమామహేశ్వర్రావ్‌. సి
ఎస్‌.ఆర్‌. పృథ్వి
పేజీలు: 89
ప్రతులకు: 9989223245
వెల: రూ 70
ఈ పుస్తకంలో, తండ్రి సద్గుణ ప్రశంస, దుర్గుణ నిరసన- రెండూ ఉండడం చేత ఒక మంచి తండ్రి ఎలా ఉండాలో తెలుసుకొని, తండ్రులు తమ గుణ గణాల్ని సరిచేసుకునే అవకాశం ఉంది. అంత మంచి కవితా పంక్తులు ఈ పుస్తకం నిండా ఉన్నై. 
డా. అద్దేపల్లి రామమోహనరావు
ఆడిగోపుల వెంకటరత్నం
పేజీలు: 119
ప్రతులకు: 9848252946
వెల: రూ 80
వర్తమాన సామాజిక సంక్షోభాన్నీ, ఆ సంకక్షుభిత సమాజంలో నిత్యనరక గమనం చేస్తున్న మనిషి బతుకునీ - దృశ్యాలు దృశ్యాలుగా మనకందించారు అడిగోపుల వారు. ఈ అనంతమైన విస్తృతీ, వైవిధ్యం- కవితాసంపుటికి ఔన్నత్యశోభని కూరుస్తోంది. 
విహారి
పంజాల జగన్నాథం
పేజీలు: 87
ప్రతులకు: 9948531985
వెల: రూ 120
వీరి కథలు చదువుతుంటే వ్యక్తులు ఈ విధంగా ఉండాలి అని ఒక మాడల్‌ను చూసినట్టుంటుంది. ఒక నీతిబోధ వినపడుతుంది. సాంప్రదాయక సామాజిక రూపు రేఖల మధ్య కథలు నడుస్తయి. ప్రగతి కాముక ధోరణి తారసిల్లుతుంది. 'అనివార్యం' కథ ఈ విషయానికి అద్దం పడుతుంది. 
డా. బి.వి.ఎన్‌. స్వామి
 
తుమ్మూరి రామమోహన్‌ రావు
పేజీలు: 281
ప్రతులకు: 9701522234
వెల: రూ 200
ఈ అభిరుచి వల్ల మాత్రమే కాక, తన ప్రవర్తన వల్ల కూడా ఒక ఉదాహరణగా నిలబడ్డ మనిషి సామల సదాశివ అని ఈ స్మృతిసుధ మనకి మరొకమారు గుర్తుచేస్తున్నది. ఒక్కమాటలో చెప్పాలంటే, ఇందులోనే ఒక రచయిత గుర్తు చేసుకున్నట్లుగా దేశికోత్తముడు సదాశివ. 
వాడ్రేవు చినవీరభద్రుడు
 
జి. సుబ్బారావు
పేజీలు: 94
ప్రతులకు: 9866179890
వెల: రూ 100
జి.సుబ్బారావుకి కవిత్వం ఎప్పుడూ అంతరంగ వ్యవహారమే. స్పందన అనేది కవి లోపల బయలుదేరి పాఠకుని మనసులోని స్పందనగా మారిపోవాలి. అప్పుడే కొత్త కవిత పుడుతుంది. 'కొత్త కవిత' అనే శీర్షికతో ఉన్న కవితలో ఈ అంశం మనం గమనించగలం. 
డా. అద్దేపల్లి రామమోహనరావు
అనువాదం: ఎలనాగ
పేజీలు: 168
ప్రతులకు: 9866945424
వెల: రూ 150
ఒక్కొక్క కథా ఒక్కొక్క మణిపూస. సంగీత సాహిత్యాలను తన ఉచ్ఛ్వాస నిశ్వాసలుగా చేసుకున్న డాక్టరు గారు, వీటిని తన కవిత్వ పరిభాషలో అనుసృజన చేసి తెలుగు పాఠకులకు కానుకగా ఇస్తున్నారు. 
ముక్తవరం పార్థసారథి
జి. సుబ్బారావు
పేజీలు: 77
ప్రతులకు: 9866179890
వెల: రూ 75

ఈ వ్యాసాలను వివిధ సందర్భాల్లో రాయడం జరిగింది. నాకు బాగా నచ్చిన అంశాలను ఆయా సందర్భాలలో తప్పక చెప్పాలనిపించి రాసాను. ఆ కారణంగా వెనక్కి చూసుకునే అవకాశం లేక పునరుక్తమవడం జరిగిందే తప్ప, చెప్పడానికెన్నో విశేషాలు. జి. సుబ్బారావు 

