సాహిత్య ప్రస్థానం మే 2017

సాహిత్య ప్రస్థానం మే 2017

ఈ సంచికలో ...

  • కొత్త నీరొచ్చింది(కథ)
  • రెయిన్‌ మేకర్‌ సినిమా పరిచయం
  • చలం కలంలో కమ్యూనిజం
  • ఎంతెంత దూరం..? (కథ)
  • శ్రమే తప్ప ఫలితం దక్కని గుత్త సేద్య
  • ప్రతిఫలనం 'మునికన్నడి సేద్యం'
  • బాల్యాన్ని చిదిమేస్తున్న బడిహింస
  • ముక్కు పుడక (కథ)
  • తడియారని స్వప్నం - మనోవైజ్ఞానిక కోణం
  • డా|| మానేపల్లి జీవిత రేఖాచిత్రణ
     

కొత్త నీరొచ్చింది...

అంపశయ్య నవీన్‌
9989291299


''పెద్దనోట్ల రద్దు ప్రభావం ఎలా ఉంటుందంటారు?'' నల్లగొండ నుండి సూర్యాపేటకు వెళ్తున్న నన్ను బస్సులో నా పక్క సీట్లోనే కూర్చున్న ఓ ప్రయాణీకుడు అడిగాడు.
    నేనతనివేపు తిరిగి అతణ్ణి పరిశీలనగా చూశాను.
    నాలాగే అతడూ మధ్య వయస్కుడు. తెల్లటి ధోవతి, తెల్లటి చొక్కాతో చాలా ఆకర్షణీయంగానే కనిపించాడు. ఛామనఛాయ, చురుకైన కళ్ళు, అక్కడక్కడ నెరుస్తున్న వెండ్రుకలు... నడిమి పాపట తీసి పైకి దువ్వుకున్నాడు. బహుశా వ్యవసాయదారుడు అయ్యుంటాడు అనుకున్నాను.
''పెద్దనోట్లను రద్దు చేస్తున్నానని మన ప్రధానమంత్రి ప్రకటించినప్పుడు దేశ ప్రజలంతా గొప్ప దిగ్భ్రాంతికి గురయ్యారు. దేశంలో విపరీతంగా పేరుకుపోయిన నల్లధనాన్ని వెలికితీయటం కోసం ఈ చర్య తీసుకున్నామని, దీనివల్ల అన్నీ సత్ఫలితాలే ఉంటాయని మన ప్రధాని చెప్పారు. నిజమే... దేశంలో హద్దూ అదుపూ లేకుండా పెరిగిపోతున్న నల్లధనాన్ని వెలికితీయటానికి ఈ చర్య తోడ్పడుతుందనటంలో సందేహం లేదు. కానీ...'' నామాట పూర్తి కాకుండానే అతడు ''అసలీ నల్లధనం అంటే యేమిటండి?'' అని అడిగాడతడు.
''ప్రభుత్వ దృష్టికి రాకుండా... ముఖ్యంగా ఆదాయపు పన్ను వసూలు చేసే అధికారుల దృష్టికి రాకుండా చెలామణి అయ్యే డబ్బును నల్లధనం అంటారు. ఉదాహరణకు మీరో వ్యాపారం చేస్తూ లక్షలు సంపాదిస్తున్నా రనుకొండి, మీ సంపాదన 20 లక్షలనుకొండి, కానీ మీరు మీ ఆదాయం 5 లక్షలని చూపించి, ఆ ఐదులక్షలకే ఆదాయపు పన్ను కడ్తారనుకొండి, మిగతా 15 లక్షల్ని ప్రభుత్వం దృష్టికి రాకుండా దాచేసుకుంటారనుకొండి, అప్పుడా 15 లక్షలు నల్లధనం అవుతుంది. ఒక్క ప్రభుత్వోద్యోగుల ఆదాయం తప్ప వ్యాపారస్తులు, డాక్టర్లు, సినిమావాళ్ళు- వీళ్ళ ఆదాయాలు ఎంతో వాళ్ళకు తప్ప వేరేవాళ్ళకు తెలీదు. ఈ వర్గాల వాళ్ళ దగ్గరే నల్లధనం పెద్ద మొత్తంలో ఉంటుంది''
''మరి ఈ నోట్ల రద్దు వల్ల ఈ నల్లధనం ఎలా బయటకు వస్తుందంటారు'' అడిగాడాయన.

Rainmaker

1997లో విడుదలైన  రెయిన్‌ మేకర్‌  సినిమా పరిచయం
దర్శకుడు: Francis Ford Capola
కాళిదాసు పురుషోత్తం
9247564044

కపోలా దర్శకత్వం వహించిన రెయిన్‌మేకర్‌ సినిమా జాన్‌ గ్రాసిమ్‌ నవలకు చలనచిత్రానుసరణ. కోర్టులు, న్యాయవాదుల్లో చిన్నచేపలు, పెద్దచేపలు, తిమింగలాలు, జీవన పోరాటంలో అణగారే అతి సామాన్యులు - ఎన్నో వైవిధ్యం ఉన్న పాత్రల్ని మన ముందుంచుతాడు దర్శకుడు. ఈ సినిమాలో కథ ఇన్సూరెన్స్‌ కంపెని 'లుకేమియా' రోగికి వైద్యం ఖర్చు తిరస్కరించడం అనే అంశం చుట్టూ తిరుగుతుంది.

