భూతం

కవిత

  - చిత్తలూరి - 8247432521

సీసాలోంచి

భూతాన్ని వెలికితీసే

కుట్రేదో జరుగుతోంది

భూతం బయటికొస్తే చాలు

భూమండలం బద్దలయ్యే సన్నివేశం

కళ్లముందు ప్రత్యక్షం

ఆకుపచ్చని అడవి సామ్రాజ్యాన్ని

కూలదోసే కుట్రేదో రచిస్తున్నారు

పచ్చని పోడుపొలాల నా నల్ల నేలంతా

శ్మశానాలను మొలిపించే ప్రయత్నాలు

పశుపక్ష్యాదులూ

అమాయకమైన ప్రక తి పురుషుల

సహజ జీవన సంరంభాలు

అన్నీ భూతం కాళ్లకింద

మ తకళేబరాలై తుడిచిపెట్టుకుపోయే

పాడు కాలమేదో సష్టించబడుతుంది

 

తినే అన్నం మెతుకుల మధ్య

అణుబాంబులను విసిరే భూతం

మొలకెత్తే బతుకు గింజల నడుమ

రక్తపు రసాయనాలు చల్లే భూతం

ఆకుపచ్చని ప్రక తి సంపదను

అమాంతం నెత్తురు కోరలతో

నమిలి మింగేసే భూతం

బంగారం పండే గిరిజన నేలలనిండా

విషాన్ని అలికే భూతం

నదుల నరాల నిండా

కొండల కండల నిండా

విషరక్త కాసారాలను

ప్రవహింప చేసే భూతం

 

ఈ భూతాన్ని కట్టడి చేసే

పోరాట మాంత్రికులం కావాలి

నడిచే నేలనీ

పాడే ఆకాశాన్నీ

పరవశించే ఆకుపచ్చదనాన్ని

కాపాడుకునే యుద్ధం చేయాలి

మట్టి సీసా మూత తెరిచి

భూతాన్ని చెలరేగిపోయేలా చేసి

మూలవాసుల ప్రక తి నేలను

చాపలా చుట్టేసి అంతమొందించే

కుట్రకు చరమగీతం పాడాలి

కార్పోరేట్ల వ్యాపార

కబంధహస్తాలనుండి

మనదైన నేలనీ ఆకాశాన్నీ

కన్నబిడ్డల్లా కాచి కాపాడుకోవాలి

భూతం బయటికి రాకముందే

భూమిపుత్రులంతా ఏకమై

అడవినే ఆయుధంగా మలచుకుని

యుద్ధానికి బయలు దేరాలి!