జి. సుబ్బారావు
పేజీలు: 70
ప్రతులకు: 9866179890
వెల: రూ 75
జి .సుబ్బారావు, మొదటి సంపుటి 'వెలుతురు జలపాతం'తో ఆర్ద్రమైన కవిగా అవతరించారు. ఈ రెండో సంపుటి 'బియ్యపుగింజ'తో ఆయుధమై కూడా అవతరిస్తున్నారు. 
 డా. అద్దేపల్లి రామమోహనరావు
డా. కత్తి పద్మారావు
పేజీలు: 156
ప్రతులకు: 9849741695
వెల: రూ 100
ఇప్పుడు వ్రాస్తున్న గ్రంథాలన్నింటికి ఈ పుస్తకంలోని ప్రణాళికే భూమిక. యింత కాలానికి 4వ ముద్రణ తేగలిగినందుకు సంతోషిస్తున్నాను. అనేక పుస్తకాల ప్రచురణ వల్ల ఈ పుస్తక పునర్ముద్రణ ఆలస్యమైంది. సమాజ పరిణామానికి ఈ గ్రంథం కీలకమైన మార్పు నందిస్తుందని ఆశిస్తున్నాను. 
కత్తి పద్మారావు
 
ఎలనాగ
పేజీలు: 72
ప్రతులకు: 9866945424
వెల: రూ 50
ఆ ఆడకూలీ తన గుండెను/ పెనం మీద కాల్చుతుంటే/ చంద్రుడు చెట్టు వెనుక నుండి/ నవ్వుతుంటాడు-/ కంచమూ తపేలాతో/ సంగీతం కూరుస్తూ/ తండ్రి చిన్న కొడుక్కు/ సంగీతాన్ని పంచుతుంటాడు/ పెద్ద కొడుకు తన నడుముకు/ కట్టుకున్న చిరుగంటల్ని మోగిస్తూ/ నాట్యం చేస్తుంటాడు/ ఆ పాటలు మరణించవు/ గుండెలోని నాట్యమూ అంతే...
ఎలనాగ ('నాట్యం' కవితా చరణాలు)
 

పేజీలు: 162
ప్రతులకు: 9866179890
వెల: రూ 150
జి.సుబ్బారావుకి కవులందరు మిత్రులే. ఎవ్వరిమీద ఆయన పూర్వ నిర్థారిత భావాలతో పరిశీలన చేయరు. కేవలం కవిత్వంలోని గుణాలు మాత్రమే ఆయనకు కావలసినవి. ఆ మార్గంలోనే అనేకమంది కవులను, రచయితలను ఆయన పరిశీలించారు. 
డా. అద్దేపల్లి రామమోహనరావు 
కె.వి. రమణారెడ్డి (అశ్రుజల)
పేజీలు: 135
ప్రతులకు: 9885620875
వెల: రూ 150

సాహితీ వర్గాల్లో గొప్ప చర్చకు ఈ పుస్తకం దోహదం చేసింది. ఈ పుస్తకం మీద ఎందరో సాహితీ వేత్తలు తమ అభిప్రాయాలు- (అనుకూలంగా-ప్రతికూలంగా) వెలిబుచ్చారు. శ్రీశ్రీని అటు మార్క్సిస్టు దృక్పథంతోనూ, ఇటు శుద్ధకవిత్వంగానూ అర్థం చేసుకోవడానికి ఈ వ్యాసాలు తోడ్పడ్డాయి.
 అంపశయ్య నవీన్‌

మల్లవరపు చిన్నయ్య
పేజీలు: 80
ప్రతులకు: 8520091658
వెల: రూ 101

'ఆమని' పేరుతో వచ్చిన మల్లవరపు చిన్నయ్యగారి 'రెక్కలు' సలక్షణమైనవి విలక్షణమైనవి. సెలక్షన్‌లో పాఠకులే నచ్చినవి ఎన్నుకుంటారు. ఆరుపంక్తుల రచనలో కవితాత్మ 'రెక్కలు' కప్పుకుని ఉంటుంది. నాలుగు రెక్కలు తొలగించుకుని లోనికి వెళితే మిగతా రెక్కలు తీయగానే భావం జిగేల్‌మంటుంది.
 ఎండ్లూరి సుధాకర్‌

గొట్టిపర్తి యాదగిరి రావు
పేజీలు: 58
ప్రతులకు: 08297277795
వెల: రూ 50

సంక్షిప్తత కవిత ఆత్మని స్పర్శించడానికి దగ్గరి దారి అనుకునేట్టు అయితే ఆత్మ ఈ కవితల్లో కనిపిస్తుంది. ఆ సంక్షిప్తతకి సరళత్వం తోడయితే ఆ సరళత్వానికి సూటిదనం పదునయితే అది ఆస్వాదించే వాళ్ళకి తెరచిన హృదయం అవుతుంది. అలజడి అలాంటిదే!
చింతపట్ల సుదర్శన్‌

డా|| సూర్యాధనంజయ్‌
పేజీలు: 48
ప్రతులకు: 9849104187
వెల: రూ 75

డా|| సూర్య సున్నితమైన మనస్తత్వం గల వ్యక్తి. కవితాత్మక శక్తి ఈ నానీల్లో పొంగి పొరలి వచ్చినట్లు గుర్తించగలం. 'మూసీ' పత్రికలో సీరియల్‌గా ప్రచురింపబడుతున్నప్పుడే నేను బంజారా నానీల గట్టితనాన్ని చూసి సంతోషించాను. నానీల శిల్పం ఈమెకు పట్టుబడిందని తెలిసిపోయింది.
డా|| ఎన్‌. గోపి