చలం కలంలో కమ్యూనిజం


తెలకపల్లి రవి
ఒక దశలో ఆయన ఆశలన్నీ కమ్యూనిస్టులపైన కమ్యూనిజంపై వుంచినట్టు కనిపిస్తుంది. 'ఎట్లా లోక కళ్యాణం చెయ్యాలని ఆలోచిస్తే ఒక్క కమ్యూనిజమే మిగిలివుంది ఆధారంగా' అంటాడు. 'చేస్తే కమ్యూనిస్టులే చేయాలి. కమ్యూనిజం తప్పదు' అని ఖచ్చితంగా చెప్పేస్తాడు. 'ఆధ్మాత్మిక వాదులు మనసుకు ఎలాటి దిగుళ్లు లేకుండా పోవాలంటే ఏదీ పట్టించుకోకుండా వుండే తత్వం దానికి అలవర్చాలంటారు. అంటే మనసును మార్చాలంటారు. అదే కమ్యూనిస్టులు ఆ బాధలకు మూలమైన పరిస్థితులను మారిస్తే మనసుకు వాటిని పట్టించుకునే పనే వుండదని చెబుతారు' ఇది చలంకు వున్న స్పష్టత. 'యీనాటి పాత బూజుదులిపి ప్రజాక్షేమపు దృష్టితో చూడగలిగిన వారు కమ్యూనిస్టులే'నని బల్లగుద్దిచెబుతాడు.
సోషలిజం గురించిన చలం ఆలోచలను ఒక చోట చూడటం ఎంతో  సంతోషకరమైన అనుభవం. స్వేచ్ఛా భావుకుడైన చలం సమతా ధర్మమైన కమ్యూనిజాన్ని అభిమానించడం, దాని నుంచి చాలా ఆశించడం సహజమే. చలం చిత్తశుద్ధిని ప్రజా పక్షపాతాన్ని తెలియజేసే గొప్ప

అక్షర విలాపం


కట్ల మమత
9652176902

నిశ్శబ్దం!
గ్రంధాలయంలో నిశ్శబ్దం
ముచ్చట గొలుపుతుంది
ఆ నిశ్శబ్దం ఉనికిని వినిపించే
పుస్తకాల పేజీల చప్పుడు కూడా
మూగవోతే మాత్రం
ఆ నిశ్శబ్దం భయంకరంగా ఉంటుంది
బాధగానూ ఉంటుంది
పాఠకుడు వద్దనుకుంటే ఆ తప్పు పుస్తకానిదే!

శ్రమే తప్ప ఫలితం దక్కని గుత్త సేద్య ప్రతిఫలనంశ్రమే తప్ప ఫలితం దక్కని గుత్త సేద్య ప్రతిఫలనం'మునికన్నడి సేద్యం'


రాచపాళెం చంద్రశేఖర రెడ్డి
9440222117

 'మునికన్నడి సేద్యం' గుత్త సేద్యంలోని వెలుగు చీకట్లను చిత్రించిన నవల. దున్నేవాడిదే భూమి అనే నినాదం పాలకుల పుణ్యమా అని దున్న గలిగే వాడిదే భూమిగా మారిపోయిన నేపథ్యంలో నామిని నవలకు చాలా ప్రాముఖ్యముంది. గ్రామీణ ఆర్థిక జ్ఞానం అక్కడి భూ సంబంధాలు, వ్యవసాయ శాస్త్రం, గ్రామీణ ప్రజల ఆలోచనలు, ఆచరణలు పూర్తిగా తెలిస్తే తప్ప, వాటిల్లో అభినివేశం ఉంటే తప్ప 'మునికన్నడి సేద్యం' నవల రాయడం సాధ్యం కాదు. మిట్టూరు చినబ్బ నామినికి ఈ పరిజ్ఞానమూ, అనుభవమూ పుష్కలంగా ఉన్నాయి. కల్తీ లేని గ్రామీణ రచయిత నామిని.

