సాహితీస్రవంతి - పల్లెపాలెం ఆంధ్రీకుటీరం - క''వన''భోజనాలు

కాకినాడసాహితీస్రవంతి కవులు, రచయితలం అందరం కలిసి, ఈసారి మధునాపంతుల సత్యనారాయణ మూర్తి ఆహ్వానం మేరకు  వనభోజనాలకు పల్లెపాలెం ఆంధ్రీకుటీరానికి తరలి వెళ్ళాం. నవంబర్‌ 19 ఆదివారం ఉదయం 10 గంటలకల్లా అందరం పల్లెపాలెం చేరు కొన్నాం. ముందుగా ఆంధ్రీకుటీరానికి వెనుకతోటలోగల పెద్ద బంగినపల్లి మామిడి చెట్టును సందర్శించాం. కీ.శే. మధునాపంతుల సత్య నారాయణ శాస్త్రి ఆ చెట్టు క్రిందే కూర్చొని '' ఆంధ్రపురాణ'' మహాకావ్యాన్ని వ్రాసారని ప్రతీతి. మధునాపంతుల వారిని స్మరిస్తూ సన్నిధానం నసింహ శర్మ ఆంధ్రపురాణంలోని పద్యాలను ఎంతో చక్కగా ఆలపించి అందర్నీ అలరించారు. మధ్యాహ్నం12.30 కి మధునాపంతులవారి గ హ ప్రాంగణంలోని ఉసిరిచెట్టు క్రింద ఎంతోరుచికరమైన భోజనాలు చేసాం. భోజనానంతరం వేంకట రామకష్ణ కవులలో ఒకరైన ఓలేటివేంకట రామశాస్త్రి జయంతిసభను ఏర్పాటుచేసారు. ఆ సభలో ముందుగా మాకినీడి సూర్యభాస్కర్‌  కవిత్వంపై శ్రీహస్త రాసిన '' మనసున్నకవి మాకినీడి'' అనేపుస్తకాన్ని సాహితీస్రవంతి రాష్ట్ర ఉపాధ్యక్షులు గనారా ఆవిష్కరించారు. అవధానుల మణిబాబు ఆ పుస్తకాన్ని చక్కగా లోతైన పరిచయం చేసారు. కాకినాడ సాహితీస్రవంతి అధ్యక్షులు మార్ని జానకిరాంచౌదరి కూడా పుస్తకంపై చక్కని ప్రసంగం చేసారు.డా.వాడ్రేవు వీరలక్ష్మీదేవి, శిఖామణి, దాట్ల దేవదానం రాజు పల్లెపాలెంతో తమకుగల అనుబంధాన్ని, అనుభవాలను నెమరువేసుకొన్నారు. ఓలేటి వేంకటరామశాస్త్రిపౖౖె  డా.రెంటాల శ్రీవేంక టేశ్వరరావు, డా. జోశ్యుల కష్ణబాబు ప్రధాన ప్రసంగాలు చేసారు. రెంటాలవారు ఓలేటివేంకటరామ శాస్త్రి, వేదులరామక ష్ణ శాస్త్రిగారితో కలిసి జంట కవిత్వం చెప్పటం, నాలుగు గంటలలో అవధానం చెయ్యటం, చెళ్ళపిళ్ళ వారితోస్పర్ధలు, ''కవిత'' పత్రిక నిర్వహణ, పద్యశైలి, వంటి అనేక విశేషాలతో అద్భుతమైన ప్రసంగం చేసారు.రెంటాలవారు స్ప శించని అంశాలను తీసుకొని ఆయా సందర్భాలలో వేంకటరామకష్ణ కవులు చెప్పినహద్యమైనపద్యాలను ఎంతోశ్రావ్యంగా చదివి వినిపించిశ్రోతలను కృష్ణ బాబు రంజింపజేసారు.మధునాపంతుల సత్యనారాయణ మూర్తి ఛలోక్తులతో, చతురోక్తులతో మధ్యమధ్య ప్రముఖుల పద్యాలతో సభ అంతటినీ హ ద్యంగా హుందాగా నడిపించారు. ఈ కవనయాత్రలో అద్దేపల్లిప్రభు, బొల్లోజు బాబా, కాకరపర్తి దుర్గాప్రసాద్‌, రామకష్ణ శ్రీవత్స, ద్విభాష్యం నగేష్‌ బాబు, తంత్రవహి శ్రీరామ్మూర్తి, పరుగుభాస్కరరెడ్డి, కొండూరిరామరాజు, మధునాపంతుల చలపతి, ఘట్టి శ్రీకృష్ణ దేవరాయ, శ్రీమతిపద్మావతి, పద్మజవాణి, అద్దేపల్లిజ్యోతి, వేంకటరామశాస్త్రి, మురళీకుమారి తదితర కవులు, కవయిత్రులు, హాజరయ్యారు.రోజురోజంతా పుస్తకావిష్కరణలతో, సమీక్షలతో, ఆత్మీయ ప్రసంగాలతో, ఉపన్యాసాలతో, ఎంతోహాయిగా, ఆనందంగా గడిచిపోయింది. ఇంతమందికి వన భోజనాలేగాక, వీనులవిందైన, పసందైన కవనభోజనాలనూ ఏర్పాటుచేసిన మధునాపంతులవారికి సాహితీస్రవంతి తరుపున ధన్యవాదాలు..!- జోశ్యుల కృష్ణబాబు