డాక్టర్‌ చింతకింది శ్రీనివాసరావు
పేజీలు: 106
ప్రతులకు: 9912347991
వెల: రూ 110

అతి సామాన్యుల జీవితాల్లోంచి, అతి సాధారణ అంశాలనుంచి అమూల్యమైన మానవతావిలువల్ని, మానవసంబంధాల లోతుల్ని వెతికి, వెలికి తీసి, కథలుగా అల్లి, ఆద్యంతం చదివించేలా రాసే పదును ఈ పాత్రికేయ మిత్రుని కలానికి ఉంది.
జి. వల్లీశ్వర్‌

డాక్టర్‌ ఎస్వీ. సత్యనారాయణ
పేజీలు: 182
ప్రతులకు: 9848645986
వెల: రూ 100

   ఎస్వీ విమర్శలో ఒక ప్రధాన లక్షణం, విమర్శకులకు ఉండవలసిన లక్షణం రచయితల జీవిత విశేషాలను పరిచయం చేయడం. ఇది పాఠకుడికి ఆ రచయితను అర్థం చేసుకోవడానికి ఉపయోగపడుతుంది. ఇప్పటికీ ఆధునిక రచయితల జన్మదినాలను గురించి కూడా మనం గందరగోళపడుతున్నాం. అలాంటప్పుడు ఇంతమంది రచయితలు పుట్టిన తేదీలు, ఊళ్ళు, జీవితాలు, అనుబంధాలు, ఉద్యమ జీవితాలు వంటి వాటిని తేదీలతో సహా ఇవ్వడం ఎంతో ఉపకారం.
రాచపాళెం
 

కె. శివారెడ్డి
పేజీలు: 206
ప్రతులకు: 040-24064195
వెల: రూ 80

కళ్ళు మూసుకుంటే/ దృశ్యాలు కనుమరుగౌతాయా/ చెవుల్లో దూది పెట్టుకుంటే/ శబ్దాలు అంతర్థాన మవుతాయా/ లోనికి/ రక్తంలోకి యింకిన ప్రపంచాన్ని/ ఊహల ఊపిరులలోకి/ జొరబడిన ఒక హింసను/ ఎలా ఆర్పగలవు/ దీపపు ఉనికిని పరిహరించలేవు/ తిరస్కరించలేవు
కె. శివారెడ్డి ('అంతం' కవితా చరణాలు)

రవీంద్రనాథ్‌ టాగూర్‌ అనువాదం: ఒద్దిరాజు సోదరులు
పేజీలు: 320
ప్రతులకు: 040-27678430
వెల: రూ 200

ఒద్దిరాజు కవుల నవలానువాదం ఒక విలక్షణ రచన. ఆధునిక ప్రక్రియయైన నవలానువాదానికి పూనుకోవటం వారి నవ్యతా ప్రీతినీ, విస్తారమైన సాహిత్యావలోకననూ ద్యోతకం చేస్తుంది. ఈ రచన ప్రౌఢమైన గ్రాంథిక శైలిలో కొనసాగటం సమకాలీన యుగ ప్రభావాన్ని చాటుతుంది. నాటి సాహిత్య, సామాజిక నేపథ్యాలను అవగాహన చేసుకోవటానికి ఈ గ్రంథం ఉపకరిస్తుంది.
ఆచార్య ఎస్వీ రామారావు

తోకల రాజేశం
పేజీలు: 99
ప్రతులకు: 9676761415
వెల: రూ 100

రాజేశం తీరని దాహంతో ప్రాచీన, ఆధునిక తెలంగాణ చరిత్రను, సాహిత్యాన్ని అధ్యయనం చేస్తున్నారు. అకడమిక్‌ శ్రద్ధతో పాటు శాస్త్రీయ అన్వేషణతో పాటు, సరళంగా వ్యక్తీకరించే నేర్పు - సంఘర్షనాత్మక మైన భిన్న దృక్పథాల అధ్యయనం - సమన్వయం ఈ పదిహేడు వ్యాసాల్లో కన్పిస్తుంది.
అల్లం రాజయ్య

పాయల మురళీకృష్ణ
పేజీలు: 115
ప్రతులకు: 08965-286969
వెల: రూ 90

ఇది మురళీకృష్ణ మొదటి కవితా సంపుటి- ఎక్కువ భాగం చేయితిరిగినతనం కన్పడుతుంది. ప్రాథమికంగా ఉన్న కవితలు తక్కువ- లోలోన గుణించుకుని కవిత్వాన్ని అల్లే పద్ధతేదో మురళీకృష్ణలో ఉంది. అది ఒక చిక్కని నేతగా అతని కవిత్వంలో కన్పడుతుంది. ఈ అల్లికే పాఠకుడి కళ్ళ కడ్డం పడి నిలేస్తుంది. అలా పక్షుల గుంపులా విచ్చుకుంటున్న కవితల్లోకి