బాల్యాన్ని చిదిమేస్తున్న బడిహింస


కరణం శ్రీనివాసులురెడ్డి
9493212454

ఒకప్పుడు అన్నీ వుండి సత్యం కోసం, ధర్మం కోసం, సమాజం కోసం, సాటి మనిషి కోసం, విలువలు కోసం సర్వస్వమూ పోగొట్టుకున్న వారి గురించీ, దేశం కోసం ధన, ప్రాణాలను త్యాగం చేసిన మహాత్ముల గురించీ పాఠ్యపుస్తకాలు బోధించేవి. కానీ విలువలు తారుమారైనాయి. ఇప్పుడు ఏమీ లేక సున్నా నుండీ జీవితాన్ని మొదలుపెట్టి అంచెలంచెలుగానో, ఉన్నఫలంగానో బిలియనీర్లుగా ఎదిగిన వారి గురించి నేర్చుకొంటున్నాం. ఇప్పుడు వారే సమాజానికి మార్గ నిర్దేశకులు, ఆదర్శప్రాయులు.
రోజు రోజుకీ పెరుగుతున్న మానవసంబంధాల్లోని డొల్లతనాన్నీ, వ్యవస్థలోని అస్తవ్యస్తతనూ, సంక్షోభాన్నీ, సంఘర్షణనూ ఈనాటి కవిత్వంలో కవులు దృశ్యమానం చేస్తున్నారు. ఈ నేపథ్యంలో నేటి విద్యావ్యవస్థలోని అమానవీయాతనూ, హింసనూ తెలుగు కవిత్వం ప్రశ్నిస్తోంది. విద్య పేరుతో హింసించబడుతున్న కోట్లాది బాలల తరుపున గొంతెత్తుతోంది. వారి వ్యదార్ధ జీవిత యదార్ధ దృశ్యాలను మన ముందుంచుతోంది. ఈ సందర్భంగా మార్కెట్‌ సంస్కృతిని నెత్తికెత్తుకున్న నేటి కార్పొరేట్‌ విద్యావ్యవస్థలో పెరిగిపోతున్న అమానవీయత, హింస తెలుగు కవిత్వంలో ఎలా చిత్రించబడ్డాయో పరిశీలిద్దాం. దానికి ముందు విద్య-ప్రపంచీకరణ మధ్య సంబంధాన్ని చూద్దాం.

మానేపల్లి జీవిత రేఖాచిత్రణ



డా|| ఎస్‌. సత్యనారాయణ
9849416374

1992లో హైదరాబాద్‌ తెలుగు యూనివర్శిటీలో ''శ్రీకాకుళ గిరిజన రైతాంగ పోరాటం ప్రజా సాహిత్యం' అనే అంశంపై సిద్ధాంత  వ్యాసం సమర్పించి పిహెచ్‌.డి.డిగ్రీ పొందారు. విశాఖ జిల్లా యలమంచిలి పట్టణంలో 1974లో 'అవగాహన' పేరుతో ఆధునిక ఆలోచనా వీచిక అనే సాహిత్యోద్యమ సంస్థను స్థాపించి అక్కడే స్థిర నివాసం ఏర్పాటు చేసుకున్నార
1960 నుండి చివరి వరకు కథా రచనలోనే గాక వివిధ ప్రక్రియల్లో తలమునకలుగా ఉన్న పేరెన్నికగన్న రచయితల్లో డా|| మానేపల్లిని ప్రముఖంగా పేర్కొనవచ్చు. డా|| మానేపల్లిగా పేరుగాంచిన రచయిత పూర్తిపేరు మానేపల్లి సత్యనారాయణ. తూర్పుగోదావరి జిల్లా రాజమండ్రిలో 1944 మే నాల్గవ తేదీన జన్మించారు. తండ్రి మానేపల్లి గున్నేశ్వరరావు. తల్లి సత్యశ్యామలాంబ. ఏడుగురి సంతానంలో ఈయన మొదటివారు. ఇతనికి రాజమండ్రి ఆర్యపురంలో తొలుత అక్షరాభ్యాసం జరిగింది. ప్రాథమిక విద్య ఒంగోలులోని ప్రభుత్వ బేసిక్‌ ట్రైనింగు స్కూల్లోను, మోడల్స్కూల్లోను, టెక్కలి బోర్డు హైస్కూల్లోను, తరువాత తూర్పుగోదావరి జిల్లా రాజోలు బోర్డు హైస్కూల్లోను, ఆ తరువాత రాజమండ్రి మున్సిపల్‌ హైస్కూల్లోను, ఎస్‌.ఎస్‌.ఎల్‌.సి. లోనికి వచ్చిన తరువాత తొలి నెలలో పశ్చిమ గోదావరి జిల్లా చింతల పూడి హైస్కూల్లోను, 1958 అక్టోబరు నుండి 1959 మార్చి వరకు శ్రీకాకుళం జిల్లా చీపురుపల్లి బోర్డు హైస్కూల్లోను చదివి ఎస్‌.ఎస్‌.ఎల్‌.సి ద్వితీయ శ్రేణిలో ఉత్తీర్ణులయ్యారు. తండ్రి వృత్తిరీత్యా బదిలీ కావడంచేత ఇన్ని ప్రాంతాల్లో ప్రాధమిక విద్య పూర్తి చేయాల్సి వచ్చింది.

మనిషి ప్రత్యేకం


లలితానంద్‌
9247499715

ప్రకృతి ద్వంద్వాల్లో - విద్వేషమా
నాదెపుడూ ద్వితీయమే, అననుకూలమే
సంకల్పిత, అసంకల్పిత
విద్వేషం విద్వేషమే
అసంకల్పితం అర్ధరహితం
ఎపుడెవరిదైనా
విద్వేషం విద్వేషమే
ఎక్కడైనా విషం విషమే
పేరేదైనా ప్రాంతమేదైనా
విద్వేషం విద్వేషమే
సుహృద్భావ శిల్పాన్ని చిదిమేయడమే లక్ష్యం